2 Samuel 18:2 - Q'eqchi Bible

² Chirix chik a'an kixjek'eb' laj puub' sa' oxib' ch'uut: li xb'een ch'uut kixk'eheb' chi jolomiik xb'aan laj Johab, li xkab' ch'uut xb'aan laj Abisay, xyum lix Sarbia, riitz'in laj Johab, ut li jun chik ch'uut xb'aan laj Itay aj Gat. Ut kixye reheb' chixjunileb' laj puub': “Tinxik ajwi' laa'in cherix”.

Li Santil hu

² Quixtaklaheb saꞌ oxib chꞌu̱tal. Laj Joab yo̱ chi takla̱nc saꞌ xbe̱n li jun chꞌu̱tal. Laj Abisai, lix yum lix Sarvia, yo̱ chi takla̱nc saꞌ xbe̱n li xcaꞌ chꞌu̱tal. Laj Abisai, aꞌan li ri̱tzꞌin laj Joab. Ut laj Itai li chalenak Gat, aꞌan li yo̱ chi takla̱nc saꞌ xbe̱n li rox chꞌu̱tal. Ut li rey David quixye reheb: —Tinxic ajcuiꞌ la̱in che̱rix, chan.

2 Samuel 18:2 ပူးပေါင်းရင်းမြစ်များ

Jueces 7:16

Tikto kixjek'eb' li o'lajuk'aal chi winq sa' oxib' ch'uut. Kixk'eheb' junjunq xxukub' sa' ruq'eb' chixjunileb' ut kixk'e ajwi' junjunq xkukeb' wank xam chisa'.

Salmos 3:6

Ninyoklaak, ninwark ut na'ajk wu, xb'aan naq li Qaawa' natenq'ank we.

2 Samuel 17:11

Jo'kan naq li na'leb' nink'e laa'in, a'an naq taach'utub' chixjunileb' laj Israel, chalen chaq Dan toj Berseba (a'aneb' naab'aleb' kama' li samahib' wank chire li palaw), ut laa'at tatk'amoq xb'eheb' sa' li yalok.

1 Samuel 11:11

Wulajaq chik a'an, laj Saúl kixk'eheb' laj puub' sa' oxib' tzol, ut eb' a'an koxe'xkut rib' sa' xb'eeneb' laj Amón toj hik'ho ut ke'xsach ruheb' toj kiwa'leb'o'k. Ut eb' li ink'a' ke'kamsiik, ke'elelik ut ke'xcha'cha'i rib'eb'.

Jueces 9:43

kixjachi eb' laj puub' sa' oxib' ch'uut ut koxmuq rib' sa' li k'aleb'aal, ut naq kirileb' li poyanam chi elk sa' li tenamit, kichalk sa' xb'eeneb' ut kixq'ax ruheb'.

Jueces 7:19

Laj Jedehón ut eb' li o'k'aal (100) chi winq li koheb' chirix, ke'wulak sa' xmaril li xna'ajeb' laj Madián, tz'aqal sa' xq'ehil xtiklajik li xk'anjeleb' laj k'aak'alenel tuqtu q'oqyink. Toja' naq ke'xyaab'asi li xxukub'eb' ut ke'xjor li xkukeb' wank sa' ruq'eb'.

2 Samuel 23:18

Laj Abisay, riitz'in laj Johab ut xyum lix Sarbia, a'an xjolomil eb' li kaweb' rib'. Sa' jun kutan kixkut rib' sa' xb'eeneb' o'lajuk'aal (300) chi winq rik'in li xjutz' ch'iich' ut kixkamsiheb'. Jo'kan naq kinimank xwankil sa' xyanqeb' li lajeeb' xka'k'aal

1 Reyes 2:28

Naq laj Johab kirab'i li esil a'in, ki'elelik ut koxmuq rib' sa' li xLoq'laj Muheb'aal li Qaawa' ut koxchap li xxuk li artal. Kixb'aanu chi jo'kan xb'aan naq ki'okenk chirix laj Adonías (ab'anan ink'a' ki'okenk chirix laj Absalón).

2 Samuel 8:16

Laj Johab, xyum lix Sarbia, a'an li najolomink reheb' laj puub'; ut laj Josafat, ralal laj Ajilud, a'an laj puktesinel esil.

2 Samuel 21:17

Ab'an laj Abisay, li xyum lix Sarbia, kol'elq chi xtenq'ankil laj David, kixtiq' laj Filistea ut kixkamsi. Toja' naq eb' li winq li wankeb' rochb'een laj David ke'xtz'aama ut ke'relaji naq ink'a' chik taaxik chirixeb' chi yalok, re naq ink'a' taachupq li xsaqenk Israel.