2 Samuel 2:32 - Q'eqchi Bible

³² Moqon chik ke'xxok laj Asahel ut koxe'xmuq Belén sa' li na'ajej kimuqe'k wi' li xyuwa'. Laj Johab ut eb' li rochb'een ke'b'eek chiru chixjunil li q'oqyink, ut ak yo chi saqewk naq ke'wulak Hebrón.

Li Santil hu

³² Laj Joab queꞌxxoc li camenak Asael ut queꞌxmuk aran Belén saꞌ li naꞌajej li quimukeꞌ cuiꞌ lix yucuaꞌ. Chirix chic aꞌan queꞌbe̱c chiru li kꞌojyi̱n. Yo̱ chi sake̱uc nak queꞌcuulac Hebrón.

2 Samuel 2:32 ပူးပေါင်းရင်းမြစ်များ

Proverbios 22:29

Li naxk'e xch'ool sa' li xk'anjel, taak'anjelaq chiruheb' awab'ej ut ink'a' chiruheb' yalaq aniheb'.

2 Crónicas 21:1

Naq laj Josafat kiq'ajk kisutq'iik rik'ineb' li xxe'toonil yuwa', kimuqe'k sa' xTenamit laj David li xyuwa', ut a' chik laj Jorán li ralal kikanaak chi awab'ejink sa' xna'aj.

2 Crónicas 16:14

ut kimuqe'k sa' li xmuqleb'aal kixk'e chi yiib'aak sa' xtenamit laj David. Ke'xk'e sa' xb'een jun li ch'aat nujenaq chi k'iila paay chi sununkil b'an, k'uub'anb'ileb' chi chaab'il, ut ke'xloch jun nimla xam sa' xk'ab'a' li kamenaq.

2 Samuel 5:1

Chixjunileb' li xteepal laj Israel ke'wulak Hebrón rik'in laj David ut ke'xye re: “K'e reetal, laa'o qacha'al qib', qakik'el qib'.

1 Samuel 17:58

Toja' naq laj Saúl kixpatz' re: “Ani aj alalat, a wa'?”, chan re. Kichaq'ok laj David: “Ralalin laj Jesé aj Belén, aj k'anjel chawu”, chan.

Génesis 47:29

Naq yo chi wulak xq'ehil li xkamik, laj Israel kixb'oq laj José li ralal ut kixye re: “Wi usilal xintaw chawu, k'e laawuq' rub'el li wa' ut ye sa' jurament naq taab'aanu li ok we chi xtz'aamankil. B'aanu usilal, minaamuq arin Ejiipt!

Génesis 47:30

Naq tinq'ajq tinsutq'iiq rik'ineb' linna' linyuwa', chinaawisi arin Ejiipt ut toxinaamuq chaq sa' li xmuqleb'aaleb' a'an”. Kichaq'ok laj José: “Tinb'aanu jo' xaye we”, chan.

Jueces 8:32

Laj Jedehón, ralal laj Johás, ak tiix chik chi us naq kikamk. Ut kimuqe'k sa' li na'ajej kimuqe'k wi' laj Johás li xyuwa', aran Ofrá re Abiéser.

2 Samuel 2:31

Ab'anan eb' laj k'anjel chiru laj David ke'xkamsi waqxaqlajuk'aal (360) aj Benjamín ut xkomoneb' li neke'okenk chirix laj Abner.