2 Samuel 17:17 - Q'eqchi Bible

¹⁷ Laj Jonatán ut laj Ajimás wankeb' chire li ha' Rokel, xb'aan naq ink'a' neke'raj te'ile'q chi ok sa' li tenamit. Jun moosej ixq koho chi xyeeb'al resil reheb', ut tikto eb' a'an koheb' rik'in laj David li awab'ej.

Li Santil hu

¹⁷ Laj Jonatán ut laj Ahimaas cuanqueb chire li haꞌ Rogel. Incꞌaꞌ naru teꞌoc Jerusalén xban nak naru nequeꞌileꞌ. Joꞌcan nak jun li mo̱s ixk naxic chixyebal reheb cꞌaꞌru yo̱ chicꞌulma̱nk saꞌ li tenamit. Ut chirix aꞌan, laj Jonatán ut laj Ahimaas nequeꞌxic chixyebal re li rey David.

2 Samuel 17:17 ပူးပေါင်းရင်းမြစ်များ

2 Samuel 15:36

Wankeb' ajwi' aran xkab'ichaleb' li ralal, a' laj Ajimás li ralal laj Sadok ut laj Jonatán li ralal laj Abiatar; ut rik'ineb' a'an truuq tinnaw chixjunil li teerab'i laa'ex”.

2 Samuel 15:27

Kixye ajwi' re laj Sadok laj tij: “K'e reetal, laa'at ut laj Abiatar sutq'inqex sa' tuqtuukilal sa' li tenamit eerochb'eeneb' li wiib' leeralal: a' laj Ajimás laawalal ut laj Jonatán li ralal laj Abiatar.

Josué 18:16

Chirix chik a'an nakub'eek sa' xmaril li tzuul li wank chiru li xtaq'ahil Ben-Hinón, sa' releb'l iq' re li xTaq'ahil Refaín, nakub'eek sa' li xtaq'ahil Hinón, sa' rokeb'l iq' wankeb' wi' laj Jebús, ut nakub'eek wi' chik toj En-Rokel.

Josué 15:7

Li nub'ajl nataqe'k chalen chaq sa' xtaq'ahil Akor toj Debir, ut naxik wi' chik sa' releb'l iq' wan wi' xsutam li pek sa' xjayal li taqsink re Adumín, sa' xjayal rokeb'l iq' re li Nima'. Li xnub'ajl nanume'k sa' li ha' re En-Semes ut nokox'elq En-Rokel.

1 Reyes 1:9

Sa' jun kutan laj Adonías kixk'uub' jun ninq'e chi xtoon li Saqoonak re Sojélet, chire li ha' Rokel. Aran kixyeechi'iheb' li karneer, li b'ooyx ut wakax li ninq xtib'eleb'. Kixb'oqeb' li ras eb' li riitz'in, ralaleb' li awab'ej, ut chixjunileb' li winq aj Judá aj k'anjeleb' chiru li awab'ej.

1 Reyes 1:42

Toj yo ajwi' chi aatinak naq kiwulak laj Jonatán, ralal laj Abiatar laj tij: “Okan. Laa'at chaab'ilat ut ch'olch'o naq chaab'il esil xak'am chaq”, chan laj Adonías.

2 Samuel 15:35

Aran wankeb' laj Sadok ut laj Abiatar aj tijeb'. Jo'kan naq jo'ch'inal jo'nimal taawab'i sa' rochoch li awab'ej, taaye reheb' chi junelik.