2 Corintios 8:9 - Q'eqchi Bible

⁹ Laa'ex nekenaw li xchaab'ilal li rusilal li Qaawa' Jesukriist: a'an b'ihom naq kiwank chaq, ut kineb'a'o'k sa' eek'ab'a' re naq texb'ihomo'q rik'in li xneb'a'il.

Li Santil hu

⁹ La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

2 Corintios 8:9 ပူးပေါင်းရင်းမြစ်များ

Romanos 8:32

Li Yos ink'a' kiril xtoq'ob'aal ru li Ralal, kixq'axtesi b'an sa' qak'ab'a' chiqajunilo. Jo'kan wi kixk'e li Ralal, k'a' ta naq ink'a' tixsi ajwi' qe chixjunil?

San Mateo 20:28

Kama' naq li K'ajolb'ej moko xchalk ta chi k'anjelaak ru, re b'an k'anjelak ut re xk'eeb'al li xyu'am re xkolb'aleb' rix chixjunileb'.

Romanos 5:8

A'ut li Yos naxk'ut qaraab'al rik'in naq li Kriist kikamk sa' qak'ab'a' naq toj wanko chaq sa' li qamaak.

2 Corintios 6:10

ra wanko, ab'an junelik sa sa' qach'ool; wanko sa' neb'a'il, ab'an naqab'ihomob'resi naab'aleb'; chanchan wi' maak'a' wank qe, ab'anan chixjunil wank qe.

Efesios 2:7

re xk'utb'al xnimal li rusilal sa'eb' li kutan chaalel: naq numtajenaq nim li qaraab'al rik'in li Kristo Jesus!

San Juan 1:14

Ut li Aatin kitz'ejwalo'k ut kixk'ojob' li xmuheb'aal sa' qayanq, ut laa'o xqaka'ya li xloq'al k'eeb'il re xb'aan li Yuwa'b'ej jo' xloq'al li jun chi K'ajolb'ej nujenaq chi usilal ut chi yaal.

Santiago 2:5

Ex was wiitz'in raarookex inb'aan, ab'ihomaq: ma ink'a' tab'i' li Yos xsik'ok chaq ruheb' li neb'a' naq naxk'oxla li ruuchich'och' a'in, re naq b'ihomaqeb' sa' li paab'aal ut te'reechani li Nimajwal Wankilal li kixyeechi'i chaq reheb' li neke'rahok re?

Efesios 3:8

Laa'in, li q'axal kub'enaq inwankil chiruheb' chixjunil laj santil paab'anel, xinmaatani li k'anjel a'in: xpuktesinkil resil li xchamal xsasal li xb'ihomal li Kriist reheb' li maawa'eb' aj Judiiy,

1 Timoteo 6:18

Chatz'aama naq usilal che'xb'aanu, jo' ajwi' naq che'b'ihomo'q rik'in li chaab'il b'aanuhom ut che'wotzoq chi anchaleb' xch'ool.

San Lucas 16:11

Wi ut ink'a' tiik leech'ool rik'in li maa'us aj tumin, ani taaq'axtesinq eere li tz'aqal yaal?

Hebreos 1:2

Ab'an anaqwan, sa' roso'jikeb' li kutan, xooraatina sa' xk'ab'a' li Ralal, li kixxaqab' cho'q aj eechaninel re chixjunil; sa' xk'ab'a' ajwi' a'an kixb'aanu li choxach'och'.

San Lucas 9:58

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

Apocalipsis 3:18

Ninch'olob' chawu naq chaloq' aa'oor wik'in, a' li chaab'ilob'resinb'il sa' xam, re naq tatb'ihomo'q. Chaloq' aasaqi aq' re taatiqib' wi' aawib' ut ink'a' taak'ut laaxutaan naq t'ust'uukat. Chaloq' ajwi' aab'aan re naq taayul xsa' laawu ut tat-iloq chik.

Efesios 3:19

Nintz'aama chiru li Yuwa'b'ej naq teenaw li xrahom li Kriist li naxq'ax ru chixjunil li qak'a'uxl, re naq nujenaqaqex rik'in chixjunil li xchaab'ilal li Yos toj taatz'aqloq ru li Kriist eerik'in.

1 Corintios 1:4

Junelik ninyoxink chiru li Yos cherix laa'ex xb'aan li rusilal li Yos k'eeb'il eere sa' xk'ab'a' li Kristo Jesus,

San Lucas 2:7

ut kiwank li xb'een xk'uula'al, kixb'at sa' t'ikr ut kixsotob' sa' xwa'leb'aaleb' ketomq, xb'aan naq maak'a' na'ajej cho'q reheb' sa' li kab'l.

