2 Samuel 11:16 - Q'eqchi Bible

¹⁶ Jo'kan naq laj Johab naq ke'xsut li tenamit, kixk'e laj Urías sa' li na'ajej b'arwi' naxnaw wankeb' li jwal kaweb' rib' chi yalok.

Li Santil hu

¹⁶ Joꞌcan nak laj Joab nak queꞌxsut rix li tenamit quixqꞌue chi ubej laj Urías bar cuanqueb cuiꞌ li soldados li cauheb rib chi pletic.

2 Samuel 11:16 ပူးပေါင်းရင်းမြစ်များ

Hechos 5:29

Kichaq'ok laj Pedro jo'wi' eb' li apóstol, ut ke'xye: —Xb'een xb'een tento xpaab'ankil li Yos, ut ink'a' eb' li winq.

Oseas 5:11

Q'axal rahob'tesinb'ileb' laj Efraín, ink'a' chik nak'eemank reheb' li k'aru xk'ulub'eb', xb'aan naq chirixeb' li jalanil yos yo chi xik li xch'ooleb'.

Proverbios 29:12

Li awab'ej li napaab'ank tik'ti', naxpo' xna'leb' chixjunileb' laj k'anjel chiru.

2 Reyes 10:6

Laj Jehú kixtaqla xkab' xhu re xyeeb'al reheb': “Wi laa'ex nekex'okenk chiwix ut teeraj xpaab'ankil li waatin, wulaj, sa' li honal a'in, teek'am chaq we li xjolomeb' li ralal xk'ajoleb' li awab'ej, arin Jisrehel, ut too'aatinaq”. Li lajeeb' xkaak'aal chi ralal li awab'ej wankeb' rochb'eeneb' li xninqaleb' ru sa' li tenamit, a'eb' li ke'k'iiresink reheb'.

1 Reyes 2:5

“Ch'olch'o chawu k'aru kixb'aanu we laj Johab, ralal laj Sarbia, naq kixkamsiheb' wiib' xjolomileb' laj puub' re Israel, a' laj Abner, ralal laj Ner, ut laj Amasá, ralal laj Jéter: sa' xq'ehil li wank sa' tuqtuukilal kireeqaju li kamsink kiwank sa' li nimla yalok, ut sa' inb'een kixteneb' li maak a'an.

2 Samuel 11:21

Ani kikamsink re laj Abimélek, ralal laj Yerubahal? Ma ink'a' jultik eere naq jun li ixq li wank sa' xb'een li suttz'ak kixkut jun li ke'leb' pek sa' xb'een laj Abimélek ut kixkamsi aran Tebés? K'a' naq xexjilok chi xk'atq li suttz'ak?», cha'aq laj David. Ut laa'at taaye re: «Xkamk ajwi' laj Urías aj Hit, aj k'anjel chawu», cha'qat re”.

2 Samuel 3:27

Naq laj Abner kisutq'iik chaq Hebrón, laj Johab kixk'am xjunes chire li rokeb'aal li tenamit chanchan wi' ok re chi xyeeb'al junaq aatin sa' hasb', ut aran ajwi' kixtiq' rub'el xsa' ut kixkamsi re xtojb'al rix xkamik laj Asahel li riitz'in.

2 Samuel 11:15

A'an a'in li tz'iib'anb'il sa' li hu a'an: “K'ehomaq laj Urías chi uub'ej b'arwi' kaw li yalok, ut chirix chik a'an teekanab' xjunes re naq taatiq'e'q ut taakamq”.

2 Samuel 11:17

Naq eb' li wankeb' sa' li tenamit ke'elk chi yalok rik'in laj Johab, wankeb' ke'kamk sa' xyanqeb' li xjolomileb' laj puub' re laj David, ut sa' xyanqeb' a'an kikamk ajwi' laj Urías laj Hit.