2 Pedro 3:3 - Q'eqchi Bible

³ Chenawaq xyaalal a'in xb'enwa: naq sa' roso'jikeb' li kutan te'chalje'q winq tz'aqal aj eetz'uneleb', li te'xb'aanu li naxrahi li tz'ejwalej:

Li Santil hu

³ Xbe̱n cua chetauhak xya̱lal aꞌin: Nak ta̱nachꞌok chak rosoꞌjiqueb li cutan, cuan li teꞌcha̱lk chi hoboc riqꞌuin yibru a̱tin. Teꞌxhob xcuanquil li Dios ut teꞌxba̱nu li yibru naꞌleb li nequeꞌxcꞌoxla.

2 Pedro 3:3 ပူးပေါင်းရင်းမြစ်များ

San Judas 1:18

“Sa' roso'jikeb' li kutan -chankeb' chaq eere- te'waklije'q chaq li winq li te'xse'e xaq chixjunil ut te'wanq jo' taqlanb'ileb' xb'aan li xyib' aj na'leb'”.

2 Pedro 2:10

ut xb'een xb'een tixk'eheb' sa' tojb'amaak li neke'xik xch'ool chirix li tz'ejwalej, a'aneb' li neke'xrahi li tz'ajb'eetalil na'leb' ut neke'xtz'eqtaana li xwankil li Qaawa'. Eb' a'in eet xch'ooleb', q'etq'eteb', ink'a' neke'xiwak xmajewankil li wankeb' sa' xnimajwal loq'al;

San Judas 1:16

Eb' a'in aj wech'oneleb', maak'a' nawulak chiruheb'; wankeb' jo' naraj li tz'ejwalej. Neke'aatinak re xnimob'resinkil rib'eb' ut neke'q'unb'esink yal re xk'ulb'al li k'aru neke'raj.

2 Corintios 4:2

Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

2 Pedro 1:20

Ab'anan chetawaq xyaalal a'in xb'enwa: naq chixjunil li raatin propeet li wank sa' li Santil Hu maa'ani taaruhanq chi xch'olob'ankil xyaalal yal xjunes rib',

2 Timoteo 3:1

Chanawaq naq sa' roso'jikeb' li kutan wank honal q'axal ch'a'ajkaq xnumsinkil.

Proverbios 3:34

Li Qaawa' naxse'eb' li neke'xnimob'resi rib', ab'an narusilaheb' li kub'enaqeb' xwankil.

Proverbios 1:22

“Laa'ex li maak'a' eena'leb', jo' najtil chik teeraj wank sa' xmajelal leena'leb'? Ut laa'ex li nekeq'etq'eti eerib', jo' najtil chik texwanq sa' leeq'etq'etil? Ex jip, toj jo'q'e teekanab' xtz'eqtaanankil li chaab'il k'a'uxl?

Proverbios 14:6

Li q'etq'et naxsik' li chaab'il na'leb', ut ink'a' naxtaw; ab'an cho'q re li seeb' xk'a'uxl, moko ch'a'aj ta xtawb'al.

1 Juan 2:18

Ex inkok'al, ak xtaw xhonal li roso'jikeb' li kutan. Eerab'ihom resil naq chalk re laj Tz'eqtaanahom re li Kriist. Relik chi yaal naq naab'aleb' laj tz'eqtaanahom re li Kriist xe'waklije'k chaq; jo'kan naq naqataw ru naq anaqwan li roso'jikeb' li kutan.

Oseas 7:5

Sa' xninq'e li awab'ej, neke'yajerk li xninqaleb' ru winq xb'aan li num uk'ak; neke'reetz'u eb' li poyanam, ut li awab'ej naxb'aanu jo' neke'xb'aanu eb' a'an.

Isaías 29:20

Xb'aan naq maak'a'aq chik li kawil taqlank, ak sachb'ilaqeb' chik eb' laj eetz'unel, ut talaje'oso'q chixjunileb' li neke'raj b'aanunk maa'usilal,

Isaías 28:14

Ab'ihomaq li raatin li Qaawa', laa'ex li jwal sa nekexse'ek anaqwan ut li nekexjolomink re li tenamit Jerusalén.

Isaías 5:19

Laa'ex li nekeye: “Xseeb'aaq rib' li Qaawa' chi xb'aanunkil li naraj, re naq taaqil. Chitz'aqloq ru chi junpaat li xk'a'uxl li xSant laj Israel, re naq tqanaw”.

San Juan 12:48

Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.