2 Samuel 1:20 - Q'eqchi Bible

²⁰ Meeye resil aran Gat, meepuktesi resil sa'atqeb' li b'e aran Askalón. Misaho'k sa' xch'ooleb' li xrab'ineb' laj Filistea, me'ok chi ninq'ehik eb' li ixq a'an maak'a'eb' xpaab'aal!

Li Santil hu

²⁰ Me̱ye resil aran Gat, chi moco te̱ye resil saꞌ eb li be aran Ascalón, re nak incꞌaꞌ teꞌsahokꞌ saꞌ xchꞌo̱leb lix rabineb laj filisteo. Me̱ye resil re nak incꞌaꞌ teꞌpiscꞌok xban xsahileb xchꞌo̱l li ixk li incꞌaꞌ nequeꞌxpa̱b li Dios.

2 Samuel 1:20 ပူးပေါင်းရင်းမြစ်များ

Miqueas 1:10

Meeseeraq'i a'in reheb' li wankeb' Gat, ut mex'ok chi yaab'ak. Tolk'osiiq eerib' sa' pojtz' xb'aan xrahil leech'ool aran Bet-Lehafrá.

1 Samuel 18:6

Naq eb' laj puub' ke'sutq'iik chaq, chirix naq laj David ak xkamsi laj Filistea, eb' li ixq ke'elk chaq sa' chixjunileb' li tenamit sa' xteepal Israel ut ke'xk'ul laj Saúl li awab'ej chi saheb' sa' xch'ool, yookeb' chi b'ichank ut xajok rik'ineb' li tzojtzoj ut xwajb'eb'.

Jueces 11:34

Naq laj Jefté kisutq'iik wi' chik Mispá sa' li rochoch, ki'elk chaq li xrab'in chi xk'ulb'al, yo chaq chi xajok ut chi xch'e'b'al li tzojtzoj ch'iich'. Jun ajwi' li xrab'in laj Jefté; chirix a'an maak'a' chik xkok'al.

Ezequiel 16:57

ut toj maji' nak'utunk laamaa'usilal? Ab'an anaqwan se'leb'aalat chik laa'at xb'aaneb' laj Edom ut eb' laj Filistea; nakate'xhob' chixjunileb' li tenamit wankeb' chasutam.

Ezequiel 16:27

«Toja' naq kintaqsi li wuq' sa' aab'een charahob'tesinkil. Kinjeb' laatzekemq ut katinq'axtesi sa' ruq'eb' laj Filistea, li q'axal xik' nakate'ril ut neke'xutaanak xb'aan laatz'i'b'eetalil yu'am.

1 Samuel 31:4

Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil ut chinkamsinkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

1 Samuel 17:36

Laamoos ak xkamsihom li kaqkoj ut li tz'uqtz'un. Ut li winq a'an aj Filistea li maak'a' xpaab'aal, jo'kan ajwi' tixk'ul, xb'aan naq xhob'eb' laj puub' re li yo'yookil Yos.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Jueces 14:19

Tikto ki'eechaniik xb'aan xMusiq' li Qaawa', koho Askalón ut aran kixkamsi lajeeb' xka'k'aal chi winq: kirisi li raq'eb' ut kixq'axtesiheb' reheb' li ke'q'ehink. Chirix a'an koho wi' chik sa' rochoch li xyuwa' chi k'ajo' xjosq'il,

1 Samuel 14:6

Kixye laj Jonatán re laj tenq' re: “Kim, q'axonqo junpak'al, b'arwi' wankeb' laj puub' li ink'a' neke'xpaab' li Yos. Mare chan naq li Qaawa' tooxtenq'a, xb'aan naq moko ch'a'aj ta chiru li Qaawa' qak'eeb'al chi q'axok u, us ta ink'a' naab'alo”.

1 Samuel 6:17

A'aneb' a'in li oob' chi saqijoj yiib'anb'ileb' rik'in oor li ke'yeechi'iik chiru li Qaawa' xb'aaneb' laj Filistea re xtojb'al rix li xmaakeb': jun sa' xk'ab'a'eb' laj Asdod, jun sa' xk'ab'a'eb' laj Gasa, jun sa' xk'ab'a'eb' laj Askalón, jun sa' xk'ab'a'eb' laj Gat ut li jun chik sa' xk'ab'a'eb' laj Ekrón.