2 Samuel 14:12 - Q'eqchi Bible

¹² Kixye li ixq: “Nintz'aama chawu naq laamoos truuq taxaq xyeeb'al jun t'orolaq chik li raatin”. “Aatinan”, chan li awab'ej.

Li Santil hu

¹² Ut li ixk quixye re: —At rey, china̱canab chi a̱tinac junpa̱tak chic a̱cuiqꞌuin, chan. Ut li rey David quixye re: —Us. A̱tinan, chan.

2 Samuel 14:12 ပူးပေါင်းရင်းမြစ်များ

Hechos 26:1

Laj Agripa kixye re laj Pablo: —Truuq tat-aatinaq re xkolb'al aawib'. Toja' naq laj Pablo kixye' li ruq', ut jo'ka'in naq ki'aatinak re xkolb'al rib':

Jeremías 12:1

At Qaawa', naq ninwech'ok aawik'in, laa'at junelik tiik aach'ool; ab'anan nawaj xpatz'b'al aawe li na'leb' a'in: K'a'ut naq jwal us neke'elk li ink'a' useb' xch'ool ut sa wankeb' li neke'b'alaq'ink?

1 Samuel 25:24

kixk'utzub' rib' chiru ch'och' ut kixye re: “Wa'chin, chikanaaq ta sa' inb'een li xmaak linb'eelom. Ab'anan tinaakanab' chi aatinak aawik'in ut ab'i taxaq li k'aru tinye aawe.

Génesis 44:18

Toja' naq laj Judá kijilok chi xk'atq laj José ut kixye re: “Chinaakuy, at qaawa'. Tinye jun t'orolaq li raatin sa' xxik linqaawa'. Matjosq'o'k sa' inb'een xb'aan naq laa'at jo'kat laj Parahón.

Génesis 18:32

Jun sut chik ki'aatinak laj Abrahán: “Matpo'k, at inQaawa'. Ka'aj chik anaqwan tin'aatinaq. Ut wi lajeeb' ajwi' taataw aran, ma taasach chixjunil li tenamit?”. Kisumeek: “Ink'a' ajwi' tinsach li tenamit, sa' xk'ab'a'eb' li lajeeb'”.

Génesis 18:27

Kixye laj Abrahán: “At inQaawa', chakuyaq inmaak. Yal pojtz'in ut chahin, ab'anan ink'a' ninxiwak chawaatinankil.

2 Samuel 14:11

Kixye wi' chik li ixq: “At awab'ej, nintz'aama chawu, tijon chiru li Qaawa' laaYos re naq laj eeqajunel kik' ink'a' chixyu' li rahilal a'in rik'in xkamsinkil linyum”. Kichaq'ok li awab'ej: “Sa' xk'ab'a' li Qaawa' ninye aawe naq maajun rismal laayum taat'ane'q sa' ch'och'”, chan.

2 Samuel 14:13

Toja' naq li ixq kixye: “At awab'ej, k'a'ut naq jo'kan laak'a'uxl chirix li xtenamit li Yos? Rik'in li k'aru xaye, laa'at nakaxooto laamaak, xb'aan naq ink'a' chik nakak'e chi sutq'iik chaq laj Absalón.

2 Samuel 20:17

Naq laj Johab kinach'ok rik'in, li ixq kixpatz' re: “Ma laa'at aj Johab?”, chan. “Laa'inin”, chan li winq. Kixye li ixq: “B'aanu usilal, ab'i raatin laamoos a'in”. “Yookin chawab'inkil”, chan laj Johab.

1 Reyes 2:14

Ut tikto kixye: “Xinchalk chi xtz'aamankil jun li usilal chawu”. Kixye lix Betsabé: “Ye k'aru taawaj”.