2 Samuel 10:6 - Q'eqchi Bible

⁶ Naq eb' laj Amón ke'xk'e reetal naq xik' chik te'ile'q xb'aan laj David, ke'xtoj junmay mil (20,000) aj puub' aj Aram re Bet-Rejob ut re Sobá; jo'wi' lajeek'aal rox o'q'ob' (1,000) aj puub' re li awab'ej re Mahaká ut kab'laju mil (12,000) re li awab'ej re Tob.

Li Santil hu

⁶ Eb li ralal xcꞌajol laj Amón queꞌxqꞌue retal nak xicꞌ chic teꞌilekꞌ xban laj David. Joꞌcan nak queꞌxtoj junmay mil chi soldados re Siria li queꞌcuan saꞌ li cuib chi tenamit Bet-rehob ut Soba. Queꞌxtoj ajcuiꞌ lix reyeb laj Maaca rochben jun mil chi soldados. Joꞌcan ajcuiꞌ cablaju mil chi soldados re Is-tob.

2 Samuel 10:6 ပူးပေါင်းရင်းမြစ်များ

2 Samuel 8:5

Eb' laj Aram aj Damaask ke'chalk chi xtenq'ankil laj Hadadéser, awab'ej re Sobá, ab'an laj David kixsacheb' ut kixkamsi wiib' xka'k'aal mil (22,000) reheb' laj Aram.

2 Samuel 8:3

Laj David kixq'ax ajwi' ru laj Hadadéser, ralal laj Rejob, awab'ej re Sobá, naq a'in ok raj re chi xxaqab'ankil xwankil sa' xb'een li na'ajej wank junqre li nima' Éwfrates.

Génesis 34:30

Toja' naq laj Jakob kixye reheb' laj Simehón ut laj Leví: “Laa'ex xineek'e sa' jun nimla rahilal ut xik' ilb'ilaqin xb'aaneb' li poyanam a'in, xb'aaneb' laj Kanahán ut eb' laj Perés. Ink'a' k'iheb' li neke'ochb'eenink we, ut wi eb' a'an te'xch'utub' rib' re yalok wik'in, tinsache'q laa'in jo'wi' chixjunil linjunkab'al”.

1 Samuel 27:12

K'ojk'o xch'ool laj Akis rik'in laj David; naxk'oxla: “Ch'olch'o naq laj David xik' chik na'ile'k xb'aaneb' laj Israel li rech tenamitul, ut a'anaq aj k'anjel chiwu chi junelik”, chan sa' xch'ool.

Jueces 18:28

Maajun kichalk chi xtenq'ankileb', xb'aan naq najt wankeb' rik'in Sidón ut ink'a' neke'raatina rib' rik'ineb' laj Aram. Lahis wank sa' li taq'a sa' xjayal Bet-Rejob. Chirix chik a'an eb' laj Dan ke'xwaklesi wi' chik li tenamit ut ke'kanaak chi wank aran.

Jueces 11:5

Ut naq yookeb' chi yalok, eb' li xcheekelaleb' Galahad koxe'xsik' laj Jefté sa' li na'ajej Tob

Jueces 11:3

Jo'kan naq laj Jefté koho chi najt ut koxkanaaq sa' li na'ajej Tob. Aran ke'xch'utub' rib' rik'in laj Jefté jun ch'uut chi winq maak'a' xk'anjeleb', li neke'xik yalaq b'ar chi elq'ak rochb'een a'an.

Proverbios 25:8

matxik sa' aanil chi jitok sa' raqleb'aal aatin, xb'aan naq mare jalan chik toxch'olob'anq li yaal ut laa'at ink'a' chik taanaw k'aru taab'aanu.

2 Samuel 8:12

rik'ineb' laj Aram, eb' laj Mohab, eb' laj Amón, rik'ineb' laj Filistea, eb' laj Amalek jo'wi' rik'in laj Hadadéser, ralal laj Rejob, awab'ej re Sobá.

