2 Samuel 15:18 - Q'eqchi Bible

¹⁸ Rochb'een a'an wankeb' li xjolomileb' laj puub'. Ut eb' laj Keret, eb' laj Pélet, eb' laj Itay ut chixjunileb' laj Kit (lajeek'aal xkab' o'q'ob' chi winq li ke'taaqenk re laj David chalen chaq Gat) ke'nume'k chiru li awab'ej.

Li Santil hu

¹⁸ Chixjunileb li nequeꞌtaklan saꞌ xbe̱neb lix soldados, queꞌxakli chixcꞌatk li rey. Eb laj cereteo ut eb laj peleteo li nequeꞌcꞌacꞌalen re li rey saꞌ li ple̱t queꞌnumeꞌ chiru. Ut queꞌnumeꞌ ajcuiꞌ eb li cuakib ciento li soldados li queꞌchal Gat.

2 Samuel 15:18 ပူးပေါင်းရင်းမြစ်များ

2 Samuel 8:18

Laj Benaías, ralal laj Johadá, nataqlank sa' xb'eeneb' laj Keret ut eb' laj Pélet. Eb' li ralal laj David a'aneb' ajwi' aj tij.

1 Crónicas 18:17

Laj Benaías, ralal laj Johadá, nataqlank sa' xb'eeneb' laj Keret ut eb' laj Pélet. Eb' li ralal laj David a'aneb' tz'aqal li xb'een aj tenq' re li awab'ej.

1 Reyes 1:38

Toja' naq laj Sadok laj tij, laj Natán li propeet ut laj Benaías, ralal laj Johadá, koheb' rochb'eeneb' laj Keret ut laj Pélet. Koxe'xtaqsi laj Salomón chirix li xmuul laj David li awab'ej ut ke'xk'am toj Kijón.

2 Samuel 20:23

Laj Johab a'an xjolomil chixjunileb' laj puub' aj Israel. Laj Benaías, ralal laj Johadá, a'an xjolomileb' laj Keret ut eb' laj Pélet.

2 Samuel 20:7

Koheb' li winq li wankeb' rub'el xtaql laj Johab, jo'wi' eb' laj Keret, eb' laj Pélet ut chixjunileb' li yo'ooneb' chi yalok. Ke'elk Jerusalén chirix laj Abisay re xsik'b'al chaq laj Sebá, ralal laj Bikrí.

1 Samuel 30:14

Xoowulak aran Nejeb, sa' xteepaleb' laj Keret ut eb' laj Judá, jo'wi' Nejeb, sa' xteepaleb' laj Kaleb, ut xqak'at ajwi' li tenamit Siklak”, chan.

2 Samuel 18:2

Chirix chik a'an kixjek'eb' laj puub' sa' oxib' ch'uut: li xb'een ch'uut kixk'eheb' chi jolomiik xb'aan laj Johab, li xkab' ch'uut xb'aan laj Abisay, xyum lix Sarbia, riitz'in laj Johab, ut li jun chik ch'uut xb'aan laj Itay aj Gat. Ut kixye reheb' chixjunileb' laj puub': “Tinxik ajwi' laa'in cherix”.

2 Samuel 6:10

Ut ink'a' kiraj xk'amb'al li Loq'laj Kaax sa' rochoch, sa' xTenamit laj David, kixtaqla b'an xk'amb'al sa' rochoch laj Obededón aj Gat.

1 Samuel 27:3

Rochb'een chixjunileb' laj puub', kina'ajunk aran Gat, wan wi' laj Akis; li junjunq kikanaak aran rochb'een li xjunkab'al. Laj David wank xkab'ichaleb' li rixaqil rik'in: a' lix Ajinohán aj Jisrehel ut lix Abigahil, li kiwank cho'q rixaqil laj Nabal aj Karmeel.

1 Samuel 23:13

Toja' naq koheb' laj David ut eb' laj puub' (wankeb' tana lajeek'aal xkab' o'q'ob' chi winq), ke'elk Kehilá ut ke'xb'eeni rib'eb'. Ut naq laj Saúl kirab'i resil li relik laj David sa' li tenamit Kehilá, kixjal xk'a'uxl ut ink'a' chik koho Kehilá.

1 Samuel 25:13

Toja' naq laj David kixye reheb' li wankeb' rochb'een: “Chapomaq leech'iich' chejunjunqal”, chan. Chixjunileb' ke'xb'ak' li xch'iich'eb' chi xsa'eb'. Laj David ajwi' kixb'ak' li xch'iich' chi xsa'. Jun o'q'ob' (400) tana chi winq koheb' chirix laj David ut lajeek'aal (200) ke'kanaak aran chi ilok li k'aruheb' re.

1 Samuel 30:1

Sa' rox li kutan laj David ut eb' li wankeb' rochb'een ke'wulak Siklak ut ke'xk'e reetal naq eb' laj Amalek koxe'sachoq chaq Nejeb jo'wi' Siklak, ke'elq'ak aran ut k'atb'il chik li tenamit Siklak.

1 Samuel 30:9

Tikto koho laj David rochb'eeneb' li lajeek'aal xkab' o'q'ob' (600) li wankeb' rochb'een ut ke'wulak wan wi' li nima' Besor.

2 Samuel 15:17

Koho li awab'ej jo'wi' chixjunileb' li wankeb' rochb'een ut ke'xaqliik sa' xmaril li tenamit.

1 Samuel 27:4

Naq laj Saúl kirab'i resil naq laj David xikenaq eelel aran Gat, kixkanab' xsik'b'al.