2 Reyes 4:2 - Q'eqchi Bible

² Kichaq'ok laj Eliseo ut kixye re: “K'aru tatintenq'a wi'? Ye we k'aru wank aawe sa' laawochoch”. Kisumeek: “Maak'a' wank we sa' li wochoch; ka'ajwi' jun ch'ina kuk chi aseeyt”.

Li Santil hu

² Quichakꞌoc laj Eliseo ut quixye re: —¿Cꞌaꞌru ta̱ru̱k tinba̱nu re nak tatintenkꞌa? ¿Cꞌaꞌru cuan a̱cue saꞌ la̱ cuochoch? chan. Ut li ixk quixye: —Ma̱cꞌaꞌ cuan cue. Jun chꞌina cuc ajcuiꞌ chi aceite cuan cuiqꞌuin, chan.

2 Reyes 4:2 ပူးပေါင်းရင်းမြစ်များ

1 Reyes 17:12

Kisumeek: “Sa' xk'ab'a' li Qaawa' laaYos, ninye aawe naq maak'a' inwa ak yiib'anb'il; yal jun mooch' aj chik ink'aj wank sa' jun uk'al ut b'a'b'ay aj chik in'aseeyt wank sa' linch'ina meet. Yookin chi xxokb'al kach'inaq insi' re xyiib'ankil li wa cho'q re linyum ut cho'q we laa'in. Tqawa' a'an, toja' naq tookamq”, chan li xmalka'an.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

2 Reyes 2:9

Naq yookeb' chi nume'k junpak'al, laj Elías kixye re laj Eliseo: “Patz' we li k'aru taawaj tink'e aawe naq toj maji' ninmaq'e'k chawu”. Kichaq'ok laj Eliseo: “Nawaj naq taak'e we wiib'aq re li rox raqalil laawankilal”, chan re.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

Hechos 3:6

Ut laj Pedro kixye re: —Maak'a' in'oor, maak'a' inplaat; ab'an li k'aru wank we tink'e aawe: sa' xk'ab'a' li Jesukriist, laj Nazaret, waklin ut b'een.

San Mateo 15:34

Kixye li Jesus reheb': —Jarub' chi wa wank eerik'in? —Wuqub', ut wiib' oxib' li kok' kar, chankeb'.

2 Reyes 4:3

Kixye laj Eliseo re: “Ayu ut to'oniheb' aakok' kuk rik'in chixjunileb' laawechkab'al, chi yamyooqeb' xsa', a' yaal jo'k'ihaleb' taataw.

Éxodo 4:2

Toja' naq li Qaawa' kixpatz' re: “K'aru wank sa' laawuq'?”. “Jun xuq'”, chan laj Moisés.