2 Pedro 2:2 - Q'eqchi Bible

² Naab'aleb' te'xk'am re rik'in li xmaa'usilaleb' ut, xmaakeb' a'an, taamajewaaq li xb'ehil li yaal.

Li Santil hu

² Nabaleb telajeꞌxic saꞌ li ma̱usilal li yo̱queb chixyebal eb aꞌan ut xma̱queb aꞌan ta̱majecua̱k li kapa̱ba̱l li tzꞌakal ya̱l.

2 Pedro 2:2 ပူးပေါင်းရင်းမြစ်များ

Romanos 2:24

Relik chi yaal, jo' naxye li Santil Hu, “eemaak laa'ex majewanb'il xk'ab'a' li Yos sa' xyanqeb' li junch'ol chik”.

San Judas 1:10

A'ut eb' a'in neke'xmajewa li k'a'aq re ru li ink'a' neke'xnaw, toj reetal neke'q'aak chisa' li k'aru nareek'a li tz'ejwalej, jo'keb' li xul maak'a'eb' xna'leb'.

Apocalipsis 13:14

ut naxb'alaq'iheb' li wankeb' sa' ruuchich'och' rik'ineb' li eetalil k'eeb'ileb' re xb'aanunkil chiru li josq' aj xul, rik'in xyeeb'al reheb' li wankeb' sa' ruuchich'och' naq te'xyiib' jun xjalam u li josq' aj xul, a' li tiq'b'il chi ch'iich' ut moko kikamk ta.

San Judas 1:15

Kol'elq chi raqok aatin sa' xb'eeneb' chixjunileb' jo' ajwi' chi xch'olob'ankil chiru chixjunileb' laj q'etol aatin eb' li xyib' aj b'aanuhomeb' ut chixjunil li xik' aj aatin xyehomeb' chirix li Qaawa' eb' laj maak a'in yib'ru xna'leb'eb'”.

2 Pedro 2:15

Naq xe'xkanab' li tiikil b'e, xe'sachk ut a' chik li xb'e laj Balaham, ralal laj Bosor, xe'ok chi xtaaqenkil: a'an kixra ru xk'ulb'al li tumin rik'in xb'aanunkil li maa'usilal,

1 Pedro 2:12

Chaab'ilaq taxaq leeyu'am sa' xyanqeb' li tenamit li ink'a' neke'paab'ank, re naq eb' li neke'q'ab'ank eere jo' aj maakex, rik'in rilb'al leechaab'il b'aanuhom te'xnima xloq'al li Yos sa' xkutankil li Ula'aniik.

Tito 2:8

chaab'ilaq laawaatin ut maak'a'aq aaq'usb'al, re naq taaxutaanaq li xik' na'ilok qe xb'aan naq maak'a' k'aru ink'a' us truuq tixye chiqix.

Hechos 24:14

Laa'in tinye xyaalal aawe: ninloq'oni ru li xYos eb' linna' linyuwa' jo' chanru yeeb'il sa' li loq'laj B'e a'in, «jachb'il paab'aal» nayeemank re xb'aaneb' laj Judiiy. Ninpaab' chixjunil li tz'iib'anb'il sa' li Chaq'rab' ut sa' xHuheb' li Propeet,

Hechos 16:17

Li ixqa'al ki'ok chi xtaaqenkil laj Pablo jo'wi' laa'o, japjo re chi xyeeb'al: —Eb' li winq a'in xmooseb' li Nimajwal Yos: neke'xk'ut cheru xb'ehil li kolb'a ib'.

San Mateo 24:24

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq xninqaleb' ru eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

Apocalipsis 12:9

Ut kikute'k chaq taq'a li nimla xul, li najter k'anti', a' li maa'us ut aj tza nayeemank re: a'an nab'alaq'ink re chixjunil li ruuchich'och'; kikute'k chaq sa' ruuchich'och' rochb'een chaq eb' li x'ánjel.

2 Pedro 2:21

Q'axal us raj cho'q reheb' naq ink'a' xe'xnaw xb'ehil li tiikilal chiru naq, ak xnawomeb' chik, chirix chik a'an xe'xkanab' xpaab'ankil li Santil Chaq'rab' q'axtesinb'il reheb'.

Tito 2:5

Yaalaq ru li raatineb', saqaq ru li xyu'ameb', che'xch'oolani xsa' li rochocheb' ut chaab'ilaqeb'; che'paab'anq chiru li xb'eelomeb' re naq li Raatin li Yos ink'a' sachb'ilaq xwankil.

1 Timoteo 5:14

Jo'kan utan nawaj naq eb' li xmalka'an toj saajeb' che'sumlaaq, che'wanq ralal xk'ajol, che'xjolomi li xjunkab'aleb' re naq maak'a' toohob'e'q wi' xb'aaneb' li xik' neke'ilok qe.

Hechos 19:9

Ab'anan wankeb' li ke'kawuuk xch'ool; ink'a' ke'raj paab'ank ut ke'ok chi xyeeb'al chiruheb' li poyanam yib' aj na'leb' chirix li xB'e li Qaawa'; jo'kan naq laj Pablo kixkanab'eb'. Kixjek'eb' laj paab'anel rik'ineb' laj ch'utleb'aal kab'l ut rajlal kutan naseeraq'ik rik'ineb' sa' li xtzoleb'aal kab'l laj Tirano.

Hechos 18:26

Kaw xch'ool laj Apolo naq ki'ok chi aatinak sa' li ch'utleb'aal kab'l. Ab'anan naq ki'ab'iik xb'aaneb' lix Priscila ut laj Akila, eb' a'in ke'risi xjunes ut q'axal chi chaab'il chik ke'xch'olob' chiru li xb'e li Yos.

