2 Samuel 2:5 - Q'eqchi Bible

⁵ kixtaqlaheb' aj esil re xyeeb'al reheb': “A' taxaq li Qaawa' chi'osob'tesinq eere xb'aan naq xe'ruxtaana ru laj Saúl, laj eechal eere, rik'in xmuqb'al.

Li Santil hu

⁵ Ut laj David quixtaklaheb lix takl riqꞌuineb laj Jabes li cuan xcue̱nt Galaad ut quixye reheb: —Aꞌ taxak li Dios chi-osobtesi̱nk e̱re riqꞌuin li usilal xeba̱nu re li rey Saúl nak xemuk.

2 Samuel 2:5 ပူးပေါင်းရင်းမြစ်များ

1 Samuel 23:21

Kichaq'ok laj Saúl ut kixye: “Li Qaawa' chi'osob'tesinq eere xb'aan naq xetoq'ob'a wu.

Salmos 115:15

Osob'tesinb'ilaqex taxaq laa'ex xb'aan li Qaawa': a'an laj winqob'resihom re choxach'och'!

1 Samuel 24:19

Wi junaq winq naxtaw li xik' na'ilok re, maajoq'e tixkanab' chi xik sa' tuqtuukilal. Li Qaawa' chiq'ajkamunq aawe sa' xk'ab'a' li usilal xab'aanu we sa' li kutan a'in.

Li xHu LIX RUT 2:20

Toja' naq lix Nohemí kixye re li ralib': —Usilaatinanb'il taxaq li Qaawa' li junelik naxk'ut li xchaab'ilal rik'ineb' li yo'yookeb' ut kamenaqeb'. Li winq a'an qakomon: sa' xb'een a'an wank qatenq'ankil.

Li xHu LIX RUT 3:10

Ut a'an kixye: —Li Qaawa' chi'osob'tesinq aawe, at inrab'in, xb'aan naq q'axal naab'al wi' chik li usilal yookat chi xb'aanunkil anaqwan. Xru raj xasik' junaq winq toj saaj chiwu laa'in, b'ihom malaj neb'a'. Ab'anan ink'a' xab'aanu chi jo'kan.

Li xHu LIX RUT 1:8

Toja' naq lix Nohemí kixye reheb' li ralib': —Ayuqex ut sutq'inqex chejunjunqal sa' rochoch leena'. A' taxaq li Qaawa' chi'uxtaananq eeru jo' xeb'aanu laa'ex reheb' li xe'kamk jo' ajwi' we laa'in.

Jueces 21:8

Ma wankeb' arin, sa' xyanqeb' laj Israel, li ink'a' xe'taqe'k Mispá chiru li Qaawa'?”. Ut ke'xk'e reetal naq maajun reheb' laj Yabés re Galahad kiwulak sa' li loq'laj ch'utam,

1 Samuel 15:13

Toja' naq laj Samuel koho wan wi' laj Saúl, ut a'in kixye re: “Li Qaawa' chi'osob'tesinq taxaq aawe. Ak xinb'aanu li xinxtaqla wi' li Qaawa'”.

Génesis 14:19

Kirosob'tesi laj Abrán ut kixye chi jo'ka'in: “Osob'tesinb'ilaq taxaq laj Abrán xb'aan li Nimajwal Yos, aj yoob'tesinel re li choxach'och'.

Génesis 14:22

Ab'anan laj Abrán kixye re li awab'ej re Sodoom: “Xinye li waatin chiru Nimajwal Yos, aj yoob'tesinel re li choxach'och',

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

1 Samuel 11:1

Jun pohaq chik a'an, laj Najás, awab'ej re Amón, koho Yabés re Galahad ut kixkawresiheb' laj puub' re yalok rik'in li tenamit. Ab'an chixjunileb' laj Yabés ke'xye re laj Najás: “B'aanu jun sumwank qik'in ut laa'o took'anjelaq chawu”.

1 Samuel 11:9

Chirix chik a'an kixye reheb' li taql li ke'chalk chaq Yabés re Galahad: “Jo'ka'in teeye re leetenamit: «Wulaj sa' wa'leb' texqakol»”. Koheb' li taql ut koxe'xye resil reheb' laj Yabés, li ke'saho'k sa' xch'ool.

2 Samuel 15:20

Ewer xatchalk. Ma tinmin tab'i' aawu chi xik chiqix laa'o li ink'a' ajwi' naqanaw b'ar xik qe? Ayu ut k'ameb' chawix laawech tenamitul. A' taxaq li Qaawa' chi'osob'tesinq ut chi'ochb'eeninq aawe”.

2 Samuel 21:12

koho chi xxokb'al li xb'aqeleb' laj Saúl ut laj Jonatán li ralal, li wankeb' chaq rik'ineb' laj Yabés re Galahad. Eb' a'in relq'ahomeb' chaq sa' xtaq'ahil Betsán, b'arwi' ke't'uyub'aak xb'aaneb' laj Filistea sa' li kutan naq laj Saúl kiq'axe'k ru aran Jelbohé.