2 Samuel 19:32 - Q'eqchi Bible

³² Laj Barsilay ak tiix chik, kaak'aal chihab' wank re. Ut naq laj David wan chaq Majanáhin, kixk'e xtzekemq xb'aan naq naab'al li xb'ihomal.

Li Santil hu

³² Laj Barzilai ac ti̱x chic. Ca̱cꞌa̱l chihab cuan re. Aꞌan li cui̱nk li quiqꞌuehoc xtzacae̱mk li rey nak cuan aran Mahanaim xban nak kꞌaxal biom.

2 Samuel 19:32 ပူးပေါင်းရင်းမြစ်များ

1 Samuel 25:2

Kiwank Mahón jun li winq jwal b'ihom, li wank xch'och' sa' li tenamit Karmeel. Lajeek'aal xwaqxaq o'q'ob' (3,000) chi karneer ut lajeek'aal rox o'q'ob' (1,000) chi chib'aat wank re. Sa' jun kutan yo chi xb'esb'al rixeb' li xkarneer aran Karmeel.

Proverbios 16:31

Wi saq rismal laajolom, a'an reetalil laaloq'al li xamaatani sa' xk'ab'a' li xtiikilal laach'ool.

Li xHu LAJ JOB 1:3

Kiwank ajwi' wuqub' mil xkarneer, oxib' mil xkameey ut o'k'aal xkab' o'q'ob' (500) sumal xb'ooyx, ut numtajenaqeb' laj k'anjel chiru. A'an li winq q'axal b'ihom sa' xyanqeb' li wankatqeb' sa' xteepal li releb'l saq'e.

Deuteronomio 34:7

Laj Moisés waqk'aal chihab' wank re naq kikamk; toj saqenk na'ilok ut toj kaw rib' chi us naq kixk'uula rib'.

Génesis 47:28

Wuqlaju chihab' kiyo'yook laj Jakob aran Ejiipt ut chixjunil li xyu'am laj Jakob a'an wuqub' xwaqxaqk'aal (147) chihab'.

Génesis 25:7

Chixjunil li xyu'am laj Abrahán a'an o'laju xb'eleek'aal (175) chihab'.

Génesis 9:29

Lajeeb' waqxaqk'aal rox o'q'ob' (950) chihab' wank re laj Noé naq kikamk.

Génesis 5:27

B'eleeb' xb'eleek'aal rox o'q'ob' (969) chihab' wank re laj Matusalén naq kikamk.

Génesis 50:26

Lajeeb' xwaqk'aal (110) chihab' wank re laj José naq kikamk Ejiipt: kiyule'k sa' sununkil b'an ut kik'eemank sa' xkaxonil.

2 Samuel 19:33

Li awab'ej kixye re: “Yo'o chiwix Jerusalén ut laa'in tinch'oolaninq aawe”, chan.

2 Reyes 15:20

Laj Menajén kixch'utub' li tumin xb'aan li toj kixtitz'eb' reheb' laj Israel: chixjunileb' li b'ihom tento te'xq'axtesi re li awab'ej re Asiria lajeeb' roxk'aal chi tumin plaat sa' xk'ab'a' li junjunq chi poyanam. Jo'kan naq li awab'ej re Asiria kisutq'iik ut ink'a' kikanaak sa' li tenamit.

San Mateo 25:17

Jo'kan ajwi' li kik'uluk wiib' mil, kireechani wiib' mil chik sa' xb'een.