Isaías 53:2

Laj K'anjel a'an xk'iik chiru li Qaawa' jo' jun toon chi che' li xmoqk sa' li chaqich'och'. Moko ch'ina'us ta na'ilok chi moko wank xloq'al; maak'a' junaq k'a' tawi' ru tqak'e wi' xwankil.

San Juan 16:15

Chixjunil li k'aru re li Yuwa'b'ej, we ajwi' laa'in. Jo'kan naq xinye: «Tixk'ul li k'aru we ut tixk'ut cheru».

San Juan 1:17

Xb'aan naq li Chaq'rab' k'eeb'il chaq qe sa' xk'ab'a' laj Moisés, a'ut li usilal ut li yaal xk'ulunk sa' xk'ab'a' li Jesus li Kriist.

San Juan 1:10

Ak wan chaq sa' ruuchich'och', ut li ruuchich'och' ki'uxk sa' xk'ab'a', ab'an li ruuchich'och' ink'a' kixnaw ru.

San Mateo 8:20

Li Jesus kixye re: —Eb' li yak wankeb' xjob' sa' pek ut eb' li xul li neke'rupupik chiru choxa wankeb' xsuk, ab'an li K'ajolb'ej maak'a' wank re b'arwi' tixsotob' li xjolom.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

1 Corintios 15:47

Li xb'een winq ch'och' okenaq, a'an ruuchich'och'il winq; ut li xkab' toj sa' choxa chalenaq chaq.

Romanos 11:12

Ut wi li xt'anikeb' laj Judiiy kixb'ihomob'resi li ruuchich'och' ut rik'in naq ke'kub'siik xwankil ke'b'ihomo'k li maawa'eb' aj Judiiy, ma toja' ta chik naq chixjunileb' te'ok chi paab'ank?

San Juan 17:19

Ut sa' xk'ab'a'eb' a'an ninsantob'resi wib', re naq santob'resinb'ilaqeb' ajwi' a'an rik'in li yaal.

San Juan 12:30

Kichaq'ok li Jesus ut kixye: —Moko cho'q we ta naq xchalk li xyaab' kuxej a'in, cho'q eere b'an laa'ex.

San Marcos 6:3

Ma maawa' tab'i' a'in laj peech', xyum lix María? Ma maawa' tab'i' a'in riitz'in laj Santiago, laj José, laj Judas ut laj Simón? Ma ink'a' tab'i' wankeb' li ranab' arin sa' qayanq? Ut neke'luktaak xch'ool xb'aan.

San Mateo 17:27

Ab'anan, re naq ink'a' taaluktaaq xch'ooleb' qab'aan, ayu sa' palaw, kut li luchb'aq, ut li kar li taa'elq xb'enwa, chap, te li re ut aran taataw jun tumin: xok ut k'e reheb' cho'q qatoj.

Isaías 65:8

Li Qaawa' kixye chi jo'ka'in: “Naq natawmank jun chiilaq chi uub' k'ajo' xya'al, naxye li winq: «Maab'atz'unle li uub' a'in xb'aan naq a'an jun rosob'tesihom li Yos», chan. Jo'kan ajwi' tinb'aanu laa'in sa' xk'ab'a'eb' laj k'anjel chiwu: ink'a' tinsach chixjunileb' li tenamit.

Isaías 62:1

Xb'aan xraab'al Sión ink'a' tinkanab' aatinak, sa' xk'ab'a' Jerusalén ink'a' tinkanaaq chi ch'anch'o, toj reetal taakutano'q li xloq'al li tiikilal ut taalemtz'uno'q laakolb'a ib' jo' junaq saqenk.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

San Lucas 8:3

lix Jwana, rixaqil laj Kusa aj tenq' re laj Herodes, lix Susana ut naab'aleb' chik li neke'tenq'ank reheb' sa' li xjunkab'laleb'.

Romanos 15:3

Li Kriist ajwi' ink'a' kixsik' li k'aru kiwulak chiru, kixb'aanu b'an jo' tz'iib'anb'il sa' li Santil Hu: “Sa' inb'een kinaqk li xmajewahomeb' li ke'majewank aawe”.

Apocalipsis 2:9

Ninnaw li xnimal aarahilal ut laaneb'a'il (ab'an b'ihomat). Ninnaw laamajewankil xb'aaneb' li neke'xye rib' naq a'aneb' aj Judiiy ut maawa'eb', a'aneb' b'an xch'utleb'aal ochoch laj tza.