2 Samuel 20:21 - Q'eqchi Bible

²¹ Moko jo'kan ta. Yal jun li winq, aj Sebá xk'ab'a', ralal laj Bikrí, li xchalk chaq sa' xtzuulul Efraín, taaraj yalok rik'in li awab'ej David. Q'axtesiiq sa' quq', ka'ajwi' a'an, ut tin'elq sa' leetenamit”, chan laj Johab. Kichaq'ok li ixq: “Us, maak'a' naxye. Tqakut li xjolom junpak'al li tz'ak”, chan.

Li Santil hu

²¹ Ma̱cuaꞌ aꞌan li nakaj la̱o. Jun li cui̱nk aj Seba xcꞌabaꞌ xchal chak saꞌ lix naꞌajeb li ralal xcꞌajol laj Efraín, li tzu̱l ru. Li cui̱nk aꞌan ta̱raj pletic riqꞌuin li rey David. Cui te̱kꞌaxtesi ke li cui̱nk aꞌan, la̱o toxic ut incꞌaꞌ to-oc saꞌ le̱ tenamit, chan laj Joab. Li ixk quixye re: —La̱o takacamsi ut takacut lix jolom jun pacꞌal li tzꞌac, chan.

2 Samuel 20:21 ပူးပေါင်းရင်းမြစ်များ

Jeremías 50:19

Israel taasutq'iiq chaq wi' chik sa' li xch'och', ut chanchan junaq karneer sa taatzekanq aran Karmeel ut Basán, jo'wi' sa'atqeb' li k'iche' re Efraín ut Galahad, toj reetal taak'ojlaaq xch'ool.

Jeremías 4:15

Ab'i li xyaab' kuxej li nachalk chaq toj Dan: a'an naxye resil li rahilal yo chaq chi chalk sa' xteepal Efraín:

2 Reyes 10:7

Naq ke'xk'ul li xhu laj Jehú, eb' laj k'amol b'e aran Samaria ke'xchap li lajeeb' xkaak'aal chi alalb'ej ut ke'xch'ot li xjolomeb', ke'xk'e li xjolomeb' sa' jun chakach ut ke'xtaqla Jisrehel.

2 Reyes 5:22

Kisumeek: “Maak'a' xk'ulmank, ab'anan laj eechal we xinxtaqla chaq chi xyeeb'al aawe naq wiib'eb' xtzolomeb' li propeet xe'chalk chaq sa' k'iche'b'aal xteepaleb' laj Efraín. B'aanu usilal, k'e reheb' oxib' mil li tumin plaat ut wiib'aqeb' sumal raq'eb'”.

2 Samuel 23:18

Laj Abisay, riitz'in laj Johab ut xyum lix Sarbia, a'an xjolomil eb' li kaweb' rib'. Sa' jun kutan kixkut rib' sa' xb'eeneb' o'lajuk'aal (300) chi winq rik'in li xjutz' ch'iich' ut kixkamsiheb'. Jo'kan naq kinimank xwankil sa' xyanqeb' li lajeeb' xka'k'aal

2 Samuel 20:1

Sa' li tenamit Kilkal kiwank jun li winq ink'a' us xna'leb', aj Sebá xk'ab'a', ralal laj Bikrí, aj Benjamín. A'an kixyaab'asi li xukub' ut kixye: “Laa'o maak'a' wank qe rik'in laj David chi moko wank qeechanihom rik'in li ralal laj Jesé. Ex aj Israel, xikaqo chiqajunilo sa' li qochoch!”, chan.

1 Samuel 26:9

Ab'an laj David kixye re laj Abisay: “Maakamsi. Maajun li tixtaqsi li ruq' sa' xb'een li awab'ej sik'b'il ru xb'aan li Qaawa' taakanaaq chi ink'a' ta tixtoj rix li xmaak”.

1 Samuel 24:6

“Li Qaawa' taxaq chikoloq we chi xb'aanunkil rahilal re li awab'ej, a' li sik'b'il ru xb'aan li Qaawa'. Maajoq'e tintaqsi wuq' sa' xb'een, xb'aan naq a'an yulb'il xb'aan li Qaawa'”, chan reheb' laj puub'.

Jueces 7:24

Laj Jedehón kixtaqlaheb' aj esil sa' chixjunileb' li xtzuulul Efraín re xyeeb'al: “Kub'enqex chaq chi xk'ulb'aleb' laj Madián ut ramomaq xb'eheb' chire li nima' Jordán toj Bet-Bará”. Ut jo'kan ki'uxmank: chixjunileb' laj Efraín ke'xjunaji rib' ut ke'ramok li nima' Jordán toj Bet-Bará.

Jueces 2:9

Kimuqe'k aran Timnat-Jeres, sa' li na'ajej kireechani chaq, chiru li xtzuulul Efraín, sa' xjayal releb'l iq' re li tzuul Kahás.

Josué 24:33

Laj Elehasar ajwi', ralal laj Aharón, kikamk ut ke'xmuq aran Kibat. Li tenamit a'an wank sa' xyanqeb' li xtzuulul Efraín ut kik'ehe'k re laj Pinjás, ralal laj Elehasar.

2 Samuel 20:2

Ut chixjunileb' laj Israel ke'xkanab' xjunes laj David re xtaaqenkil laj Sebá, ralal laj Bikrí; ab'an eb' laj Judá ke'xtaaqe li x'awab'ejeb' chalen chaq sa' li nima' Jordán toj Jerusalén.

2 Samuel 20:20

Kichaq'ok laj Johab: “Chi moko xink'oxla xb'aanunkil a'an! Moko wajom ta xt'anb'al ut xsachb'al.

1 Reyes 11:26

Laj Jerobohán a'an ralal laj Nebat, Seredá xtenamit, sa' xteepal Efraín. Li xna' a'an jun xmalka'an ixq, xSeruhá xk'ab'a'. Kixq'etq'eti rib' chiru laj Salomón li awab'ej, naq toj yo chi k'anjelak chiru.

Jueces 9:55

Naq eb' laj Israel ke'ril naq kamenaq chik laj Abimélek, ke'sutq'iik wi' chik sa' li rochocheb'.