Hechos 14:2

Ab'anan eb' laj Judiiy junch'ol, eb' li ink'a' ke'paab'ank, ke'xyoob' xjosq'ileb' li maawa'eb' aj Judiiy ut ke'xpo' xch'ooleb' chirixeb' laj paab'anel.

Hechos 13:10

ut kixye re: —Ralalat laj tza, nujenaqat rik'in chixjunil li b'alaq'il na'leb' ut maa'usilal, xik' nakawil chixjunil li tiikilal! Jo'q'e taakanab' xpo'b'al li xtiikil b'e li Qaawa'?

San Juan 14:6

Kixye li Jesus re: —Laa'in li b'e, li yaal ut li yu'am. Maa'ani naxik rik'in li Yuwa'b'ej, wi ink'a' ta sa' ink'ab'a'.

San Marcos 13:22

Xb'aan naq naab'aleb' aj b'alaq' te'wakliiq ut te'xye naq a'aneb' li Kriist ut a'aneb' propeet; te'xb'aanuhatq eetalil ut sachb'ach'oolej re xb'alaq'inkil li sik'b'ileb' ru, wi raj taaruuq.

San Marcos 12:14

Ke'chalk ut ke'xye re: —At Tzolonel, naqanaw naq tz'aqal yaal nakat-aatinak ut maak'a' nakawaj wi' anihaq, xb'aan naq moko sik'so ta ru li nakawaatina, nakak'ut b'an li xb'e li Yos sa' xyaalal. Ma us xk'eeb'al li toj re li awab'ej, malaj ut ink'a'? Ma tqak'e, malaj ut ink'a'?

San Mateo 22:16

Ut ke'xtaqlaheb' li xtzolom rik'in, rochb'eeneb' li neke'okenk chirix laj Herodes, chi xyeeb'al: —At Tzolonel, naqanaw naq tz'aqal yaal nakat-aatinak; nakak'ut chi yaal li xb'e li Yos ut maak'a' nakawaj wi' anihaq, xb'aan naq moko sik'so ta ru li nakawaatina.

San Mateo 7:14

Ab'an q'axal laatz' ru li okeb'aal ut kach'in ru li b'e nak'amok sa' li yu'amej, ut ink'a' k'iheb' li neke'tawok re.

Salmos 18:21

Li Qaawa' xb'aanu chi jo'kan xb'aan naq tiik linch'ool, ut xq'ajkamu chiwu naq maak'a' inmaak,

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

2 Pedro 2:12

A'ut eb' a'in chanchaneb' li xul maak'a'eb' xna'leb', li yal reheb' chape'k ut kamsiik naq xe'yo'laak chaq: neke'xmajewa li k'aru ink'a' neke'xnaw, ut te'kamq jo' nakamsiik junaq xul.

Jeremías 6:16

Jo'ka'in kixye li Qaawa': “Xaqlinqex sa'atqeb' li b'e ut ilonqex, patz'omaq chirixeb' li najter b'e b'ar wank li b'e chaab'il; a'an li b'e teek'am re naq sa chik texwanq”. A'ut eb' a'an ke'xye: “Ink'a' naqaj xik sa' li b'e a'an”, chankeb'.

Isaías 35:8

Ut taawanq jun nimb'e li tixk'ab'a'in: “Loq'laj B'e”. Ink'a' te'nume'q aran li ink'a' neke'xpaab' li Qaawa', chi moko eb' li maak'a' xna'leb' te'xb'eeni rib' chisa'.

Génesis 19:5

ut ke'xjap re chi xb'oqb'al laj Lot: “B'ar wankeb' li winq li xe'ok sa' laawochoch chiru li q'oqyink a'in? Isiheb' chaq re naq toomaakob'q rik'ineb'”, chankeb'.

Hechos 22:4

Junxil q'axal xik' kiwil li neke'taaqenk re li loq'laj B'e a'an: kinchapeb' ut kink'eheb' sa' tz'alam winq ut ixq.

2 Pedro 2:7

Ab'an kixkol laj Lot, li tiik ru xyu'am rahob'tesinb'il xch'ool xb'aan xmaa'usilaleb' laj maak,

2 Pedro 2:18

Neke'aatinak rik'in xninqal ru aatin sa' xmajelal xna'leb'eb'; ut rik'in li naxrahi li tz'ejwalej jo'wi' rik'in li wank chi jo'maajo', neke'xq'unb'esi eb' li toja' xe'elk chaq sa' xyanqeb' li wankeb' sa' li ink'a' usil na'leb'.

San Judas 1:4

Xb'aan naq wankeb' li xe'xch'ik rib' sa' eeyanq chi muqmu. Eb' a'in, chalen chaq junxil, ak xaqab'anb'il chaq li tojb'amaak sa' xb'eeneb'. Maak'a'eb' xpaab'aal; neke'xsutq'isi li rusilal li qaYos chi jo'maajo'il na'leb' ut neke'xtz'eqtaana li Jesukriist, li Qaawa' ut laj Eechal qe li jun chirib'il.

San Judas 1:7

Jo'kan ajwi' Sodoom, Gomoor ut eb' li tenamit li ke'wank chi xk'atq, ke'kanaak cho'q xnimal eetalil cho'q qe laa'o: anaqwan neke'xkuy li xtojb'al rix li xmaakeb' sa' li xam chi junelik xb'aan naq, kama'eb' li ánjel, ke'xmux rib' ut ke'xq'axtesi rib' chi xb'aanunkil li jo'maajo'il na'leb'.