2 Corintios 7:4 - Q'eqchi Bible

⁴ Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

Li Santil hu

⁴ Cau inchꞌo̱l e̱riqꞌuin ut nasahoꞌ inchꞌo̱l xyebal e̱resilal. Cꞌojcꞌo inchꞌo̱l e̱ban. Usta yo̱quin chixcꞌulbal li raylal, abanan kꞌaxal sa saꞌ inchꞌo̱l.

2 Corintios 7:4 ပူးပေါင်းရင်းမြစ်များ

2 Corintios 1:4

A'an nak'ojob'ank qach'ool sa' chixjunil li qarahilal re naq tooruuq xk'ojob'ankil xch'ooleb' li wankeb' sa' chixjunil li rahilal, rik'in li xk'ojob'ankil qach'ool li naqak'ul rik'in li Yos.

2 Corintios 3:12

Xaqxo chi kaw li qoyb'enihom a'in, jo'kan naq nokoo'aatinak chi anchal qach'ool,

Santiago 1:2

Ex was wiitz'in, chek'ehaq cho'q xnimal xsahil eech'ool li k'iila paay chi yale'k sutsuuqex wi'.

Colosenses 1:24

Anaqwan nasaho'k sa' inch'ool rik'in li nalajinkuy sa' eek'ab'a' laa'ex, ut nintz'aqob'resi sa' linch'och'el sululel li xrahilal li Kriist li toj na'ajmank ru, cho'q re li xtz'ejwal, a'an li Iklees.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

1 Corintios 1:4

Junelik ninyoxink chiru li Yos cherix laa'ex xb'aan li rusilal li Yos k'eeb'il eere sa' xk'ab'a' li Kristo Jesus,

1 Ts 2:19

B'ar pe' wank li qoyb'enihom, li qasahilal, li qaloq'al li tqanima wi' qib' chiru li Qaawa' Jesus sa' li xk'ulunik? Ma ink'a' tab'i' laa'ex?

1 Ts 2:2

Us ta ak qak'ulum chaq li rahilal ut hob'e'k aran Filipos, jo' ak ch'olch'o cheru, ab'an li qaYos xk'e xkawub' qach'ool ut ink'a' xooxiwak chi xpuktesinkil li xChaab'il Esil li Yos eere laa'ex sa' xyanqeb' li k'iila rahilal.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

2 Corintios 11:21

Xutaanal cho'q we li ninye: xoowank sa' eeyanq chi tik maak'a' xkawub' qach'ool. Wi wank junaq kaw xch'ool chi xnimankil rib' (xmajelal inna'leb' ninye wi' a'in) tinnima ajwi' wib' laa'in.

2 Corintios 8:24

Chek'utaq b'i' chiruheb' leerahom ut chek'utaq ajwi' xyaalalil li k'aru naqanima wi' qib' cherix chiruheb' li Iklees.

2 Corintios 2:14

B'anyox re li Yos naq sa' xk'ab'a' li Kriist junelik nokooxk'e chi tz'aqonk sa' li x'awab'ejihom ut naxk'e chi nawe'k li Kriist sa' qak'ab'a' laa'o: a'an chanchan xb'ook li sununkil b'an naxik yalaq b'ar.

2 Corintios 1:14

naq laa'ex li ak xetaw ru xyaalal chiqix, teetaw ru chi us naq laa'o leeloq'al, jo' naq laa'exaq li qaloq'al sa' xkutankil li Qaawa' Jesus.

Romanos 5:3

Ut moko ka'aj ta wi' rik'in a'in, naqanima aj b'an wi' qib' toj sa'atqeb' li qarahilal, xb'aan naq naqanaw naq li rahilal naxyoob' xnimal kuyum;

Hechos 5:41

Eb' li apóstol ke'elk sa' li raqleb'aal aatin chi saheb' sa' xch'ool rik'in naq ke'k'ehe'k chi tz'eqtaanaak sa' xk'ab'a' li Jesus.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

2 Corintios 10:8

Ut us ta q'axal tinnima wu chirix li wankil a'in k'eeb'il qe xb'aan li Qaawa', ab'an ink'a' tinxutaanaq. Re xkab'lankil ru leeyu'am ut ink'a' re xjuk'b'al naq xinmaatani li wankil a'in.

Filipenses 1:14

Ut naab'aleb' laj paab'anel xe'kawuuk xch'ool chirix li Qaawa' sa' xk'ab'a' naq b'ak'b'ookin chi kareen, ut q'axal chik neke'xk'e xch'ool chi xyeeb'al li Raatin li Yos chi maak'a'eb' xxiw.

Filipenses 1:26

Jo'kan naq q'axal sahaq chik leeraanm rik'in li Kristo Jesus, naq wanqin wi' chik sa' eeyanq.

2 Ts 1:4

A'an nanimob'resink qaloq'al naq nokoo'aatinak cherix sa'eb' li x'Iklees li Yos, xb'aan naq nim leekuyum ut kaw leech'ool sa' leepaab'aal sa' chixjunil li raaxiik' ut li rahilal yookex chi xk'ulb'al.

Filemón 1:7

At wiitz'in, k'ajo' naq xsaho'k ut xk'ojlaak linch'ool xb'aan laarahom, xb'aan naq nasaanak sa' xch'ooleb' laj santil paab'anel sa' aak'ab'a'.