2 Samuel 11:15 - Q'eqchi Bible

¹⁵ A'an a'in li tz'iib'anb'il sa' li hu a'an: “K'ehomaq laj Urías chi uub'ej b'arwi' kaw li yalok, ut chirix chik a'an teekanab' xjunes re naq taatiq'e'q ut taakamq”.

Li Santil hu

¹⁵ Saꞌ li hu quixye re laj Joab: —Ta̱qꞌue laj Urías chi ubej nak yo̱k chi cau li pletic ut ta̱canab xjunes re nak ta̱camsi̱k saꞌ li ple̱t, chan.

2 Samuel 11:15 ပူးပေါင်းရင်းမြစ်များ

2 Samuel 12:9

Ab'anan k'a' naq xatz'eqtaana li waatin ut xab'aanu li ink'a' nawulak chiwu? Xakamsi chi ch'iich' laj Urías laj Hit, xataqla chi kamsiik xb'aaneb' laj Amón ut xak'am li rixaqil.

1 Samuel 18:17

Sa' jun kutan kixye laj Saúl re laj David: “Tink'e lix Merab, li xb'een inrab'in, cho'q aawixaqil. Ka'ajwi' nintz'aama chawu naq kawaq aach'ool chi yalok sa' xk'ab'a' li Qaawa'”, chan. Xb'aan naq laj Saúl naxye sa' xch'ool: “Moko laa'in ta tinkamsinq re laj David, a'eb' b'an laj Filistea”.

Jeremías 20:13

B'ichahomaq ut loq'onihomaq ru li Qaawa', xb'aan naq A'an xkolok reheb' li wankeb' sa' rahilal sa' ruq'eb' li ink'a' useb' xna'leb'.

Salmos 51:14

Chak'e wi' chik naq chiweek'a li sahilal li nachalk rik'in laakolom; chak'e xkawub' linch'ool rik'in laachaab'il musiq',

Salmos 51:4

chawisi chi junwaakaj li ink'a' us xinb'aanu ut chinaach'ajob'resi chiru linmaa'usilal.

2 Samuel 11:17

Naq eb' li wankeb' sa' li tenamit ke'elk chi yalok rik'in laj Johab, wankeb' ke'kamk sa' xyanqeb' li xjolomileb' laj puub' re laj David, ut sa' xyanqeb' a'an kikamk ajwi' laj Urías laj Hit.

1 Samuel 18:25

Ut laj Saúl kixye reheb': “Yehomaq re laj David chi jo'kan: «Moko tumin ta traj li awab'ej, ka'ajwi' o'k'aal xtz'uumaleb' xtz'ejwaleb' laj Filistea, re taa'eeqajunq sa' xb'eeneb' li xik' neke'ilok re», cha'qex”. Ab'an li rajom laj Saúl: naq laj David taat'ane'q sa' ruq'eb' laj Filistea.

1 Samuel 18:21

xb'aan naq kixye sa' xch'ool: “Tinq'axtesi linrab'in re, ab'an yal re xb'alaq'inkil, re naq taat'ane'q sa' ruq'eb' laj Filistea”. Toja' naq laj Saúl kixye wi' chik re laj David: “Anaqwan laa'ataq inhi'”, chan.

2 Samuel 11:16

Jo'kan naq laj Johab naq ke'xsut li tenamit, kixk'e laj Urías sa' li na'ajej b'arwi' naxnaw wankeb' li jwal kaweb' rib' chi yalok.

1 Reyes 15:5

Kixb'aanu chi jo'kan, xb'aan naq laj David kiwank sa' tiikilal chiru li Qaawa' ut ink'a' kixq'et junaq xchaq'rab' li Qaawa' chiru chixjunil li xyu'am. Ka'ajwi' kimaakob'k chiru laj Urías laj Hit.

Eclesiastés 8:11

Naq ink'a' naraqmank aatin sa' junpaat sa' xb'een li yib'ru xna'leb', eb' li tenamit neke'xik wi' chik xch'ooleb' chi xb'aanunkil li maa'usilal.

Jeremías 17:9

“Q'axal aj b'alaq' li xch'ool li poyanam, k'ajo' xyib'al ru chiru chixjunil li k'a'aq re ru. Maajun natawok ru li naxk'oxla.