2 Samuel 16:1 - Q'eqchi Bible

¹ Ak yo chi kub'eek laj David junpak'al li tzuul naq laj Sibá, laj k'anjel chiru laj Mefibóset, ki'elk chaq chi xk'ulb'al rochb'een wiib' chi b'uur, yookeb' chi riiqankil lajeek'aal (200) chi wa, o'k'aal (100) kuut chi chaqi uub', o'k'aal chi chaab'il ru che' ut jun kuk tz'uum chi b'iin.

Li Santil hu

¹ Nak laj David yo̱ chi cubec jun pacꞌal li tzu̱l, quixcꞌul laj Siba lix mo̱s laj Mefi-boset. Laj Siba yo̱ chi cha̱lc chixcꞌulbal laj David. Quixcꞌameb chak cuib li bu̱r cuan ri̱keb. Li bu̱r yo̱queb chak chiri̱kanquil cuib ciento li caxlan cua, jun ciento cu̱t li chaki uvas ut jun ciento li caxlan cua yi̱banbil riqꞌuin chaki higo ut jun bo̱ls tzꞌu̱m li vino.

2 Samuel 16:1 ပူးပေါင်းရင်းမြစ်များ

1 Samuel 25:18

Tikto lix Abigahil kixchap lajeek'aal (200) chi wa ut wiib' kuk tz'uum, oob' chi karneer ak pomb'ileb', oob' chi aroow chi joranb'il triiw, o'k'aal chiil chi uub' ak xchaqik ut lajeek'aal chi kaxlan wa yiib'anb'ileb' rik'in chaqi iig, kixk'e chixjunil a'in chirixeb' li xb'uur

2 Samuel 15:32

Naq laj David kiwulak sa' xb'een li tzuul neke'xloq'oni wi' li Yos, kichalk laj Jusay aj Arkí chi xk'ulb'al, pejel li raq' ut wank pojtz' sa' xjolom.

Amós 8:1

A'an a'in kixk'utb'esi chiwu li Qaawa' Yos. Kiwil jun li chakach nujenaq chi chaq'al ki'q'een:

Jeremías 40:12

Jo'kan naq ke'sutq'ije'k chaq sa'eb' li jalan jalanq chi tenamit b'arwi' ke'cha'cha'iik, ut ke'chalk rik'in laj Kedalías aran Mispá, sa' xteepal Judá. Ut eb' a'an ke'k'uulank ajwi' b'iin ut ruheb' li awimq chi q'axal yo'oon.

Jeremías 40:10

Laa'in tinkanaaq arin Mispá ut tin'okenq cherix naq eb' laj Kaldeha te'chalq chi qula'aninkil. Laa'ex naru texkanaaq arin chi xxokb'al ru li uub', li triiw ut li oliiw. K'uulahomaq chi chaab'il ut kanaaqex sa'eb' li tenamit xereechani”.

1 Crónicas 12:40

Jun chik anchal, eb' li nach' wankeb' ut a'eb' ajwi' laj Isakar, laj Sabulón ut laj Neftalí ke'xk'am xtzekemqeb' chirixeb' li b'uur, chirixeb' li kameey, li muul ut li b'ooyx. Naab'al li k'a'aq re ru ke'xk'am: k'aj triiw, k'uluj yiib'anb'il rik'in iig ut uub', b'iin, aseeyt, naab'aleb' li wakax ut karneer, xb'aan naq numtajenaq li sahil ch'oolejil aran Israel.

2 Samuel 19:32

Laj Barsilay ak tiix chik, kaak'aal chihab' wank re. Ut naq laj David wan chaq Majanáhin, kixk'e xtzekemq xb'aan naq naab'al li xb'ihomal.

2 Samuel 15:30

Laj David kitaqe'k sa' xb'een li tzuul Oliiw, ut tz'aptz'o li xjolom ut maak'a' xxaab' chi roq naq yo chi xik. Jo'kan ajwi' chixjunileb' li poyanam li rochb'een ke'xtz'ap xjolomeb' ut k'ajo' xyaab'eb' naq yookeb' chi taqe'k.

1 Samuel 16:20

Laj Jesé kixtaqla laj David li ralal, ut kixtaqla ajwi' jun xb'uur li taa'iiqanq re naab'al li kaxlan wa, jun kuk tz'uum chi b'iin ut jun ch'ina chib'aat, cho'q re laj Saúl.

1 Samuel 10:3

Toj najt chik chirix a'an, naq tatwulaq wan wi' li ji re Tabor, taak'uleb' oxib' chi winq yookeb' chi taqe'k, re xloq'oninkil li Yos aran Betel. Li jun yooq xk'amb'al oxib' chi kok' chib'aat, li jun chik yooq xk'amb'al oxib' chi k'uluj, ut li rox jun kuk chi b'iin.

Miqueas 7:1

Toq'ob' xaq wu, chanchanin aj chik li nasakonink chirix xq'ehil li q'olok, ut ink'a' chik nintaw in'uub' chi moko in'iig; ink'a' chik nintaw ruheb' li awimq li q'axal nawulak chiwu.

Proverbios 18:16

Li sihink naxte chixjunileb' li b'e ut nokooxk'am toj wankeb' wi' li ninqeb' xwankil.

2 Samuel 19:17

Junmay mil chi winq aj Benjamín neke'ochb'eenink re, jo' ajwi' laj Sibá, laj k'anjel sa' xjunkab'al laj Saúl, rochb'eeneb' li o'laju chi ralal ut li xjunmay chi moos. Eb' a'an ke'nume'k junpak'al li nima' Jordán naq toj maji' nawulak laj David,