2 Samuel 15:10 - Q'eqchi Bible

¹⁰ Toja' naq laj Absalón kixtaqlaheb' aj esil rik'in chixjunileb' li xteepal aj Israel re xyeeb'al reheb': “Naq teerab'i chi eek'ank li xukub', yehomaq naq laj Absalón xxaqab'aak cho'q awab'ej aran Hebrón”.

Li Santil hu

¹⁰ Abanan, saꞌ ajcuiꞌ li cutan aꞌan laj Absalón quixtakla xyebal reheb chixjunileb li cuanqueb Israel: —Nak te̱rabi xya̱b li trompetas, te̱jap e̱re chixyebal “Laj Absalón quixakaba̱c chokꞌ rey aran Hebrón,” chaꞌkex.—

2 Samuel 15:10 ပူးပေါင်းရင်းမြစ်များ

1 Crónicas 12:38

Chixjunileb' laj puub' a'in ak kawresinb'ileb' chi yalok koheb' aran Hebrón chi k'ojk'ookeb' xch'ool rik'in xxaqab'ankil laj David cho'q awab'ej re chixjunil Israel. Junaj xch'ooleb' chixjunileb' laj Israel naq te'xxaqab' laj David cho'q awab'ej.

1 Crónicas 12:23

A'an a'in li xk'ihaleb' laj puub' li yo'ooneb' chi yalok, li ke'xjunaji rib' rik'in laj David aran Hebrón, re xxaqab'ankil cho'q awab'ej, cho'q reeqaj laj Saúl, jo' yeeb'il xb'aan li Qaawa'.

1 Crónicas 11:3

Jo'kan naq chixjunileb' li xcheekal winqul laj Israel ke'wulak Hebrón rik'in li awab'ej, ut laj David kixk'uub' jun sumwank rik'ineb' aran Hebrón, chiru li Qaawa', ut kiyule'k cho'q awab'ej re Israel, jo' chanru kixye li Qaawa' chi xtz'uumal re laj Samuel.

2 Reyes 9:13

Tikto li junjunq kixseeb'a rib' chi xxokb'al ut xhelb'al li xb'aatal ut ke'xk'e cho'q xna'aj li roq sa' li pek ru. Chirix a'an ke'xyaab'asi li xukub' ut ke'xjap re chi xyeeb'al: “Laj Jehú a'an li awab'ej”, chankeb'.

1 Reyes 1:34

ut aran li walal taayule'q cho'q awab'ej re Israel xb'aan laj Sadok laj tij ut laj Natán li propeet. Toja' naq teeyaab'asi li xukub' ut teeye: «Nimanb'ilaq li awab'ej Salomón!», cha'qex.

2 Samuel 19:10

Ab'anan laj Absalón li xqayul laa'o cho'q qa'awab'ej, xkamsiik chaq sa' li yalok. Jo'kan naq k'a'ut naq maak'a' naqab'aanu re xsutq'isinkil li awab'ej David?”.

2 Samuel 14:30

Toja' naq laj Absalón kixye reheb' laj k'anjel chiru: “Chek'e reetal, li xna'aj li xseb'aad laj Johab wank chi xk'atq li we. Ayuqex ut k'ehomaq chi xam”. Eb' laj k'anjel chiru laj Absalón koheb' ut ke'xk'at li na'ajej.

2 Samuel 13:28

ut kixye reheb' laj k'anjel chiru: “Kawal wanqex. Naq sahaq xch'ool laj Amnón xb'aan li b'iin ut laa'in tinye eere: «Teekamsi», kamsihomaq chi maak'a'aq eexiw, xb'aan naq a'an eetaqlankil inb'aan. Kawaq b'i' eech'ool ut yo'oon wanqex”.

2 Samuel 5:5

Aran Hebrón ki'awab'ejink wuqub' chihab' rik'in waqib' po; moqon chik sa' li tenamit Jerusalén kitaqlank sa' xb'eeneb' chixjunileb' laj Israel ut laj Judá chiru oxlaju xka'k'aal chihab'.

2 Samuel 2:11

Wuqub' chihab' rik'in waqib' po ki'awab'ejink laj David aran Hebrón sa' xb'eeneb' laj Judá.

2 Samuel 2:1

Moqon chik laj David kipatz'ok re li Qaawa' ut kixye: “Ma us tinxik sa' junaq tenamit re Judá?”, chan. Li Qaawa' kixsume: “Ayu”, chan. Toja' naq laj David kixpatz' wi' chik re: “B'ar tento tinxik?”, chan. “Aran Hebrón”, chu'uxk re.

2 Samuel 15:9

Kichaq'ok li awab'ej ut kixye: “Ayu sa' tuqtuukil usilal”. Ut laj Absalón kixchap xb'e ut koho.

1 Reyes 1:11

Toja' naq laj Natán kixye re lix Betsabé, xna' laj Salomón: “Ma ink'a' nakanaw naq laj Adonías, xyum lix Jakit, xxaqab' rib' cho'q awab'ej chi ink'a' naxnaw laj David laj eechal qe?