2 Samuel 15:30 - Q'eqchi Bible

³⁰ Laj David kitaqe'k sa' xb'een li tzuul Oliiw, ut tz'aptz'o li xjolom ut maak'a' xxaab' chi roq naq yo chi xik. Jo'kan ajwi' chixjunileb' li poyanam li rochb'een ke'xtz'ap xjolomeb' ut k'ajo' xyaab'eb' naq yookeb' chi taqe'k.

Li Santil hu

³⁰ Nak laj David yo̱ chi taksi̱nc saꞌ li tzu̱l Olivos, yo̱ chi ya̱bac. Tzꞌaptzꞌo xjolom ut ma̱cꞌaꞌ xxa̱b chi rok xban xrahil xchꞌo̱l. Ut chixjunileb li yo̱queb chi ta̱ke̱nc re queꞌxtzꞌap lix jolomeb ut yo̱queb ajcuiꞌ chi ya̱bac.

2 Samuel 15:30 ပူးပေါင်းရင်းမြစ်များ

Ester 6:12

Chirix chik a'an laj Mardokeo kikanaak wi' chik chire rokeb'aal li rochoch li awab'ej, ut laj Amán koho sa' aanil sa' li rochoch chi nalumnak ut jwal ra sa' xch'ool.

2 Samuel 19:4

Li awab'ej kixtz'ap li xnaq' ru ut kixjap re chi yaab'ak: “At walal, Absalón! At walal!”, chan.

Ezequiel 24:23

b'atb'ooq leejolom sa' t'ikr ut wanq leexaab' cheroq. Miraho'k leech'ool chi moko texyaab'aq; tex'oso'q b'an sa' leemaak ut teeq'oqo aj chik eerib' chejunjunqal.

Ezequiel 24:17

Maak'ut xrahil laawaanm, yalaq kuy li rahilal chirix li kamenaq: b'at laajolom sa' t'ikr, k'e laaxaab' chawoq; maatz'ap li xnaq' aawu, chi moko taawa' li xwahil li rahil ch'oolej”.

1 Corintios 12:26

Wi ra naxk'ul junaq xcha'al li tz'ejwalej, chixjunileb' li cha'alej neke'raho'k rochb'een. Wi junaq cha'alej na'oxloq'iik, chixjunileb' neke'saho'k rochb'een.

Romanos 12:15

Chisaho'q sa' eech'ool rik'ineb' li saheb' sa' xch'ool, chexyaab'aq rik'ineb' li yookeb' chi yaab'ak.

Hechos 1:12

Toja' naq ke'xkanab' li tzuul Olivos xk'ab'a' ut ke'sutq'iik Jerusalén. Li tzuul a'in nach' wank rik'in Jerusalén, jo' tana xnajtil nab'eenimank sa' sábado.

San Lucas 22:39

Naq li Jesus ki'elk aran, koho sa' xb'een li tzuul Olivos jo' k'aynaq xb'aanunkil, ut kitaaqeek xb'aaneb' li xtzolom.

San Lucas 21:37

Li Jesus naxtzoleb' sa' rochoch li Yos chi kutan, ut chi q'eq naxik chi hilank chiru ke sa' xb'een li tzuul Olivos xk'ab'a';

San Lucas 19:41

Naq kinach'ok li Jesus rik'in Jerusalén ut kiril li tenamit, kiyaab'ak chirix ut kixye:

San Lucas 19:37

Ak nach' chik rik'in li kub'sink re li tzuul Olivos, chixjunil li xk'ihaleb' li xtzolom ke'ok chi xnimankil ru li Yos chi saheb' sa' xch'ool ut chi kaw xyaab' xkuxeb' xb'aan chixjunil li sachb'ach'oolej ke'ril.

San Lucas 19:29

Ut naq kinach'ok Betfagé ut Betania, chiru li tzuul Olivos xk'ab'a', kixtaqla wiib'eb' li xtzolom

San Mateo 5:4

Us xaq reheb' li neke'yaab'ak, xb'aan naq li Yos taak'ojob'anq xch'ooleb'.

Zacarías 14:4

Sa' li kutan a'an li Qaawa' tixxaqab' li roq sa' xb'een li tzuul Oliiw, li wank sa' xka'yab'aal Jerusalén, sa' releb'l li saq'e. Ut li tzuul Oliiw taajache'q sa' xyi, chalen sa' xjayal releb'l saq'e ut sa' rokeb'l, ut jun nimla taq'a taatehonq aran: jun jachal li tzuul taakanaaq sa' xjayal releb'l iq' ut li jun jachal chik taakanaaq sa' xjayal xsak'leb' iq'.

2 Samuel 15:29

Jo'kan naq laj Sadok ut laj Abiatar ke'xk'am wi' chik li xLoq'laj Kaax li Yos Jerusalén ut aran ke'kanaak.

2 Samuel 19:5

Toja' naq laj Johab ki'ok sa' rochoch li awab'ej ut kixye re: “Sa' li kutan a'in xutaanal wankeb' chawu chixjunileb' laj puub' li xe'kolok re laayu'am jo'wi' li xyu'ameb' laawalal ut eb' laarab'in, eb' laawixaqil ut chixjunileb' li ixq li wankeb' aawik'in.