2 Samuel 19:10 - Q'eqchi Bible

¹⁰ Ab'anan laj Absalón li xqayul laa'o cho'q qa'awab'ej, xkamsiik chaq sa' li yalok. Jo'kan naq k'a'ut naq maak'a' naqab'aanu re xsutq'isinkil li awab'ej David?”.

Li Santil hu

¹⁰ La̱o xkaxakab laj Absalón chokꞌ karey ut anakcuan xcamsi̱c chak saꞌ li ple̱t. ¿Cꞌaꞌut nak incꞌaꞌ xeꞌxtzꞌa̱ma chiru li rey David nak ta̱sukꞌi̱k chak? chanqueb.

2 Samuel 19:10 ပူးပေါင်းရင်းမြစ်များ

Oseas 8:4

“Xe'xxaqab' x'awab'ejeb' chi ink'a' xe'xye we; xe'xsik' ruheb' laj jolominel chi ink'a' ninnaw laa'in. Xe'xpak' xyoseb' rik'in li oor ut li xplaateb' yal re xsachb'aleb' rib' xjuneseb'.

2 Samuel 18:14

Kichaq'ok laj Johab: “Ink'a' tinsub'uq kutan chi aatinak aawik'in”, chan. Ut tikto kixchap oxib' chi simaj ut kixkuteb' chire xch'ool laj Absalón li toj yo'yo sa' xyanqeb' li ruq' li ji.

Jueces 18:9

Ke'xye: “Xaqlinqex, yo'qeb' sa' xb'eeneb' a'an! Xqil li tenamit ut k'ajo' xchaq'al ru! K'a' naq chunchuukex arin chi maak'a' nekeye? Seeb'ahomaq eerib' chi xik chi reechaninkil li ch'och' a'an.

2 Samuel 19:9

ut yalaq b'ar sa' xsutam Israel neke'xye chirib'ileb' rib': “Li awab'ej kooxkol chiruheb' li xik' neke'ilok qe ut koorisi sa' ruq'eb' laj Filistea, ut anaqwan x'elelik sa' li tenamit xb'aan laj Absalón.

2 Samuel 19:11

Naq li awab'ej David kirab'i resil li yookeb' chi xyeeb'al chixjunileb' laj Israel, kixtaqla xyeeb'al re laj Sadok ut laj Abiatar aj tijeb': “Yehomaq reheb' li xcheekal winqul aj Judá: «K'a' naq yookex chi b'ayk chi xsutq'isinkil li awab'ej sa' rochoch?

2 Samuel 19:40

Li awab'ej koho toj Kilkal rochb'een laj Kinhán jo'wi' rochb'eeneb' chixjunileb' laj Judá ut xyiijacheb' laj Israel.

2 Samuel 15:14

Jo'kan naq laj David kixye reheb' chixjunil laj k'anjel li wankeb' rochb'een aran Jerusalén: “Xaqlinqex ut eleliqo xb'aan naq ink'a' tooruhanq chi kole'k chiru laj Absalón. Seeb'ahomaq eerib' chi xik. Mare anchal taachalq chi junpaat ut tolooxtaw, tixk'am chaq rahilal sa' qab'een ut tixkamsiheb' chi ch'iich' li tenamit”, chan.

2 Samuel 15:16

Toja' naq li awab'ej ki'elk chi oqej rochb'een chixjunil li xjunkab'al. Ka'ajwi' lajeeb' li ixq ke'kanaak chi rilb'al li rochoch.