2 Samuel 15:8 - Q'eqchi Bible

⁸ Naq toj wankin chaq Jesur re Aram, kinyeechi'i re li Qaawa': «Wi li Qaawa' tixk'e we sutq'iik Jerusalén, tinloq'oni ru li Qaawa' aran Hebrón»”.

Li Santil hu

⁸ Nak toj cuanquin aran Siria saꞌ li tenamit Gesur, la̱in quinye re li Ka̱cuaꞌ nak la̱in tinlokꞌoni ru cui tinixcꞌam cuiꞌchic Jerusalén, chan.

2 Samuel 15:8 ပူးပေါင်းရင်းမြစ်များ

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Jeremías 42:20

Yookex chi xb'alaq'inkil eerib' eejunes, xb'aan naq laa'ex ajwi' xexyehok we: «Tijon chiqix chiru li Qaawa' laaYos, re naq tixk'ut chiqu li b'e tooxik wi' ut k'aru li tqab'aanu».

Isaías 28:15

Laa'ex nekeye: “Xqak'e qib' sa' aatin rik'in li kamk, xqab'aanu jun sumwank rik'in li xna'ajeb' li kamenaq. Jo'kan naq sa' li kutan taachalq wi' li nimla rahilal, ink'a' tooxsach, xb'aan naq xootik'ti'ik re xkolb'al qib' ut xqamuq qib' sa' li b'alaq'il na'leb'”.

Eclesiastés 5:4

Wi wank k'aru xayeechi'i re li Qaawa', matb'ayk chi xb'aanunkil, xb'aan naq li Yos ink'a' nawulak chiru eb' li jipeb' li ink'a' neke'xb'aanu li xe'xyeechi'i. A'ut laa'at jo'ch'inal jo'nimal xayeechi'i, b'aanu.

Salmos 56:12

k'ojk'o linch'ool rik'in li Yos ut ink'a' chik tinxiwaq. K'aru truuq xb'aanunkil we junaq yal winq?

2 Samuel 14:32

Laj Absalón kixsume laj Johab: “Xintaqla aab'oqb'al re xyeeb'al aawe: B'aanu usilal, kim; twaj aataqlankil rik'in li awab'ej re naq taaye naq maak'a' aj e naq xinsutq'iik chaq Jesur. Q'axal us raj cho'q we wi ta xinkanaak aran Jesur. Anaqwan twaj rilb'al ru li awab'ej, ut wi wank junaq inmaak, chixteneb'aaq kamk sa' inb'een”.

2 Samuel 14:23

Toja' naq laj Johab kixaqliik, koho Jesur ut kixk'am chaq laj Absalón sa' li tenamit Jerusalén.

1 Samuel 16:2

Kixye laj Samuel: “Chanru naq tinxik? Wi laj Saúl trab'i resil, tinxkamsi”. Kichaq'ok li Qaawa': “K'am jun li saaj wakax ut ye re laj Saúl naq xik aawe chi mayejak chiwu.

Josué 24:15

A'ut wi ink'a' naxk'ul eech'ool k'anjelak chiru li Qaawa', sik'omaq ru anaqwan ani chi aj u teeraj k'anjelak: ma li xyoseb' leexe'toonil yuwa' li ke'xloq'oni chaq chire li nima' Éwfrates, malaj chiru li xyoseb' laj Amor b'arwi' wankex anaqwan. Laa'in ut linjunkab'al took'anjelaq chiru li Qaawa'”, chan laj Josué.

2 Samuel 3:3

li xkab', a'an laj Kilab', xyum lix Abigahil li kiwank cho'q rixaqil laj Nabal aj Karmeel; li rox, a'an laj Absalón, xyum lix Mahaká, xrab'in laj Talmay, awab'ej re Jesur;

2 Samuel 15:9

Kichaq'ok li awab'ej ut kixye: “Ayu sa' tuqtuukil usilal”. Ut laj Absalón kixchap xb'e ut koho.