2 Samuel 20:15 - Q'eqchi Bible

¹⁵ Naq eb' laj Johab ke'wulak Abel-Bet-Mahaká, ke'xtach'ab' ch'och' li nawulak toj wan wi' li suttz'ak, chiru li tenamit, ut chixjunileb' ke'xtikib' b'ekok re xt'anb'al li suttz'ak.

Li Santil hu

¹⁵ Nak eb lix soldados laj Joab queꞌcuulac Abel-bet-maaca, queꞌxtu̱b li chꞌochꞌ chirix li tzꞌac li sutsu cuiꞌ li tenamit re ta̱ru̱k teꞌpletik riqꞌuineb. Ut queꞌxtiquib ajcuiꞌ xtꞌanbal li tzꞌac.

2 Samuel 20:15 ပူးပေါင်းရင်းမြစ်များ

2 Reyes 19:32

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj, ink'a' taaxik sa' li tenamit chi wanq xkolb'al rib', ink'a' tixyiib' xtaqleb'aal re taa'ok sa' li tenamit.

Jeremías 32:24

«K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

San Lucas 19:43

Xb'aan naq chalkeb' re li kutan sa' aab'een naq tate'xtz'ap eb' li xik' neke'ilok aawe, tate'xsut ut tate'xpitz'i yalaq b'ar aacha'al;

Ezequiel 4:2

Chirix a'an taasut rix rik'in reetalileb' laj puub', tz'iib'a reetalil eb' li taqleb'aal, eb' li tz'ak ut eb' li k'anjelob'aal re ok sa' li tenamit; k'e reetalil xmuheb'aaleb' li xik' neke'ilok re, chi xsutam, re naq taak'utunq naq sutsu rix Jerusalén.

Jeremías 33:4

Laa'in li Qaawa', xYos laj Israel, ninye a'in chirixeb' li ochoch wankeb' Jerusalén ut chirixeb' li rochocheb' li awab'ej re Judá li te'juk'e'q. Ok re li yalok chi ch'iich' rik'ineb' laj Kaldeha li yookeb' chi xyiib'ankileb' li taqleb'aal re ok sa' li tenamit. Taanujaq chi kamenaq Jerusalén ut naab'aleb' te'tiq'e'q xb'aan xnimal linjosq'il: laa'in xinmuq wib' chiruheb' xb'aan li xk'iila maa'usilaleb' xe'xb'aanu.

Jeremías 6:6

A'an a'in li kixye li Qaawa', li Nimajwal Yos, reheb' li awab'ej a'an: “Yok'omaq eb' li che' ut yiib'omaq eetaqleb'aal re naq tex'ok chi yalok rik'ineb' laj Jerusalén. Li tenamit xteneb'aak li rahilal sa' xb'een, xb'aan naq numtajenaq li rahob'tesink aran.

Isaías 37:33

Xyehom li Qaawa' chirix li awab'ej re Asiria: «Ink'a' taa'ok sa' li tenamit a'in, ink'a' tixkut junaq ral simaj; ink'a' taaxik sa' li tenamit chi wanq xkolb'al rib', chi moko tixyiib' xtaqleb'aal re taa'ok sa' li tenamit.

2 Reyes 15:29

Naq wank laj Pékaj cho'q awab'ej re Israel, laj Tiklat-Piléser, awab'ej re Asiria, kiyalok rik'ineb' laj Israel ut kixchapeb' li tenamit Iyón, Abel-Bet-Mahaká, Yanóhaj, Kadés, Jasor, Galahad, Galilea ut chixjunil li xteepal Efraín, ut kixk'ameb' chixjunil li xpoyanamileb' toj Asiria.

1 Reyes 15:20

Laj Ben-Adad kixpaab' li kixye laj Asá li awab'ej ut kixtaqlaheb' li xjolomileb' laj puub' chi yalok rik'ineb' li tenamit sa' xteepal Israel. Chi jo'kan kixsach ruheb' li tenamit Iyón, Dan ut Abel-Bet-Mahaká, jo' ajwi' chixjunil xteepal Kinerot ut li xteepal Neftalí.

2 Samuel 20:14

Laj Sebá kinumje'k sa' chixjunileb' li xteepaleb' laj Israel toj kiwulak aran Abel-Bet-Mahaká, ut chixjunileb' laj Bikrí ke'xch'utub' rib' ut ke'xtaaqe.

Eclesiastés 9:14

Wank jun ch'ina tenamit, ut ink'a' k'iheb' li poyanam wankeb' aran. Sa' jun kutan kichalk jun xnimal ru awab'ej; kixsut rix li tenamit ut kixkawresi rib' chi reechaninkil.