2 Samuel 2:6 - Q'eqchi Bible

⁶ Anaqwan li Qaawa' chi'uxtaananq eeru laa'ex ut chi'usilanq eere. Laa'in ajwi' tinb'aanu usilal eere xb'aan chixjunil li xeb'aanu.

Li Santil hu

⁶ Aꞌ taxak li Ka̱cuaꞌ chi-uxta̱na̱nk e̱ru la̱ex ut aꞌ taxak li usilal chicua̱nk e̱riqꞌuin. Joꞌcan ajcuiꞌ la̱in tinba̱nu usilal e̱re riqꞌuin li usilal li xeba̱nu.

2 Samuel 2:6 ပူးပေါင်းရင်းမြစ်များ

Proverbios 14:22

Li junes maa'usilal neke'xk'uub', xjuneseb' rib' te'sachq; eb' li neke'b'aanunk li usilal, raab'ileb' ut oxloq'inb'ileb'.

Éxodo 34:6

Li Qaawa' kinume'k chiru, yo chi xyeeb'al: “Laa'in li Qaawa', li Qaawa', Yos aj uxtaan ut tuulan, li nab'ayk chi josq'o'k ut makach'in li xrahom ut li xtiikilal xch'ool!

San Mateo 5:44

A'ut laa'in ninye eere: Cherahaqeb' li xik' neke'ilok eere ut chextijoq chirixeb' li neke'rahob'tesink eere,

San Mateo 5:7

Us xaq reheb' li neke'uxtaanank u, xb'aan naq li Yos taa'uxtaananq ruheb'.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

Salmos 57:3

Ninyaab'a xk'ab'a' li Nimajwal Yos, a' li Yos li numtajenaq usilal nab'aanunk we.

2 Samuel 15:20

Ewer xatchalk. Ma tinmin tab'i' aawu chi xik chiqix laa'o li ink'a' ajwi' naqanaw b'ar xik qe? Ayu ut k'ameb' chawix laawech tenamitul. A' taxaq li Qaawa' chi'osob'tesinq ut chi'ochb'eeninq aawe”.

2 Samuel 10:2

Toja' naq kixye laj David: “Twusila laj Janún, ralal laj Najás, jo' naq li xyuwa' kirusila wu laa'in”. Ut kixtaqlaheb' laj k'anjel chiru rik'in laj Janún re xk'ojob'ankil xch'ool chirix xkamik li xyuwa'. Ab'anan naq eb' laj k'anjel chiru laj David ke'wulak sa' xch'och'eb' laj Amón,

2 Samuel 9:7

Laj David kixye re: “Matxiwak, twaj rusilankil aawu sa' xk'ab'a' laj Jonatán laayuwa'ilq. Tinq'ajsi aawe chixjunil li xch'och' laj Saúl laayuwa'chinilq, ut laa'at junelik sa' inmeex tattzekanq”.

2 Samuel 9:3

Toja' naq li awab'ej kixye: “Ma toj yo'yo junaq ralal xk'ajol laj Saúl? Twaj ruxtaanankil ru chi yo'oon”. Kichaq'ok laj Sibá: “Toj yo'yo jun ralal laj Jonatán, sik roq”, chan.

2 Samuel 2:7

Kawaq eech'ool anaqwan ut yo'oon wanqex. Yaal ajwi' naq xkamk laj Saúl laj eechal eere, ab'anan eb' laj Judá xine'xxaqab' laa'in cho'q awab'ej reheb'”, chan.

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Li xHu LIX RUT 1:8

Toja' naq lix Nohemí kixye reheb' li ralib': —Ayuqex ut sutq'inqex chejunjunqal sa' rochoch leena'. A' taxaq li Qaawa' chi'uxtaananq eeru jo' xeb'aanu laa'ex reheb' li xe'kamk jo' ajwi' we laa'in.