2 Samuel 11:1 - Q'eqchi Bible

¹ Sa' li chihab' jun chik, sa' li saq'ehil naq eb' li awab'ej neke'xik chi yalok, laj David kixtaqla laj Johab rochb'eeneb' li xjolomileb' laj puub' ut chixjunileb' laj Israel chi yalok. Ut ke'xq'ax ruheb' laj Amón, ke'xsut Rabá li xtenamiteb'; ab'an laj David kikanaak Jerusalén.

Li Santil hu

¹ Saꞌ li chihab jun chic saꞌ li sakꞌehil nak eb li rey nequeꞌxic chi pletic, laj David quixtaklaheb chi pletic laj Joab rochbeneb li nequeꞌtaklan saꞌ xbe̱neb li soldados joꞌqueb ajcuiꞌ chixjunileb li soldados aj Israel. Queꞌxsach ruheb li ralal xcꞌajol laj Amón. Ut queꞌxsut rix li tenamit Rabá. Abanan laj David quicana aran Jerusalén.

2 Samuel 11:1 ပူးပေါင်းရင်းမြစ်များ

1 Crónicas 20:1

Sa' li chihab' jun chik, naq eb' li awab'ej neke'xik chi yalok, laj Johab kixk'ameb' laj puub' chirix ut kixsach ru li xna'ajeb' laj Amón. Chirix chik a'an koxsut li tenamit Rabá, kixq'ax ru ut kixsach chi junajwa. Ab'an laj David kikanaak Jerusalén.

1 Reyes 20:26

Jun chihab' chik chirix a'an, laj Ben-Adad kirajlaheb' laj puub' aj Aram ut kitaqe'k sa' li na'ajej Afek, re yalok rik'ineb' laj Israel.

1 Reyes 20:22

Toja' naq li propeet koho rik'in li awab'ej re Israel ut kixye re: “Ayu, kawub'resiheb' xch'ooleb' laj puub' ut k'oxla chi us k'aru taab'aanu, xb'aan naq sa' jun chihab' chik li awab'ej re Aram taachalq wi' chik chi yalok aawik'in”.

Eclesiastés 3:8

Wank xq'ehil li rahok, ut wank xq'ehil li tz'eqtaanank. Wank xq'ehil li ok chi yalok, ut wank xq'ehil li tuqtuukilal.

2 Crónicas 36:10

Sa' li saq'ehil re li chihab' a'an, laj Nabukodonosor kixtaqla chaq xchapb'al laj Johakín re xk'amb'al Babilonia, rochb'een li k'a'aq re ru q'axal loq' re li rochoch li Qaawa', ut kixxaqab' laj Sedesías, rech'alal laj Johakín, cho'q awab'ej re Judá ut Jerusalén.

Deuteronomio 3:11

(Laj Og, awab'ej re Basán, a'an chaq rosob'leb' li ke'kanaak chi yo'yo sa' xyanqeb' laj Refait. Aran Rabá, tenamit re Amón, natawmank li xch'aat ch'iich', wan rox moqoj li roq ut numenaq jun moqoj li ru, jo' li xb'isleb' a'an.)

Ezequiel 21:20

Tento taatz'iib'a reetalil b'ar taanume'q li awab'ej rik'in li xch'iich'. A'aneb' a'in li tenamit: Rabá, sa' xteepal Amón, ut Jerusalén, li kawub'resinb'il tenamit sa' xteepal Judá.

Zacarías 14:3

Toja' naq li Qaawa' taa'elq chaq chi junpaat chi yalok rik'ineb' li poyanam a'an, jo' naxb'aanu chaq sa' xq'ehil li yalok.

1 Samuel 18:30

Rajlal naq eb' li xjolomileb' laj Filistea neke'xik chi yalok, laj David, a'an li q'axal us na'elk chiru chixjunileb' laj k'anjel chiru laj Saúl. Jo'kan naq k'ajo' chik kinawmank ru laj David.

2 Samuel 10:14

Naq eb' laj Amón ke'ril eb' laj Aram chi elelik, ke'elelik ajwi' eb' a'an chiru laj Abisay ut ke'ok sa' li xtenamiteb'. Toja' naq laj Johab kixkanab' yalok rik'ineb' laj Amón ut kisutq'iik wi' chik Jerusalén.

Jeremías 49:2

“Jo'kan naq chalk re xkutankil naq aran Rabá, sa' xteepal Amón, taa'ab'imanq li xyaab' kuxej re yalok ut po'lem taakanaaq wi' li tenamit a'an; te'k'atmanq eb' li poyanam ut eb' laj Israel te'reechani wi' chik li na'ajej kimaq'e'k chiruheb' -chan li Qaawa'-.

Jeremías 49:3

“Yaab'anqex, ex aj Jesbón, xb'aan naq xsache'k li tenamit Ar. Japomaq eere chi yaab'ak, ex aj Rabá, k'ehomaq li q'es ruhil t'ikr cherix, tz'uyinqex ut ayuqex yalaq b'ar sa' xyanqeb' li tz'ak, xb'aan naq li yos Milkón taak'ame'q chi preexil rochb'eeneb' laj tij jo'wi' eb' li xninqal ru winq.

Amós 1:14

Jo'kan naq tink'e xxamlel li xsuttz'akil li tenamit Rabá ut te'k'ate'q eb' li xchaq'alil ru ochoch. Tinb'aanu chi jo'kan sa' xkutankil li yalok, sa' li nimla mululij ib', jo' xyaab' li kawil kaqsut-iq'.

Salmos 60:9

We laa'in li xsutam Galahad ut Manasés; Efraín a'an xkoleb' linjolom ut Judá a'an linloq'laj b'aar.