2 Samuel 16:21 - Q'eqchi Bible

²¹ Ut laj Ajitófel kixsume: “Ayu chi wank rik'ineb' li ixq li xe'wank rik'in laayuwa', a'eb' li xe'kanab'aak chi ilok kab'l. Chi jo'kan chixjunileb' laj Israel te'xnaw naq laa'at xik' chik nakat-ile'k xb'aan laayuwa', ut te'kawuuq xch'ooleb' chixjunileb' li neke'okenk chawix”.

Li Santil hu

²¹ Laj Ahitofel quixye re: —Tatcua̱nk riqꞌuineb li ixk li xeꞌcuan riqꞌuin la̱ yucuaꞌ, li xeꞌcanaba̱c arin chi iloc cab. Cui ta̱ba̱nu chi joꞌcan, chixjunileb teꞌxnau nak la̱at xicꞌ chic nacat-ileꞌ xban la̱ yucuaꞌ ut teꞌcacuu̱k xchꞌo̱leb, chan.

2 Samuel 16:21 ပူးပေါင်းရင်းမြစ်များ

2 Samuel 20:3

Naq laj David ki'ok sa' li rochoch aran Jerusalén, kixb'oqeb' li lajeeb' chi ixq li kixkanab'eb' chi ilok kab'l, ut kixk'eheb' chi k'aak'aleek. Kixch'oolaniheb', ab'an ink'a' chik kiwank rik'ineb': ke'wank chi tz'aptz'ookeb' toj sa' li xkamik, jo'keb' xmalka'an chiru chixjunil li xyu'ameb'.

2 Samuel 15:16

Toja' naq li awab'ej ki'elk chi oqej rochb'een chixjunil li xjunkab'al. Ka'ajwi' lajeeb' li ixq ke'kanaak chi rilb'al li rochoch.

Zacarías 8:13

Jo' naq laa'ex aj Judá ut aj Israel majewanb'ilex sa' xyanqeb' li tenamit naq kexwank, jo'kan naq chalen anaqwan osob'tesinb'ilaqex chik naq texinkol. Mexxiwak ut meech'ina eech'ool!

2 Samuel 2:7

Kawaq eech'ool anaqwan ut yo'oon wanqex. Yaal ajwi' naq xkamk laj Saúl laj eechal eere, ab'anan eb' laj Judá xine'xxaqab' laa'in cho'q awab'ej reheb'”, chan.

Levítico 18:8

“Maamux xwankilal laayuwa' rik'in xb'atz'unlenkil li rixaqil.

1 Corintios 5:1

Yalaq b'ar na'ab'imank resil naq wank li jo'maajo'il na'leb' sa' eeyanq, k'ajo' xyib'al ru a'an. Chi moko sa' xyanqeb' li maak'a'eb' xpaab'aal na'uxmank chi jo'kan! Wank jun sa' eeyanq li wank cho'q rixaqil li xkab' xna'!

1 Reyes 2:22

Kichaq'ok li awab'ej ut kixye re li xna': “K'a'ut naq yookat chi xtz'aamankil lix Abisag aj Sunam cho'q rixaqil laj Adonías? Ka'aj chik maa taapatz' we xq'axtesinkil li awab'ejihom, xb'aan naq a'an was ut laj Abiatar laj tij ut laj Johab, ralal lix Sarbia, neke'okenk chirix!”.

1 Reyes 2:17

Toja' naq laj Adonías kixye: “Nintz'aama chawu naq tat-aatinaq rik'in laj Salomón li awab'ej, naq xk'ehaq cho'q wixaqil lix Abisag aj Sunam, xb'aan naq ninnaw maak'a' tixram li awab'ej chawu”.

2 Samuel 12:11

Laa'in li Qaawa' ninye aawe naq sa' ajwi' laajunkab'al taatiklaaq chaq li rahilal sa' aab'een. Tinmaq'eb' laawixaqil chawu ut tinq'axtesiheb' re jalan chik re naq taawanq rik'ineb' chiruheb' chixjunil li tenamit.

1 Samuel 27:12

K'ojk'o xch'ool laj Akis rik'in laj David; naxk'oxla: “Ch'olch'o naq laj David xik' chik na'ile'k xb'aaneb' laj Israel li rech tenamitul, ut a'anaq aj k'anjel chiwu chi junelik”, chan sa' xch'ool.

1 Samuel 13:4

Laj Saúl kixkamsi jun ch'uuteb' aj Filistea, ut eb' laj Israel xik' te'ile'q xb'aaneb' laj Filistea”, chan. Jo'kan naq eb' laj puub' ke'xch'utub' rib'eb' rik'in laj Saúl aran Kilkal;

Levítico 20:11

“Wi junaq winq taawanq rik'in rixaqil li xyuwa', tixmux xwankil li xyuwa'. Jo'kan naq te'kamsiiq li winq ut li ixq, ut a'aneb' ajwi' wankeb' wi' naq te'kamsiiq.

Génesis 38:16

Ink'a' naxnaw naq a'an li ralib'; jo'kan naq kixjal li xb'e re xik rik'in ut kixye re: “Kanab'in chi wark aawik'in”. Li ixq kixpatz' re: “K'aru taak'e we naq tat-ok wik'in?”.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

Génesis 6:4

Sa'eb' li kutan a'an, ut moqon ajwi', ke'wank winq ninqeb' roq sa' ruuchich'och', naq eb' li ralal li Yos neke'wank rik'in li xrab'ineb' li winq ut eb' a'in neke'wank xkok'aleb': a'aneb' li winq q'axal kaweb' rib' ut nawno ruheb' najter q'e kutan.

2 Samuel 16:20

Moqon chik laj Absalón kixpatz' re laj Ajitófel: “K'ehomaq qana'leb'. K'aru tento tqab'aanu anaqwan?”.

2 Samuel 17:7

Kichaq'ok laj Jusay ut kixye: “Anaqwan moko us ta li xye laj Ajitófel.

2 Samuel 10:6

Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

2 Samuel 13:5

“Yoklan sa' laach'aat -chan laj Jonadab- ut b'aanu aawib' naq yajat. Naq taa'ok laayuwa' chawilb'al, taaye re: «B'aanu usilal, chalqaq lix Tamar li wanab' chi xk'eeb'al inwa. Twaj naq tixk'uub' lintzekemq chiwu laa'in re naq twil ut tink'ul sa' ruq'», cha'qat re”, chan laj Jonadab.

1 Reyes 11:25

Xik' kirileb' laj Israel chiru chixjunil li xyu'am laj Salomón. A'an ajwi' kixb'aanu laj Hadad, xb'aan naq kixtz'eqtaanaheb' laj Israel ut kiwank cho'q awab'ej re Siria.