2 Samuel 16:9 - Q'eqchi Bible

⁹ Toja' naq laj Abisay, li xyum lix Sarbia, kixye re li awab'ej: “At awab'ej, k'a' naq li kamenaq tz'i' a'in yo chamajewankil? Anaqwan ajwi' xik we chi xyok'b'al li xjolom”.

Li Santil hu

⁹ Ut laj Abisai, lix yum lix Sarvia, quixye re laj David: —At rey, ¿cꞌaꞌut nak yo̱ cha̱majecuanquil li cui̱nk aꞌin, li chanchan tzꞌiꞌ ca̱mc re? Nintzꞌa̱ma cha̱cuu nak ta̱qꞌue inlese̱ns re tinxic chixsetbal lix cux, chan.

2 Samuel 16:9 ပူးပေါင်းရင်းမြစ်များ

Éxodo 22:28

“Maamajewa li Yos chi moko taamaa'usila li xb'eenil li tenamit.

2 Samuel 9:8

Ab'an laj Mefibahal kixb'uchub' wi' chik rib' ut kixye: “K'aruhin laa'in re naq taak'e reetal li xtoq'ob'aal wu? Laa'in chanchanin junaq kamenaq tz'i'!”, chan.

2 Samuel 3:8

K'ajo' naq kichalk xjosq'il laj Abner xb'aan raatin laj Isbahal, ut kixsume: “Ma laa'in tab'i' tz'i' li yo chi k'anjelak chiruheb' laj Judá? Chalen toj anaqwan laa'in tiik linch'ool chi k'anjelak chiru li xjunkab'al laj Saúl laayuwa', chiruheb' li rech'alal ut eb' li x'amiiw, ut ink'a' xatinq'axtesi sa' ruq' laj David. Ut anaqwan nikinaaq'us yal sa' xk'ab'a' li ixq a'in?

1 Samuel 24:14

Jun chik. Ani sa' aj b'een xchalk li awab'ej re Israel? Sa' inb'een laa'in. Ani taawaj xkamsinkil? Laa'in li chanchanin junaq kamenaq tz'i' ut junaq k'aq.

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

Hechos 23:5

Kichaq'ok laj Pablo ut kixye: —Ex was wiitz'in, ink'a' xinnaw naq a'an ta li xyuwa'il aj tij, xb'aan naq tz'iib'anb'il: «Maamajewa li xb'eenil laatenamit».

San Lucas 9:54

Naq ke'ril a'in eb' li xtzolom, laj Santiago ut laj Jwan, ke'xye: —Qaawa', ma taawaj tqaye naq chikub'eeq chaq xam sa' choxa re naq te'sache'q?

2 Samuel 3:30

Laj Johab ut laj Abisay li riitz'in ke'xkamsi laj Abner xb'aan naq a'in kixkamsi laj Asahel li riitz'ineb' sa' li yalok aran Gabahón.

2 Samuel 19:21

Toja' naq laj Abisay, li xyum lix Sarbia, ki'ok chi aatinak ut kixye: “Ma ink'a' tab'i' xk'ulub' laj Semehí naq taakamsiiq xb'aan naq kixmajewa li sik'b'il ru xb'aan li Qaawa'?”.

2 Samuel 19:22

Ab'an laj David kixye: “Li k'aru nink'oxla laa'in, maawa' li nekek'oxla laa'ex, ex xyum lix Sarbia. K'a'ut naq sa' li kutan a'in nekeq'etq'eti eerib' chiru link'a'uxl? Maajun reheb' laj Israel tento taakamsiiq sa' li kutan a'in naq nink'e reetal naq eb' laj Israel xine'xxaqab' wi' chik cho'q x'awab'ejeb'”.