2 Corintios 7:9 - Q'eqchi Bible

⁹ ink'a' rik'in naq xrahob'tesiik eech'ool, rik'in b'an naq xyot'e'k eech'ool xejal eek'a'uxl. Xekuy li rahilal a'an jo' naraj li Yos ut anaqwan neketaw ru naq maajun rahilal xek'ul qab'aan laa'o.

Li Santil hu

⁹ Anakcuan nasahoꞌ saꞌ inchꞌo̱l. Moco xban ta nak xrahoꞌ e̱chꞌo̱l inban. Riqꞌuin ban nak xyotꞌeꞌ e̱chꞌo̱l ut xejal e̱cꞌaꞌux. Xecuy li raylal aꞌan joꞌ naraj li Dios. Anakcuan nequetau ru nak moco ra ta xkaba̱nu e̱re.

2 Corintios 7:9 ပူးပေါင်းရင်းမြစ်များ

San Lucas 15:7

“Ninye eere naq jo'kan ajwi' sa' choxa. Q'axal nim chik li sahil ch'oolej taawanq naq junaq aj maak tixyot' xch'ool tixjal xk'a'uxl, chiruheb' li b'eleelaju ro'k'aal tiikeb' xch'ool li moko aajel ta chik ru naq te'xjal xk'a'uxeb'.

Hechos 20:21

xinjultika chi kaw chiruheb' laj Judiiy ut eb' laj Griego naq tento te'xjal xk'a'uxl ut te'xq'axtesi rib' re li Yos, jo' ajwi' naq te'xpaab' li Qaawa' Jesus.

Eclesiastés 7:3

Q'axal us li yaab'ak chiru li se'ek, xb'aan naq li rahil ch'oolej nokooxtenq'a chi xtawb'al qana'leb'.

Salmos 38:18

A'ut anaqwan kach'in chik maa nint'ane'k, li rahilal wankin wi' tik ink'a' nikinxkanab'.

2 Corintios 2:16

cho'q reheb' li junch'ol laa'o xb'ook li kamk li nak'amok chaq li kamk, ut cho'q reheb' li junch'ol chik laa'o xb'ook li yu'am nak'ehok yu'am. Ut ani truuq tixb'aanu a'in?

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

San Lucas 15:10

“Ninye eere naq kama'an ajwi' li sahil ch'oolej nawank sa' xyanqeb' li x'ánjel li Yos naq junaq aj maak tixyot' xch'ool tixjal xk'a'uxl”.

Zacarías 12:10

Ut sa' xb'eeneb' li ralal xk'ajol laj David ut eb' li wankeb' Jerusalén tinhoy jun musiq'ej re usilal ut tijok; toja' naq tine'xka'ya laa'in. Ut li xe'xpaynumi chi ch'iich' te'yot'e'q xch'ool ut te'yaab'aq chirix, jo' na'uxk yaab'ak chirix li xb'een alalb'ej malaj chirix li junaj chirib'il.

San Lucas 15:32

Ab'anan tento ajwi' xqab'aanu li ninq'e ut xsaho'k sa' qach'ool, xb'aan naq laawiitz'in a'in kamenaq naq xwank ut xwakliik wi' chik chi yo'yo, kisachk ut xtawmank chaq»”.

San Mateo 3:8

Chik'utunq b'i' sa' leeyu'am li naruuchin li yot'b'ach'oolej jalb'ak'a'uxl,

2 Corintios 7:8

Us ta xinrahob'tesi eech'ool rik'in linhu, ab'an ink'a' ra naweek'a. Ut wi ra xweek'a junxil (xb'aan naq nink'e reetal naq li hu a'an xrahob'tesi eech'ool us ta yal jun k'amok ajwi'), anaqwan nasaho'k sa' li waanm: