2 Samuel 20:23 - Q'eqchi Bible

²³ Laj Johab a'an xjolomil chixjunileb' laj puub' aj Israel. Laj Benaías, ralal laj Johadá, a'an xjolomileb' laj Keret ut eb' laj Pélet.

Li Santil hu

²³ Laj Joab quicana chi takla̱nc saꞌ xbe̱neb chixjunileb lix soldados aj Israel. Ut laj Benaía li ralal laj Joiada quicana chi takla̱nc saꞌ xbe̱neb laj cereteo ut eb laj peleteo.

2 Samuel 20:23 ပူးပေါင်းရင်းမြစ်များ

2 Samuel 23:20

Laj Benaías, ralal laj Johadá, aj Kabsehel, a'an jun li winq kaw xch'ool li kixb'aanu xninqal ru b'aanuhom rik'in li xjutz' ch'iich' ut kixkamsiheb'. A'an kikamsink re li wiib' xninqaleb' ru winq aj Mohab. Sa' jun kutan naq yo chaq chi kub'eek sa' choxa li ratz'amke, ki'ok sa' jun b'ekb'il ha' ut kixkamsi jun kaqkoj.

2 Reyes 11:4

Chiru li xwuq chihab', laj Johadá aj tij kixtaqla xb'oqb'aleb' li xjolomileb' li o'taqk'aal chi aj puub' jo'wi' eb' laj taqlanel ut eb' laj k'aak'alenel, ut kixch'utub'eb' rik'in, sa' rochoch li Qaawa'. Aran kixk'uub' jun sumwank rik'ineb' ut kixtz'aama li jurament chiruheb'. Toja' naq kixk'ut chiruheb' laj Johás, li ralal li awab'ej.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

2 Samuel 20:7

Koheb' li winq li wankeb' rub'el xtaql laj Johab, jo'wi' eb' laj Keret, eb' laj Pélet ut chixjunileb' li yo'ooneb' chi yalok. Ke'elk Jerusalén chirix laj Abisay re xsik'b'al chaq laj Sebá, ralal laj Bikrí.

1 Reyes 1:7

Kixk'am rib' sa' aatin rik'in laj Johab, ralal lix Sarbia, ut rik'in laj Abiatar laj tij, li neke'okenk chirix.

1 Reyes 1:8

Ab'an laj Sadok laj tij, laj Benaías, ralal laj Johadá, laj Natán li propeet, laj Semehí, ramiiw laj David, ut eb' laj puub' ink'a' ke'okenk chirix laj Adonías.

1 Reyes 4:1

Laj Salomón ki'awab'ejink sa' xb'eeneb' chixjunileb' laj Israel.