2 Samuel 2:1 - Q'eqchi Bible

¹ Moqon chik laj David kipatz'ok re li Qaawa' ut kixye: “Ma us tinxik sa' junaq tenamit re Judá?”, chan. Li Qaawa' kixsume: “Ayu”, chan. Toja' naq laj David kixpatz' wi' chik re: “B'ar tento tinxik?”, chan. “Aran Hebrón”, chu'uxk re.

Li Santil hu

¹ Mokon chic laj David quixpatzꞌ re li Ka̱cuaꞌ cꞌaꞌru tixba̱nu ut quixye: —¿Ma us tinxic saꞌ junak tenamit cuan xcue̱nt Judá? chan. Ut li Ka̱cuaꞌ quichakꞌoc ut quixye re: —Us tatxic, chan. Ut laj David quixpatzꞌ cuiꞌchic re: —¿Cꞌaꞌru tenamitil tinxic cuiꞌ?— Ut li Ka̱cuaꞌ quixye re: —Ayu saꞌ li tenamit Hebrón, chan.

2 Samuel 2:1 ပူးပေါင်းရင်းမြစ်များ

1 Samuel 30:31

li wankeb' Hebrón jo' ajwi' chixjunileb' li wankatqeb' sa'eb' li na'ajej b'arwi' ke'numje'k laj David ut eb' li neke'okenk chirix.

1 Samuel 23:2

Toja' naq laj David kipatz'ok re li Qaawa': “Ma tinxik chi yalok rik'ineb' laj Filistea a'an?”, chan. Kisumeek xb'aan li Qaawa': “Ayu chi yalok rik'ineb' laj Filistea ut taakol li tenamit Kehilá”.

1 Samuel 23:4

Jo'kan naq laj David koho wi' chik chi patz'ok rik'in li Qaawa', ut A'an kichaq'ok: “Xaqlin, ayu chi yalok chirixeb' laj Kehilá, xb'aan naq xinq'axtesiheb' laj Filistea sa' laawuq'”.

Génesis 32:2

Naq kirileb', kixye laj Jakob: “A'an a'in xna'aj li Yos”, chan; ut Majanáhin kixk'e cho'q xk'ab'a' li na'ajej a'an.

Ezequiel 36:37

«Laa'in, li Qaawa', ninye chi jo'ka'in: Toj wank chik xkomon li tinb'aanu reheb' li ralal xk'ajol laj Israel. Tink'eheb' wi' chik chi k'ihank jo' yooqeb' chi xpatz'b'al, ut te'tamq chi us jo'kaqeb' li ketomq.

Salmos 143:8

Eq'la chak'e taxaq chi week'a laarahom: k'ojk'o linch'ool aawik'in. Chak'ut taxaq chiwu li b'e tento tink'am, xb'aan naq aawik'in wank li woyb'enihom.

Salmos 27:4

Jun ajwi' xinpatz' re li Qaawa' ut ka'ajwi' a'in yookin chi xsik'b'al: naq tinwanq taxaq sa' rochoch li Qaawa' chixjunil li kutan re linyu'am, re xka'yankil li xchaq'alil ru li Qaawa' jo'wi' rilb'al li xloq'laj ochoch.

1 Crónicas 29:7

ke'xk'e cho'q re xyiib'ankil li rochoch li Qaawa' junmay xlaje o'q'ob' (3,620) kintal chi oor ut lajeeb' mil chi tumin oor, oxk'aal xb'eleelaju o'q'ob' (7,260) kintal chi plaat, oxlaju mil rik'in lajeek'aal (13,200) kintal chi q'anch'iich' ut waqib' xwuqlajuk'aal xkab' o'q'ob' mil (726,000) kintal chi kawil ch'iich'.

1 Reyes 2:11

Ka'k'aal chihab' ki'awab'ejink laj David sa' xb'een Israel: wuqub' chihab' ki'awab'ejink aran Hebrón ut oxlaju xka'k'aal chihab' sa' li tenamit Jerusalén.

2 Samuel 15:7

Kaahib' chihab'aq chik a'an, laj Absalón kixye re li awab'ej: “Chakuy inmaak, kanab'in chi xik Hebrón re naq tinpaab' chaq li b'arwan inyeechi'om re li Qaawa'.

2 Samuel 5:23

Laj David kipatz'ok wi' chik re li Qaawa' ut a'in kixye re: “Matxik chi yalok chiruheb', k'e b'an q'oot chirixeb' ut jilon chi xk'atqeb' wankeb' wi' li che' bálsamo xk'ab'a'eb'.

2 Samuel 5:19

Jo'kan naq laj David kipatz'ok re li Qaawa' ut kixye: “Ma tinxik chi yalok rik'ineb' laj Filistea? Ma taaq'axtesiheb' sa' wuq'?”, chan. Ut li Qaawa' kixye re: “Ayu xb'aan naq relik chi yaal naq tinq'axtesiheb' sa' laawuq'”, chan.

2 Samuel 2:11

Wuqub' chihab' rik'in waqib' po ki'awab'ejink laj David aran Hebrón sa' xb'eeneb' laj Judá.

Jueces 1:1

Chirix li xkamik laj Josué, eb' laj Israel ke'xpatz' re li Qaawa': “Ani qe laa'o xb'een taaxik chi yalok rik'ineb' laj Kanahán?”, chankeb'.

Números 27:21

Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Números 13:22

Ke'taqe'k chiru Nejeb ut ke'wulak toj Hebrón, b'arwi' wankeb' laj Ajimán, laj Sesay ut laj Talmay, ralal xk'ajoleb' laj Anak. Hebrón kik'ojob'aak wuqub' chihab' junxilaj chiru Sohán sa' xteepal Ejiipt.

Génesis 13:18

Toja' naq laj Abrán kixjal xna'aj li xmuheb'aal ut koxkanaaq wan wi' li ji re Mambré, aran Hebrón; ut aran kixyiib' jun li artal re li Qaawa'.

Josué 15:13

Laj Josué kixk'e xna'aj laj Kaleb, ralal laj Jefuné, sa' xyanqeb' li ralal xk'ajol laj Judá, jo' kiyehe'k re xb'aan li Qaawa'. Li xna'aj laj Kaleb a'an Kiryat-Arbá malaj Hebrón, a' li xtenamit li xyuwa' laj Anak.

1 Samuel 10:22

Toja' naq ke'xpatz' wi' chik re li Qaawa': “Ma xk'ulunk arin laj Saúl?”, chankeb'. Kixye li Qaawa': “Wank aran, muqmu sa' xyanq li k'aru eere”.

2 Crónicas 11:10

Sorá, Ayalón ut Hebrón, a'aneb' li tenamit suttz'akeb' rix sa' xteepal Judá ut Benjamín.