2 Samuel 13:12 - Q'eqchi Bible

¹² “Ink'a', at was -chan li ixqa'al-, maamin wu, xb'aan naq ink'a' na'uxk chi jo'kan sa' qayanq laa'o aj Israel. Maab'aanu li maa'usilal a'in.

Li Santil hu

¹² Lix Tamar quixye re: —At cuas, incꞌaꞌ. Mina̱puersi chixba̱nunquil li incꞌaꞌ us aꞌin. La̱o aj Israel incꞌaꞌ nakaba̱nu chi joꞌcan.

2 Samuel 13:12 ပူးပေါင်းရင်းမြစ်များ

Jueces 20:6

Toja' naq xinchap li kamenaq, xinseti ut xintaqla sa' xteepal chixjunil Israel, xb'aan naq xutaanal ut yib'eetal ru li xk'ulmank Israel.

Jueces 19:23

Ab'an laj eechal ochoch kichalk wankeb' wi' ut kixye reheb': “Ink'a', ex was wiitz'in; meeb'aanu li ink'a' us. Li winq a'in wula': meeb'aanu li maa'usilal a'an.

Levítico 20:17

“Wi junaq winq tixk'am cho'q rixaqil li ranab', xrab'in li xyuwa' malaj ut xko' li xna', ut yooqeb' chi xmuxb'al rib'eb', chi xkab'ichaleb' te'kamsiiq chiruheb' li rech tenamitul, xb'aan naq li xmuxb'al li anab'ej a'an jun tz'eqb'eetal aj na'leb': ani xb'aanunk re li maa'usilal a'an, taariiqani junelik li xmaak.

Génesis 34:7

Naq eb' li ralal laj Jakob ke'rab'i li kik'ulmank, ke'sutq'iik chaq sa' xk'al ut ke'po'k li xch'ooleb'. K'ajo' naq ke'chalk xjosq'il, xb'aan naq nimla maak li kixb'aanu laj Sikem naq kiwark rik'in li xrab'in laj Jakob: a'an ink'a' naru xb'aanunkil!

Levítico 18:11

“Matwank rik'in xko' li rixaqil laayuwa'. A' laayuwa' xsiyank re ut a'an aawanab'.

Levítico 18:9

“Matwank rik'in laawanab', xrab'in laayuwa' malaj ut xko' laana', us ta a'an yo'lajenaq sa' leerochoch, us ta ink'a'. Moko naru ta tatwanq rik'in.

Proverbios 7:7

ut ke'wil jun ch'uuteb' li saaj al li maak'a'eb' xna'leb'; ut sa' xyanqeb' a'an wank jun li maak'a' xk'a'uxl.

Deuteronomio 22:29

li winq li xyoklaak rik'in li ixq tento tixk'e lajeeb' roxk'aal chi tumin plaat re li xyuwa' li saaj ixq ut tixk'am cho'q rixaqil, xb'aan naq ak xb'atz'unle chik, ut ink'a' naru tixjach rib' rik'in chiru chixjunil li xyu'am.

Génesis 34:2

Laj Sikem, ralal laj Jamor aj Jib, aj jolominel re li na'ajej a'an, kiril lix Dina, kixk'am, kiwark rik'in ut kixmux li xtuq'ixqilal.

Deuteronomio 22:21

taa'isiiq li ixq chire rochoch li xyuwa' ut taateniiq chi pek xb'aaneb' li winq wankeb' sa' li tenamit, toj reetal taakamq, xb'aan naq xutaanal li xb'aanu arin Israel: xb'aanu li maa'usilal sa' rochoch li xyuwa'. Chi jo'ka'in taawisi li ink'a' us sa' eeyanq.

Jeremías 29:23

Xb'aan naq q'axal xutaanal li ke'xb'aanu sa' xteepal Israel: ke'xmuxatq li xsumlajikeb' rik'ineb' li rixaqil eb' li ras riitz'ineb' ut b'alaq'il aatin ke'xye sa' ink'ab'a' li ink'a' inyehom reheb'. Ut a'an ch'olch'o tz'aqal chiwu», chan li Qaawa'”.