2 Samuel 13:21 - Q'eqchi Bible

²¹ Naq laj David kixnaw chixjunil a'in, k'ajo' naq kichalk xjosq'il; ab'an ink'a' kiraj xrahob'tesinkil xch'ool laj Amnón li ralal, xb'aan naq a'an li xb'een al ut q'axal raaro xb'aan.

Li Santil hu

²¹ Nak quirabi li cꞌaꞌru quicꞌulman li rey David, cꞌajoꞌ nak quijoskꞌoꞌ.

2 Samuel 13:21 ပူးပေါင်းရင်းမြစ်များ

Génesis 34:7

Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!

Salmos 101:8

Rajlal eq'la tinsach ruheb' li ink'a' useb' xna'leb', ut twisi sa' li xtenamit li Qaawa' jo'k'ihaleb' li neke'b'aanunk li maa'usilal.

2 Samuel 12:10

Jo'kan naq chalen anaqwan junelik wanq raaxiik' ut kamsij ib' sa' laajunkab'al, xb'aan naq xinaatz'eqtaana ut xak'am li rixaqil laj Urías aj Hit cho'q aawixaqil.

2 Samuel 12:5

K'ajo' naq kijosq'o'k laj David sa' xb'een li winq a'an, ut kixye re laj Natán: “Sa' xk'ab'a' li yo'yookil Yos ninye aawe naq xk'ulub' kamk li winq li xb'aanunk re a'an.

1 Samuel 2:29

K'a' naq xetz'eqtaana lin'artal ut li mayej li xinye eere naq teeq'axtesi sa' linloq'laj Muheb'aal? K'a' naq q'axal chik xaraheb' laawalal aak'ajol chiwu laa'in ut xach'oolaniheb' rik'in xchaab'ilal chixjunil li xmayejeb' lintenamit Israel?».

2 Samuel 13:20

Laj Absalón li ras kiril ru ut kixye re: “Ma xwank laj Amnón laawas aawik'in? Maaseeraq'i a'in, at wanab', xb'aan naq a'an aawas. Ut matk'oxlak chirix a'in”. Chalen sa' li kutan a'an lix Tamar kikanaak sa' rochoch laj Absalón chi q'axal ra sa' xch'ool.

2 Samuel 13:22

Laj Absalón maajun aatin kixye re laj Amnón, ab'anan xik' naril xb'aan naq kixsach xtuq'ixqilal lix Tamar li ranab'.

Génesis 35:22

Ut naq laj Israel wank sa' li na'ajej a'an, koho laj Rubén chi wark rik'in lix Bilhá, li rixaqil jun chik li xyuwa', ut laj Israel kixnaw a'an.