2 Corintios 8:5 - Q'eqchi Bible

⁵ Ut moko ka'aj ta wi' xe'xb'aanu jo' chanru naq xqak'oxla laa'o, xe'xq'axtesi aj b'an wi' rib'eb' xb'enwa chiru li Qaawa' ut moqon chiqu laa'o sa' xk'ab'a' li Yos.

Li Santil hu

⁵ Incꞌaꞌ xkacꞌoxla nak nabal ta teꞌxqꞌue. Queꞌxkꞌaxtesi rib chiru li Dios ut queꞌxyechiꞌi ajcuiꞌ rib chikatenkꞌanquil joꞌ naraj li Dios.

2 Corintios 8:5 ပူးပေါင်းရင်းမြစ်များ

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

2 Corintios 8:1

Ex was wiitz'in, anaqwan naqak'e chenaw li rusilal li Yos k'eeb'il reheb' li Iklees sa' xteepal Macedonia:

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

2 Crónicas 30:12

Jo'kan ajwi' sa' xteepal Judá li Yos kixtoch' xch'ooleb' li tenamit re naq chi junaj ru xch'ooleb' te'xb'aanu li k'aru ke'xye li awab'ej ut li xjolomileb' li tenamit, jo' chanru xchaq'rab' li Qaawa'.

1 Crónicas 12:18

Toja' naq laj Amasay, xjolomil li lajeeb' xka'k'aal, eek'asinb'il xb'aan li musiq'ej, kixye: “Tuqtuukilal cho'q aawe, at David, ralalat laj Jesé! Sahaq taxaq aach'ool! Chiwanq taxaq tuqtuukilal rik'ineb' li te'tenq'anq aawe, xb'aan naq laaYos nakatxtenq'a!”, chan. Laj David kixk'uleb' ut kixk'e xk'anjeleb' sa' xyanqeb' laj jolominel aj puub'.

1 Samuel 1:28

Jo'kan naq anaqwan tinq'axtesi re li Qaawa' chiru chixjunil li xyu'am. Rehaq li Qaawa' jo' najtil yo'yooq”. Toja' naq laj Elí kixhupub' rib' ut kixloq'oni ru li Qaawa'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

2 Crónicas 30:8

Anaqwan meejipi eerib' jo' ke'xb'aanu leena' leeyuwa'; q'axtesihomaq b'an eerib' chiru li Qaawa' ut kimqex sa' li xLoq'laj Muheb'aal li santob'resinb'il xb'aan chi junajwa. K'anjelanqex chiru li Qaawa' leeYos, ut taanajto'q eerik'in li xnimal xjosq'il.

2 Corintios 4:5

Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

1 Corintios 1:1

Laa'in laj Pablo, b'oqb'ilin chi k'anjelak cho'q x'apóstol li Kristo Jesus jo' x'alaak sa' xch'ool li Yos, wochb'een laj Sóstenes li wiitz'in,