2 Samuel 14:14 - Q'eqchi Bible

¹⁴ Chiqajunilo tento tookamq. Jo'ko li ha' hoyb'il sa' ch'och': ink'a' chik naru xxokb'al. Li Yos maa'ani narisi li xyu'am, naxsik' b'an xyaalal re naq taasutq'iiq wi' chik li ani najt wank rik'in.

Li Santil hu

¹⁴ Chikajunilo toca̱mk. Chanchano li haꞌ hoybil saꞌ chꞌochꞌ. Incꞌaꞌ chic naru xxocbal. Li Ka̱cuaꞌ Dios ma̱ ani narisi xyuꞌam. Naxsicꞌ ban xya̱lal chanru nak ta̱sukꞌi̱k cuiꞌchic riqꞌuin li najt cuan riqꞌuin.

2 Samuel 14:14 ပူးပေါင်းရင်းမြစ်များ

Li xHu LAJ JOB 30:23

Ninnaw naq laa'at taawaj tinkamq re tinxik sa' li na'ajej toxe'kanaaq wi' chixjunileb' li yo'yookeb'.

Hebreos 9:27

Teneb'anb'il sa' xb'eeneb' chixjunil naq jun sut ajwi' te'kamq ut, chirix chik a'an, a' chik li raqb'a aatin.

Números 35:28

xb'aan naq laj kamsinel tento raj wanq sa' li tenamit xmuq wi' rib' toj reetal sa' xkamik li xyuwa'il laj tij. Sa' xkamik li xyuwa'il laj tij laj kamsinel naru taasutq'iiq sa' li rochoch.

Li xHu LAJ JOB 34:15

tookamq chiqajunilo ut toosutq'iiq wi' chik cho'q pojtz'.

Números 35:25

ut li komonil tento tixkol xyu'am laj kamsinel ras riitz'in chiru laj eeqajunel kik'. Tento ajwi' tixtaqla wi' chik sa' li tenamit xmuq wi' rib'. Ut aran taakanaaq li xkamsi ras riitz'in toj reetal taakamq li xyuwa'il laj tij li yulb'il rik'in loq'laj oleo.

Números 35:15

Sa'eb' li waqib' chi tenamit a'an naru te'xkol rib' eb' laj Israel, jo'wi' eb' laj ab'l tenamit ut li yal aj numeleb' sa' eeyanq, re naq aran tixmuq rib' yalaq ani xkamsink junaq ras riitz'in chi ink'a' rajom xch'ool.

Eclesiastés 9:5

Li yo'yookeb' neke'xnaw naq te'kamq, a'ut li kamenaqeb' maak'a' neke'xnaw ut maak'a' neke'royb'eni; moko paatz'ajeleb' ta chik.

Salmos 22:14

jwal k'apk'ookeb' re sa' inb'een, chanchaneb' li kaqkoj neke'xjap re ut neke't'upink.

Li xHu LAJ JOB 14:14

Ab'anan naq nakamk li winq, ma naru naq taayo'laaq wi' chik? Chi anchal inch'ool twoyb'eni raj li xraqik link'anjel sa' ruuchich'och'.

Romanos 2:11

Xb'aan naq li Yos juntaq'eet narileb' chixjunil.

San Mateo 22:16

Ut ke'xtaqlaheb' li xtzolom rik'in, rochb'eeneb' li neke'okenk chirix laj Herodes, chi xyeeb'al: —At Tzolonel, naqanaw naq tz'aqal yaal nakat-aatinak; nakak'ut chi yaal li xb'e li Yos ut maak'a' nakawaj wi' anihaq, xb'aan naq moko sik'so ta ru li nakawaatina.

Salmos 90:10

Ka'aj chik lajeetq kaak'aal chihab' li qayu'am, malaj kaak'aal chihab', wi toj kawo; ab'an junes rahilal ut xtawasinkil qib' naqak'ul: sa' junpaat neke'nume'k ut laa'o nokoo'oso'k.

