2 Pedro 2:9 - Q'eqchi Bible

⁹ Jo'kan utan, chixjunil a'in a'an reetalil naq li Yos naxnaw xkolb'aleb' laj paab'anel chiru li aaleek; a'ut eb' li ink'a' neke'paab'ank, naxk'uulaheb' cho'q re xkutankil li raqb'a aatin naq te'rahob'tesiiq:

Li Santil hu

⁹ Joꞌcan ajcuiꞌ anakcuan. Li Dios naxtenkꞌaheb li ti̱queb xchꞌo̱l re nak incꞌaꞌ teꞌxqꞌue rib chi a̱le̱c. Ut eb li incꞌaꞌ ti̱queb xchꞌo̱l tixcanabeb chixcꞌulbal li tojba ma̱c nak tixtau xkꞌehil li rakba a̱tin.

2 Pedro 2:9 ပူးပေါင်းရင်းမြစ်များ

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

Apocalipsis 3:10

Laa'at xak'uula sa' aach'ool li waatin xinye chirix li kuyuk, jo'kan naq laa'in ajwi' tatinkol sa' xhonalil li yale'k chalk re junsut junrub'el choxa re xyalb'aleb' rix li wankeb' sa' ruuchich'och'.

2 Timoteo 3:12

Jo'kan ajwi' chixjunileb' li te'raj paab'ank chi chaab'il sa' xk'ab'a' li Kristo Jesus, te'rahob'tesiiq.

2 Pedro 3:7

A'ut li choxach'och' li wankeb' anaqwan k'uulanb'ileb' cho'q re li xam xb'aan ajwi' Raatin li Yos, ut xokxookeb' cho'q re xkutankil li raqb'a aatin naq te'sache'q li ink'a' neke'paab'ank.

Proverbios 16:4

Chixjunil li xyoob'tesihom li Qaawa', wank xyaalal. A' ajwi' li ink'a' us xna'leb' yoob'tesinb'il cho'q re li raqb'a aatin.

Li xHu LAJ JOB 5:19

Jun sut ka' sut tatxkol chiru li rahilal, ut tixram chawu chixjunil li ch'a'ajkilal.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

2 Pedro 2:4

K'ehomaq reetal. Li Yos ink'a' kixkuy xmaakeb' li ánjel ke'maakob'k, kixkuteb' b'an sa' xb'alb'a ut kixq'axtesiheb' sa' xchamal li aak'ab' re naq k'aak'alenb'ilaqeb' toj sa' xkutankil li raqb'a aatin.

Romanos 2:5

Laa'at kaw laajolom ut ink'a' nakawaj xjalb'al laak'a'uxl; jo'kan naq yookat chi xtamresinkil xjosq'il li Yos sa' aab'een cho'q re xkutankil li Josq'il naq taak'utb'esiiq li raqb'a aatin tixb'aanu li Yos sa' tiikilal.

Salmos 4:3

Ex poyanam, toj jo'q'e teekanab' xmuxb'al inloq'al, toj jo'q'e teekanab' xraab'al li maak'a' rajb'al? Ma toj teeraj xsik'b'al li tik'ti'?

Salmos 32:6

Jo'kan naq chixjunileb' laj paab'anel neke'xyaab'a laak'ab'a' sa' xhonalil li xnimal rahilal; us ta k'ajo' li b'ut' taachalq sa' xb'eeneb', ab'anan ink'a' te'tawe'q xb'aan.

Li xHu LAJ JOB 21:30

“Sa' xkutankil li raaxiik', nakole'k li ink'a' us xna'leb'; naq li Yos najosq'o'k, maak'a' naxk'ul laj maak”?

Salmos 12:1

Re li xjolomileb' laj b'ichanel. Rik'ineb' li wajb' waqxaqitq li ru. Xsaalm laj David.

Salmos 37:33

ab'an li chaab'il xyu'am ink'a' taak'ehe'q sa' ruq' laj maak xb'aan li Yos, chi moko taateneb'aaq maak sa' xb'een naq wanq li raqb'a aatin.

Proverbios 12:13

Li ink'a' us xna'leb' nat'ane'k sa' li xtik'ti', a'ut li tiik xch'ool nakole'k chiru li rahilal.

San Mateo 6:13

Ut moohaakanab' chi t'ane'k sa' li aaleek, choohaakol b'an chiru li maa'us».

San Mateo 10:15

Relik chi yaal ninye eere: sa' xkutankil li raqb'a aatin kotzkooq b'ayaq li rahilal tixk'ul Sodoom ut Gomoor chiru li tixk'ul li tenamit a'an.

San Judas 1:6

Ninjultika ajwi' cheru naq eb' li ánjel li ink'a' ke'xk'uula li loq'al k'eeb'il reheb' ut ke'xkanab' li xna'ajeb', tz'aptz'ookeb' anaqwan xb'aan li Qaawa' rub'el xwankil li aak'ab' rik'in kareen chi junelik, cho'q re li raqb'a aatin taawanq sa' li xnimal ru kutan.

1 Samuel 29:10

Jo'kan utan wulaj eq'la waklin aawochb'eeneb' laj k'anjel chiru laj Saúl li wankeb' aawik'in, ut ayuqex sa' li na'ajej ink'ehom eere. Waklinqex eq'la ut xikaqex naq taakutano'q”.