2 Samuel 17:25 - Q'eqchi Bible

²⁵ Laj Absalón ak xxaqab'ahom laj Amasá cho'q xjolomileb' laj puub', cho'q reeqaj laj Johab. Laj Amasá a'an ralal jun aj Ismael, aj Yéter xk'ab'a', li kixlaq'ab' rib' rik'in lix Abigahil, xrab'in laj Najás, ras lix Sarbia, a' li xna' laj Johab.

Li Santil hu

²⁵ Laj Absalón quixxakab laj Amasa chi takla̱nc saꞌ xbe̱neb li soldados chokꞌ re̱kaj laj Joab. Laj Amasa, aꞌan ralal laj Itra, xcomoneb li ralal xcꞌajol laj Ismael. Laj Itra, aꞌan lix be̱lom lix Abigail lix rabin laj Nahas. Lix Abigail, aꞌan li ras lix Sarvia. Ut lix Sarvia, aꞌan lix naꞌ laj Joab.

2 Samuel 17:25 ပူးပေါင်းရင်းမြစ်များ

1 Crónicas 2:13

Laj Eliab a'an chaq xb'een ralal laj Jesé; laj Abinadab a'an xkab', laj Simá a'an chaq li rox,

2 Samuel 19:13

Yehomaq ajwi' re laj Amasá sa' ink'ab'a': «Ma maawa' tab'i' laa'at wechkik'el ut wech'alal? A' taxaq li Yos tinxk'e chi xtojb'al linmaak chi q'axal ra, wi ink'a' tatinxaqab' chi junajwa cho'q xjolomileb' laj puub', cho'q reeqaj laj Johab», cha'qex sa' ink'ab'a'”.

1 Reyes 2:32

Li Qaawa' chixteneb' sa' xb'een laj Johab li xkamikeb' li wiib' chi winq jwal tiikeb' xch'ool ut q'axal chaab'ileb' chiru a'an. Kixkamsiheb' chi ch'iich' chi ink'a' kixnaw laj David linyuwa': a' laj Abner, ralal laj Ner, xjolomileb' laj puub' re Israel, ut laj Amasá, ralal laj Jéter, xjolomileb' laj puub' re Judá.

1 Reyes 2:5

“Ch'olch'o chawu k'aru kixb'aanu we laj Johab, ralal laj Sarbia, naq kixkamsiheb' wiib' xjolomileb' laj puub' re Israel, a' laj Abner, ralal laj Ner, ut laj Amasá, ralal laj Jéter: sa' xq'ehil li wank sa' tuqtuukilal kireeqaju li kamsink kiwank sa' li nimla yalok, ut sa' inb'een kixteneb' li maak a'an.

2 Samuel 20:4

Moqon chik li awab'ej kixye re laj Amasá: “Taach'utub'eb' laj Judá ut tolaak'ut wi' chik aawib' arin sa' oxib' kutan”.

2 Samuel 17:26

Laj Absalón ut eb' laj Israel ke'xyiib' li xmuheb'aaleb' aran Galahad.

1 Reyes 2:28

Naq laj Johab kirab'i li esil a'in, ki'elelik ut koxmuq rib' sa' li xLoq'laj Muheb'aal li Qaawa' ut koxchap li xxuk li artal. Kixb'aanu chi jo'kan xb'aan naq ki'okenk chirix laj Adonías (ab'anan ink'a' ki'okenk chirix laj Absalón).

2 Samuel 19:14

Jo'kan naq li xch'ooleb' chixjunileb' laj Judá koho chi junxikik chirix li awab'ej ut ke'xtaqla xyeeb'al: “Sutq'in chaq, laa'at ut chixjunileb' laj k'anjel chawu”.

1 Crónicas 12:19

Wankeb' ajwi' aj Manasés ke'okenk chirix laj David, naq a'in koho chi yalok rik'in laj Saúl rochb'eeneb' laj Filistea. Ab'anan laj David ink'a' kiruuk xtenq'ankileb' laj Filistea, xb'aan naq eb' li neke'jolomink reheb' ke'xch'utub' rib' ut ke'xchaq'rab'i laj David; ke'xye: “Laj David tooxkamsi ut chi jo'kan taa'okenq chirix laj Saúl li xqaawa'”.