2 Samuel 17:11 - Q'eqchi Bible

¹¹ Jo'kan naq li na'leb' nink'e laa'in, a'an naq taach'utub' chixjunileb' laj Israel, chalen chaq Dan toj Berseba (a'aneb' naab'aleb' kama' li samahib' wank chire li palaw), ut laa'at tatk'amoq xb'eheb' sa' li yalok.

Li Santil hu

¹¹ La̱in ninye a̱cue nak kꞌaxal us nak ta̱chꞌutubeb ru chixjunileb laj Israel, li cuanqueb saꞌ li tenamit Dan toj saꞌ li tenamit Beerseba. Eb aꞌan kꞌaxal nabaleb. Chanchaneb li cocꞌ ru li samaib chire li palau. Ut la̱at tatcꞌamok xbeheb nak texxic chi pletic.

2 Samuel 17:11 ပူးပေါင်းရင်းမြစ်များ

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Salmos 9:16

Eb' li tenamit xe'sub'e'k sa' li jul ke'xyiib', ut eb' li roq xe't'il sa' li ra'al ke'xmuq.

Jueces 20:1

Toja' naq chixjunileb' laj Israel, chalen chaq Dan toj Berseba ut Galahad, koxe'xch'utub' rib' jo' jun chi winq, aran Mispá, wan wi' rochoch li Yos.

Josué 11:4

Chixjunileb' li awab'ej a'in koheb' rochb'eeneb' chixjunileb' laj puub', k'ajo' xk'ihaleb', kama' li samahib' chire li palaw, rochb'eeneb' ajwi' naab'aleb' li kawaay ut eb' li b'eleb'aal ch'iich'.

1 Reyes 20:10

a'in kixtaqla xyeeb'al re laj Ajab: “Chinrahob'tesiiq xb'aaneb' li yos, wi sa' li tenamit Samaria wanq naab'al li pojtz' re xk'eeb'al junq mooch'aq reheb' li neke'okenk chiwix”.

1 Reyes 4:20

Eb' laj Judá ut eb' laj Israel k'ajo' xk'ihaleb', jo'eb' li samahib' chire li palaw; chixjunileb' neke'wa'ak neke'uk'ak ut q'axal saheb' sa' xch'ool.

2 Samuel 24:2

Toja' naq li awab'ej kixye re laj Johab, li xjolomileb' laj puub', li wank rochb'een: “Ayu, chab'eeni chixjunil xteepal Israel, chalen chaq Dan toj Berseba, ut ajlaheb' re naq laa'in tinnaw jo'k'ihaleb' li tenamit”, chan.

2 Samuel 12:28

Ch'utub'eb' li rela'eb' laj puub' anaqwan, yalon rik'in li tenamit ut eechani. Ink'a' nawaj naq laa'in tin'eechaninq re ut taak'eemanq link'ab'a'”.

Génesis 13:16

Tink'eheb' chi k'ihank laawalal aak'ajol jo' li xpojtz'il li ch'och'. Wi ta junaq taaruuq rajlankil li xpojtz'il li ch'och', truuq raj ajwi' rajlankileb' laawalal aak'ajol.

Génesis 21:14

Kiwakliik laj Abrahán toj eq'la. Kixk'e chi xk'am xwa ut jun kuk xha' lix Agar; kixk'e chi xjelo li ch'ina'al ut kixchaq'rab'i. Ut a'an kixchap xb'e ut koho sa' li chaqich'och', sa' xteepal Berseba.

1 Samuel 3:20

Ut chixjunileb' laj Israel, chalen chaq Dan toj Berseba, ke'xk'e reetal naq laj Samuel tz'aqal xpropeet li Yos.

1 Samuel 13:5

ut eb' laj Filistea ke'ch'utlaak re yalok rik'ineb' laj Israel: lajeeb' xka'k'aal mil (30,000) chi b'eleb'aal ch'iich', o'laju o'q'ob' (6,000) chi kawaay ut k'ajo'eb' xk'ihal laj puub' jo' tana xk'ihal li samahib' chire li palaw. Koheb' ut ke'xyiib' xmuheb'aaleb' Mikmás, sa' xjayal releb'l saq'e re Bet-Abén.

2 Samuel 3:10

naq trisi xwankileb' li ralal xk'ajol laj Saúl ut tixk'ojob' xwankil laj David sa' xb'een Israel ut Judá, chalen chaq Dan toj Berseba”.