2 Samuel 13:29 - Q'eqchi Bible

²⁹ Eb' laj k'anjel chiru laj Absalón ke'xpaab' li xtaqlankileb' ut ke'xkamsi laj Amnón. Toja' naq chixjunileb' li ralal li awab'ej ke'xaqliik ut ke'elelik chirixeb' li xmuul.

Li Santil hu

²⁹ Eb lix mo̱s queꞌxba̱nu joꞌ quiyeheꞌ reheb xban laj Absalón. Queꞌxcamsi laj Amnón. Ut eb li ralal li rey queꞌtakeꞌ chirixeb lix mu̱l ut queꞌe̱lelic.

2 Samuel 13:29 ပူးပေါင်းရင်းမြစ်များ

1 Reyes 1:33

kiyehe'k reheb': “K'amomaqeb' cherix eb' laj k'anjel chiwu laa'in li awab'ej. Taqsihomaq laj Salomón li walal chirix linmuul ut kub'enqex sa' li na'ajej Kijón xk'ab'a',

2 Samuel 18:9

Laj Absalón yo chi xik sa' xb'een jun li muul naq xaqaamileb' chiru eb' laj puub' re laj David. Ab'an li muul kixch'ik rib' sa' xyanqeb' li ruq' jun nimla ji, ut li xjolom laj Absalón kit'ilk sa' xyanqeb' li ruq' li che'. Li muul ki'elelik ut laj Absalón kikanaak chi t'uyt'u.

Miqueas 7:3

K'aynaqeb' li ruq'eb' chi xb'aanunkil li maa'usilal; eb' laj jolominel kaw neke'titz'ok toj, eb' laj raqol aatin neke'tuminaak ruheb', ut eb' li ninqeb' xwankil neke'xb'aanu li neke'raj ut neke'xk'uub' ru li ink'a' us.

Proverbios 29:12

Li awab'ej li napaab'ank tik'ti', naxpo' xna'leb' chixjunileb' laj k'anjel chiru.

Levítico 19:19

“K'anjelahomaq ru linchaq'rab'. “Maak'e chi b'atz'unk laaketomq rik'in k'iila paay chi ketomq. “Maawaw wiib' paay chi iyaj sa' laach'och'. “Maatiqib' aawib' rik'in aq'ej wiib' paay ru xt'ikrul.

Génesis 36:24

Eb' li ralal xk'ajol laj Sibón a'aneb' a'in: laj Ayá ut laj Aná, li kitawok re li tiqwal ha' sa' li chaqich'och', naq yo chi xk'aak'alenkileb' li xb'uur laj Sibón li xyuwa'.

2 Samuel 13:30

Toj wankeb' a'an chiru xb'eheb', naq kiwulak resil rik'in laj David naq laj Absalón xkamsi chixjunileb' li ralal ut maajun chik reheb' xkanaak chi yo'yo.

1 Reyes 1:38

Toja' naq laj Sadok laj tij, laj Natán li propeet ut laj Benaías, ralal laj Johadá, koheb' rochb'eeneb' laj Keret ut laj Pélet. Koxe'xtaqsi laj Salomón chirix li xmuul laj David li awab'ej ut ke'xk'am toj Kijón.

2 Samuel 12:10

Jo'kan naq chalen anaqwan junelik wanq raaxiik' ut kamsij ib' sa' laajunkab'al, xb'aan naq xinaatz'eqtaana ut xak'am li rixaqil laj Urías aj Hit cho'q aawixaqil.

2 Samuel 14:6

Wankeb' wiib' inyum, ab'anan xe'xch'e' rib' sa' k'aleb'aal ut li jun xkamsi li jun chik xb'aan naq maajun xjek'ok reheb'.