2 Samuel 14:2 - Q'eqchi Bible

² Jo'kan naq kixtaqla chaq xk'amb'al aran Tékoha jun li ixq seeb' xch'ool ut kixye re: “B'aanu aawib' jo' naq ra sa' aach'ool, tiqib' aawib' jo' na'uxk naq nakamk anihaq ut maak'e aasununkil b'an. B'aanu aawib' jo' junaq ixq li ak junxil x'ok xrahil li xch'ool.

Li Santil hu

² Quixtakla xcꞌambal jun li ixk cuan aran Tecoa. Li ixk aꞌan cuan xnaꞌleb chixba̱nunquil cꞌaꞌak re ru chi naꞌlebil. Nak li ixk quicuulac riqꞌuin, quixye re: —Ba̱nu a̱cuib joꞌ nak ra saꞌ a̱chꞌo̱l chirix xcamic jun la̱ cuechꞌalal. Qꞌue cha̱cuix li tꞌicr li naxcꞌut nak ra saꞌ a̱chꞌo̱l. Ma̱qꞌue li sununquil ban. Ba̱nu chi joꞌcan re nak ta̱cꞌutu̱nk nak ac junxil na-oc xrahil a̱chꞌo̱l.

2 Samuel 14:2 ပူးပေါင်းရင်းမြစ်များ

2 Crónicas 11:6

Kixkawub'resiheb' li tenamit Belén, Etán, Tékoha,

Amós 1:1

A'an a'in li raatin laj Amós, jun reheb' laj ilol ketomq sa' xteepal Tékoha. A'in li kiril sa' moy u chirix li tixk'ul li tenamit Israel, naq wan chaq chi awab'ejink laj Osías aran Judá, ut naq laj Jerobohán, ralal laj Johás, yo chi awab'ejink aran Israel, wiib' chihab' rub'elaj li nimla hiik kiwank.

Li xHu LIX RUT 3:3

Ch'ajon b'i', k'e laasununkil b'an, tiqib' aawib' chi chaab'il ut ayu sa' li xch'oxleb'aal. Ab'anan maak'ut aawib' chiru li winq a'an naq toj yooq chi wa'ak ut chi uk'ak.

Jeremías 6:1

Ex ralal xk'ajol laj Benjamín, elenqex chaq sa' li tenamit Jerusalén! Yaab'asihomaq li pur aran Tékoha, taqsihomaq li eetalil aran Bet-Keren, xb'aan naq chalk chaq re jun nimla rahilal ut raaxiik' sa' xjayal releb'l li iq'.

Nehemías 3:5

Chi xk'atq a'an ke'tz'akab'k eb' laj Tékoha, us ta eb' li ninqeb' xwankil ink'a' ke'raj xtenq'ankileb' li neke'jolomink reheb'.

2 Crónicas 20:20

Wulajaq chik ke'wakliik eq'la ut ke'xk'am xb'eheb' re xik sa' li chaqich'och' re Tékoha. Ut naq ak elkeb' re aran Jerusalén, laj Josafat kixaqliik ut kixye reheb': “Ab'ihomaqin, ex aj Judá ut aj Jerusalén! K'ojk'ooq eech'ool rik'in li Qaawa' leeYos, ut maak'a' teek'ul. Paab'omaqeb' li xpropeet, ut us tex'elq”, chan.

2 Samuel 12:20

Tikto kiwakliik laj David, ki'atink, kixk'e xsununkil b'an ut kixjal li raq'. Chirix chik a'an koho sa' rochoch li Qaawa' ut koxhupub' rib' chi loq'onink. Ut naq kisutq'iik sa' rochoch, kixpatz' xtzekemq ut kiwa'ak.

San Mateo 6:17

A'ut laa'at, naq tat-ayuuniq, chayul laajolom sa' sununkil b'an ut chach'aj laawu,

Eclesiastés 9:8

Tiqib' aawib' chi chaab'il chi junelik ut b'on aawib' chi us wulaj wulaj.

Salmos 104:15

li b'iin li nasaho'k wi' xch'ool, li aseeyt re naq taalemtz'unq li xnaq' ru ut li wa li nak'ehok kawilal.

Nehemías 3:27

Sa' xtiqam a'an eb' laj Tékoha ke'tz'akab'k sa' xka'yab'aal li najt xteramil kab'l li wank chi tzuul sa' xb'een rochoch li awab'ej toj wan wi' li tz'ak re Ofel.

2 Samuel 11:26

Naq li rixaqil laj Urías kirab'i resil li xkamik li xb'eelom, kiraho'k sa' xch'ool ut kiyaab'ak chirix.

2 Samuel 20:16

Toja' naq jun li ixq wank xna'leb' kixjap chaq re toj sa' li tenamit: “Ab'ihomaq, ab'ihomaq! Yehomaq re laj Johab naq chijiloq chaq arin, xb'aan naq twaj aatinak rik'in”, chan.

2 Samuel 23:26

laj Jeles aj Bet-Pélet; laj Irá, ralal laj Ikés, Tékoha li xtenamit;

1 Reyes 14:2

Ut laj Jerobohán kixye re li rixaqil: “Tiqib' aawib' chi jalan, re naq ink'a' te'xk'e reetal naq laa'at rixaqil laj Jerobohán. Ayu aran Siló, xb'aan naq aran wank laj Ajías li propeet, li kiyehok we naq tin'ok cho'q awab'ej re li tenamit a'in.

1 Reyes 14:5

Ab'anan ak xyehom li Qaawa' re laj Ajías naq li rixaqil laj Jerobohán taawulaq rik'in chi patz'ok chirix li xk'uula'al yaj. Yeeb'il ajwi' k'aru tixsume wi' li ixq, xb'aan naq tixye rib' cho'q jalan naq taa'ok sa' li rochoch.

Génesis 38:19

Toja' naq kixaqliik ut kisutq'iik sa' rochoch, kirisi li xt'ikr ut kixk'e wi' chik li raq' li xmalka'anil chirix.