Salmos 90:3

Pojtz' nakasutq'isi wi' li winq naq nakaye re: “Sutq'inqex sa' li pojtz', ex ralal laj Adán!”.

Salmos 79:3

Kama' li ha' naq xe'xhoy li xkik'eleb' chi xsutam Jerusalén, ut maajun xmuquk reheb'!

Salmos 58:7

At inYos, chajoriheb' li ruuch reheb' ut chasach ruheb'; at Qaawa', chatoqi li ruuch reheb' li kok' kaqkoj.

Li xHu LAJ JOB 34:19

A'an juntaq'eet naril chixjunileb': jo' eb' li ninqeb' xwankil ut eb' li b'ihom, jo'kan ajwi' eb' li neb'a'. Xb'aan naq A'an kiyoob'tesink reheb' chixjunileb'.

2 Samuel 11:25

Toja' naq laj David kixye re laj esil: “Ye re laj Johab naq ink'a' taak'oxlaq chirix li xk'ulmank xb'aan naq jo'kan li yalok: sa' jun kutan nakamk junaq, ut sa' jun kutan chik ak jalan chik nakamk. Chixyal xq'e chi yalok wi' chik rik'in li tenamit toj reetal tixsach, ut laa'at k'e xkawub' li xch'ool”, chan laj David.

Deuteronomio 10:17

Li Qaawa' leeYos a'an li Nimajwal Yos, Qaawa' sa' xb'een chixjunileb' li awab'ej; a'an li Yos nim xwankil, q'axal kaw rib' ut xiwajel ru, li juntaq'eet narileb' chixjunil ut ink'a' naxk'ul ru tuminaak.

Levítico 26:40

“Toja' naq te'xch'olob' li xmaakeb' ut li xmaa'usilaleb' li xna' xyuwa', chanru naq xe'xq'etq'eti rib' ut xe'jipunk chiwu.

1 Pedro 1:17

“QaYuwa'” nekeye re li Yos li naraqok aatin sa' xb'een li junjunq jo' chanru li xb'aanuhom chi ink'a' tiitooq ru. Jo'kan utan, chexiwaaq ru li Yos jo' najtil leenumik sa' li ruuchich'och' a'in.

Hechos 10:34

Toja' naq laj Pedro ki'ok chi aatinak ut kixye: —Xintaw tz'aqal xyaalal naq li Yos juntaq'eet narileb' chixjunil

Éxodo 21:13

ab'an, wi ink'a' xram sa' b'e, yal b'an li Yos xk'ehok re sa' ruq', laa'in tink'ut chawu jun li na'ajej b'arwi' toxmuq chaq rib'.

2 Samuel 14:15

Wi laa'in xink'ulunk chi xyeeb'al chixjunil a'in re laj eechal we, a'an xk'ulmank xb'aan naq xinxiwak xb'aan li k'aru xe'xye we li tenamit. Jo'kan naq xink'oxla aatinak rik'in li awab'ej. Mare chan naq tixpaab' li waatin.

1 Reyes 11:39

Tinq'axtesi aawe li tenamit Israel ut tink'ut xxutaaneb' li ralal xk'ajoleb' laj David, xb'aan li maak kixb'aanu laj Salomón. Ab'anan ink'a' chi junajwa»”.

Salmos 22:15

Chanchanin li ha' yo chi hoye'k, b'oq'b'ileb' chixjunil linb'aqel; naq nach'inank linch'ool kama' aj chik li waakab'.

Salmos 77:8

“Ma chi junajwa xoxtz'eqtaana li Qaawa'? Ma tik ink'a' chik tuloorusilaatina?

Lamentaciones 3:31

Xb'aan naq li Qaawa' ink'a' nokooxtz'eqtaana chi junajwa.

Ezequiel 18:23

Ma nasaho'k tab'i' linch'ool naq nakamk laj maak? -chan li Qaawa'-. Li nawulak chiwu, a'an a'in: naq li ink'a' us xch'ool tixjal li xk'a'uxl ut wanq xyu'am.