2 Samuel 15:25 - Q'eqchi Bible

²⁵ Ab'an li awab'ej kixye re laj Sadok: “K'am wi' chik li xLoq'laj Kaax li Yos sa' li tenamit. Wi usilal xintaw chiru li Qaawa', A'an tinxk'e chi sutq'iik re naq twil wi' chik li Loq'laj Kaax ut li xmuheb'aal.

Li Santil hu

²⁵ Li rey quixye re laj Sadoc: —Cꞌam cuiꞌchic li Lokꞌlaj Ca̱x saꞌ li tenamit. Cui li Ka̱cuaꞌ Dios sahak xchꞌo̱l cuiqꞌuin, aꞌan ta̱qꞌuehok cuiꞌchic cue chi sukꞌi̱c re nak ta̱ru̱k tincuil cuiꞌchic li Lokꞌlaj Ca̱x saꞌ lix naꞌaj.

2 Samuel 15:25 ပူးပေါင်းရင်းမြစ်များ

Jeremías 25:30

“At Jeremías, ye chixjunileb' li aatin a'in sa' ink'ab'a'. Ye reheb' chi jo'ka'in: «Li Qaawa' tixjap chaq re sa' li choxa ut taa'aatinaq chaq chi kaw toj sa' li xsantil muheb'aal. Tixjap chaq re chi raatinankil li xtenamit, jo' naq neke'xjap reheb' li neke'yatz'ok ru li uub'.

Salmos 84:10

At qaYos, chawil chaq laj k'aak'alehom qe, chak'e taxaq laawilob'aal sa' xb'een li sik'b'il ru aab'aan.

Salmos 26:8

At Qaawa', k'ajo' ninra li xchaq'alil ru laawochoch, li loq'laj muheb'aal nahilank wi' laaloq'al!

Éxodo 15:13

Rik'in laawusilal xak'am xb'eheb' li tenamit a'in kolb'il aab'aan. Rik'in laawankil xab'eresiheb' toj sa' laasantil muheb'aal.

Jeremías 7:4

Meeb'alaq'i eerib' chi xyeeb'al: Arin wank rochoch li Qaawa', waayi' li rochoch li Qaawa', a'in li rochoch li Qaawa'!

Isaías 38:22

Ut laj Esekías kixpatz' re: “K'aru tinnaw wi' naq tinxik sa' rochoch li Qaawa'?”, chan.

Salmos 122:9

Sa' xk'ab'a' xraab'al li rochoch li Qaawa' li qaYos nintz'aama sa' aab'een usilal ut chaab'ilal”.

Salmos 122:1

B'ich re li taqsink. Xsaalm laj David. K'ajo' naq xsaho'k sa' inch'ool naq xe'xye we: “Yo'qeb' sa' rochoch li Qaawa'!”.

2 Samuel 7:2

li awab'ej kixye re li propeet Natán: “K'e reetal, laa'in wankin sa' jun li ochoch yiib'anb'il rik'in yaw, ab'an li xLoq'laj Kaax li Yos wank sa' tz'uumil muheb'aal”, chan.

2 Samuel 6:17

Li xLoq'laj Kaax li Qaawa' kik'ame'k ut kixtaw xna'aj sa' xyi li muheb'aal kixyiib' laj David cho'q re a'an. Tikto laj David kixyeechi'i re li Qaawa' k'atb'il xul ut mayej re li k'amok ib' sa' usilal rik'in li Yos.

Éxodo 33:12

Kixye laj Moisés re li Qaawa': “Chak'e reetal. Laa'at xaye we: «Chak'am xb'eheb' li tenamit a'in»; ab'an ink'a' xak'ut chiwu ani taa'ochb'eeninq we. Xaye ajwi' naq sik'b'il wu aab'aan ut usilal xintaw chawu.

Éxodo 33:13

Jo'kan b'i', wi relik chi yaal usilal xintaw chawu, k'e chinnaw laawajom re naq k'ojk'ooq linch'ool chawix ut junelik tintaw usilal chawu. K'e reetal naq aawe li tenamit a'in”.