2 Samuel 17:12 - Q'eqchi Bible

¹² Toojiloq chi xk'atq laayuwa' yalaq b'ar wanq, jun xikaqo sa' xb'een jo' li ratz'amke sa' xb'een ch'och', ut maajun tqakanab' chi yo'yo, chi moko a'an chi moko eb' li wankeb' rochb'een.

Li Santil hu

¹² La̱o topletik riqꞌuin la̱ yucuaꞌ aꞌ yal bar takatau ut aꞌ yal bar cuan. Chi ma̱cꞌaꞌeb saꞌ xchꞌo̱l tocuulak. Chi moco aꞌan, chi moco eb lix soldados teꞌcana̱k chi yoꞌyo.

2 Samuel 17:12 ပူးပေါင်းရင်းမြစ်များ

Abdías 1:3

Li xq'etq'etil laach'ool xatxb'alaq'i. Wankat sa' xyanqeb' li saqoonak ut chiru tzuul nakayiib' laamuheb'aal; jo'kan naq xaye sa' laach'ool: «Ani tkutuq we chi ch'och'?», chankat.

2 Reyes 19:24

Laa'in xinb'ekok ha' ut xin'uk'ak ha' sa' jalanil tenamit; rub'el woq xe'chaqik chixjunileb' li nima' re Ejiipt».

2 Reyes 18:23

Anaqwan yalomaq eeru rik'in li awab'ej re Asiria, linwa'chin; tqak'uub' ru junaq li na'leb': Laa'in tink'e oob' o'q'ob' (2,000) aakawaay, ma taataweb' tana oob' o'q'ob' (2,000) chi winq li te'b'eeq chirixeb'.

1 Reyes 20:10

a'in kixtaqla xyeeb'al re laj Ajab: “Chinrahob'tesiiq xb'aaneb' li yos, wi sa' li tenamit Samaria wanq naab'al li pojtz' re xk'eeb'al junq mooch'aq reheb' li neke'okenk chiwix”.

1 Samuel 23:23

Ilomaq ut k'ehomaq reetal chixjunileb' li na'ajej b'arwi' naru tixmuq rib', ut naq akaq xch'olaak chixjunil cheru, toleeye we ut laa'in tinxik cherix. Ut wi relik chi yaal wanq aran, tinsik'i chi us sa' chixjunileb' li xjunkab'aleb' laj Judá”.

Salmos 110:3

Aawe li nimajwal wankilal chalen chaq sa' xkutankil laayo'lajik. Sa' li loq'laj muheb'aal, naq toj maji' nahik'e'k, xatinyoob'tesi.

Miqueas 5:7

Toja' naq eb' li te'kole'q sa' xyanqeb' laj Israel chanchanaqeb' li k'ajob' nachalk rik'in li Qaawa', cho'q reheb' li k'iila tenamit; jo'aqeb' li hab' sa' xb'een li raxpim, k'ojk'ooqeb' xch'ool rik'in li Yos, ut ink'a' yal rik'in winq.