1 Samuel 13:4

Laj Saúl kixkamsi jun ch'uuteb' aj Filistea, ut eb' laj Israel xik' te'ile'q xb'aaneb' laj Filistea”, chan. Jo'kan naq eb' laj puub' ke'xch'utub' rib'eb' rik'in laj Saúl aran Kilkal;

Deuteronomio 3:14

Laj Yaír, ralal laj Manasés, a'an li kikanaak wi' chixjunil li na'ajej re Argob, toj sa' xnub'ajleb' laj Jesur ut eb' laj Mahaká; a'an li kik'ehok re Basán li k'ab'a'ej li nayeemank toj sa' li kutan a'in: Xk'aleb'aaleb' laj Yaír.)

Éxodo 5:21

ut ke'xye reheb': “Li Qaawa' taxaq chik'ehoq reetal li k'aru xeb'aanu ut chiraqoq aatin sa' eeb'een. Eemaak laa'ex naq laj Parahón ut eb' laj k'anjel chiru yookeb' xjosq'il sa' qab'een. Tz'aqal laa'ex xexk'ehok jun ch'iich' sa' ruq'eb' re naq toohe'xkamsi”.

2 Samuel 10:5

Naq laj David kixnaw a'in, kixtaqlaheb' poyanam chi xk'ulb'aleb' xb'aan naq k'ajo' xxutaaneb'. Kixtaqla ajwi' xyeeb'al reheb' naq te'kanaaq Jerikó toj taachamo'q wi' chik li xmacheb'; toj aran te'sutq'iiq chaq.

2 Samuel 10:7

Ab'an laj David kirab'i resil a'in ut kixtaqla laj Johab rochb'eeneb' chixjunileb' laj puub' li yo'ooneb' chi yalok.

2 Samuel 23:34

laj Elifélet, ralal laj Ajasbay, Bet-Mahaká li xtenamit; laj Elián, ralal laj Ajitófel, Kiló li xtenamit;

2 Reyes 7:6

A'in kik'ulmank xb'aan naq li Qaawa' kixk'e chi ab'iik, sa' li xmuheb'aaleb' laj Aram, xyaab'eb' li k'iila b'eleb'aal ch'iich' ut li k'iila kawaay, ut xyaab' xkuxeb' li k'iila aj puub'. Jo'kan naq ke'xye chirib'ileb' rib': “Li awab'ej re Israel xtojeb' li x'awab'ejeb' laj Hit ut li x'awab'ejeb' laj Ejiipt re chalk chi yalok qik'in”.

Salmos 48:4

Li Yos nak'aak'alenk sa'eb' li rochoch ut xk'utb'esi rib' tz'aqal cho'q saqoonak.

Jeremías 40:8

jo'kan naq koheb' toj Mispá chi rilb'al laj Kedalías. A'aneb' a'in li xk'ab'a'eb': laj Ismael, ralal laj Natanías; laj Jwan ut laj Jonatán, ralaleb' laj Kareha; laj Seraías, ralal laj Tanjumet; eb' li ralal laj Efay, Netofá xtenamit; ut laj Jasanías, ralal jun li winq aj Mahaká, ut chixjunileb' li wankeb' rochb'een.

Jeremías 46:21

Jo'kaneb' ajwi' laj puub' tojb'ileb' xb'aan, chanchaneb' li ch'oolaninb'il wakax; eb' a'an ajwi' te'eleliq sa' aanil ut ink'a' te'xkuy sumenk chi yalok, xb'aan naq xwulak xkutankil li tojb'amaak, xtaw xq'ehil li xnimal rahilal.

2 Samuel 16:21

Ut laj Ajitófel kixsume: “Ayu chi wank rik'ineb' li ixq li xe'wank rik'in laayuwa', a'eb' li xe'kanab'aak chi ilok kab'l. Chi jo'kan chixjunileb' laj Israel te'xnaw naq laa'at xik' chik nakat-ile'k xb'aan laayuwa', ut te'kawuuq xch'ooleb' chixjunileb' li neke'okenk chawix”.

1 Reyes 11:24

moqon chik kixch'utub' jun ch'uuteb' li winq ink'a' useb' xna'leb', ut anaqwan naxjolomiheb'. Naq laj David kixkamsiheb' laj Sobá, ki'elelik laj Resón toj Damaask, koxna'ajunq aran ut kiwank cho'q awab'ej re Damaask.