2 Samuel 15:3 - Q'eqchi Bible

³ laj Absalón naxye reheb': “K'e reetal, li k'aru xatchalk wi' a'an us ut maak'a' reek', ab'anan maajun tatrab'i sa' rochoch li awab'ej”.

Li Santil hu

³ laj Absalón naxye reheb: —Kꞌaxal us la̱ cua̱tin ut ti̱c, abanan ma̱ ani junak ta̱a̱tinak cha̱cuix chiru li rey, chan reheb.

2 Samuel 15:3 ပူးပေါင်းရင်းမြစ်များ

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

1 Pedro 2:17

Cheroxloq'i chixjunileb', cherahaq leeras eeriitz'in, chexiwa ru li Yos ut cheroxloq'i li awab'ej.

Hechos 23:5

Kichaq'ok laj Pablo ut kixye: —Ex was wiitz'in, ink'a' xinnaw naq a'an ta li xyuwa'il aj tij, xb'aan naq tz'iib'anb'il: «Maamajewa li xb'eenil laatenamit».

San Mateo 15:4

Xb'aan naq li Yos kixye: «Chawoxloq'i laana' laayuwa'», ut: «Ani tixmajewa li xna' xyuwa', kamsinb'ilaq».

Daniel 11:21

«Sa' xna'aj a'an taa'awab'ejinq jun li winq q'axal yib'ru xna'leb' chi moko xkomoneb' li awab'ej; taa'ok chi taqlank chi maak'a'aq sa' xch'ooleb' ut taareechani li awab'ejihom sa' b'alaq'il na'leb'.

Ezequiel 22:7

Eb' li poyanam li wankeb' aawik'in ink'a' neke'roxloq'i eb' li xna' xyuwa'eb', neke'xrahob'tesi eb' laj ab'l tenamit ut neke'xtawasi li neb'a'yox jo'wi' li xmalka'an.

Proverbios 30:17

Li naxtz'eqtaana li xyuwa' ut ink'a' naxpaab' li xna', taa'isiiq xsa'eb' li ru xb'aaneb' li so'sol ut taat'upiiq li xtib'el xb'aaneb' li t'iw.

Proverbios 30:11

Wankeb' poyanam neke'xmajewa li xyuwa' ut ink'a' neke'xk'e xloq'al li xna'.

Proverbios 12:2

Li Qaawa' narusila ru li chaab'il xch'ool ut naraqok aatin sa' xb'een li ink'a' us xna'leb'.

Salmos 12:2

Choohaakol taxaq, at Qaawa', xb'aan naq maajun chik chaab'il; xlaje'oso'k chixjunileb' li tiikeb' xch'ool.

2 Samuel 8:15

Laj David ki'awab'ejink sa' xb'een chixjunileb' laj Israel ut junelik kitaqlank sa' xyaalal ut tiikilal sa' xb'een li xtenamit.

Números 16:3

Ke'xch'utub' rib' chi xwech'b'al laj Moisés ut laj Aharón, ut ke'xye reheb': “Jwal naxik wi' chik xb'een nekeb'aanu. Chixjunileb' li komonil santob'resinb'ileb' ut li Qaawa' wank sa' xyanqeb'. K'a'ut naq laa'ex nekek'e eewankil sa' xb'een li xkomonil li Qaawa'?”, chankeb'.

Éxodo 21:17

“Li tixmajewa li xna' xyuwa', tento taakamq.

Éxodo 20:12

“Chawoxloq'i laana' laayuwa' re naq najtaq roq laayu'am sa' li na'ajej tixk'e aawe li Qaawa' laaYos.

2 Samuel 15:4

Ut naxye wi' chik: “Us raj naq laa'in aj raqol aatin sa' xb'een li tenamit a'in! Chi jo'kan jo'k'ihaleb' li wanqeb' sa' raaxiik' malaj sa' junaq ch'a'ajkilal, truuq raj te'chalq wik'in ut laa'in tinraqoq raj aatin chirixeb' sa' tiikilal”, chan.