2 Reyes 7:7 - Q'eqchi Bible

⁷ Ut naq ki'ok li q'oqyink, ke'elelik, ke'xkanab' li xmuheb'aaleb', li xkawaayeb' ut li xb'uureb', jo' ajwi' chixjunil li na'ajej chi maak'a' ke'xpoqle re, ut koheb' sa' aanil re xkolb'al rib'eb'.

Li Santil hu

⁷ Joꞌcan nak eb laj Siria queꞌe̱lelic saꞌ li ecuu aꞌan. Queꞌxcanab lix muheba̱leb, lix cacua̱yeb ut eb lix bu̱reb. Queꞌcana lix muheba̱leb joꞌ nak cuan ut queꞌe̱lelic re nak teꞌxcol rix lix yuꞌameb.

2 Reyes 7:7 ပူးပေါင်းရင်းမြစ်များ

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Hebreos 6:18

re naq, sa' xk'ab'a' li raatin jo'wi' li xjurament li ink'a' naru xjalb'al ru chi moko naru natik'ti'ik wi' li Yos, chiwanq xnimal xkawub' qach'ool chi reechaninkil li qamaatan naqoyb'eni laa'o, a'an li qayo'oon rik'in li Yos.

Isaías 2:20

Sa' li kutan a'an te'xrumi eb' li jalanil yos chiruheb' li ch'o ut chiruheb' laj tz'uum xik', a'eb' li yos xe'xyiib' rik'in oor ut plaat re xloq'oninkileb' ru.

Proverbios 21:1

Li xk'a'uxl li awab'ej chanchan jun nima', li nak'ame'k xb'aan li Yos b'arwi' naraj A'an.

Proverbios 6:5

Kol aawib' jo' naxb'aanu li yuk chiru li ch'imb', kama' naxb'aanu li xik'anel xul chiru li ra'al.

Salmos 68:12

Li Qaawa' xyehom li raatin; ut naab'aleb' li ixq xe'yehok resil:

Salmos 33:17

Maak'a' na'ok wi' li kawaay re li kolb'a ib'; us ta q'axal nim li xkawilal, ink'a' truuq taakoloq.

Li xHu LAJ JOB 18:11

Yalaq b'ar nareek'a naq sutsu xb'aan li k'iila rahilal li yookeb' chi xtaaqenkil sa' junjunq li xyokb'.

Jueces 7:21

Ut ke'kanaak chi kulku sa' li xna'ajeb', chi xsutameb' laj Madián. Toja' naq chixjunileb' laj puub' re Madián ke'ajk ruheb' ut neke'ayaynakje'k naq ke'ok chi elelik.

1 Reyes 10:29

Jun b'eleb'aal ch'iich' loq'b'il chaq Ejiipt a'an lajeek'aal xkab' o'q'ob' (600) chi tumin plaat, ut jun kawaay a'an lajeeb' xwaqxaqk'aal (150) xtz'aq. Neke'k'ayimank ajwi' reheb' li x'awab'ejeb' laj Hit ut li x'awab'ejeb' laj Aram sa' xk'ab'a'eb' laj k'anjel chiru laj Salomón.

1 Samuel 14:15

Ke'ok xxiw jo'k'ihaleb' li wankeb' sa' xmuheb'aaleb' ut sa' k'aleb'aal, jo'wi' chixjunileb' li poyanam. Ke'xiwak ajwi' eb' laj puub' li yookeb' chi k'aak'alenk ut eb' laj k'ehol eetal. Kixhich'le rib' li ruuchich'och' ut k'ajo' naq ke'xiwak chixjunileb'!

1 Reyes 20:20

Junjunqeb' chi aj puub' aj Israel kixkamsiheb' li ke'xtaweb' sa' xb'eheb'. Eb' laj Aram ke'elelik ut yo raanilasinkileb' xb'aaneb' laj Israel. Ab'an laj Ben-Adad, awab'ej re Aram, ki'elelik chirix kawaay rochb'een wiib' oxib'eb' chik.