2 Corintios 5:1 - Q'eqchi Bible

¹ Naqanaw naq li muheb'aal a'in li nokoohilank wi' sa' ruuchich'och', taa'oso'q; ab'an wank jun li qochoch nachalk rik'in li Yos: a'an li muheb'aal ink'a' uxb'il rik'in uq'ej, ut wank sa' choxa chi junelik.

Li Santil hu

¹ Li katzꞌejcual arin saꞌ ruchichꞌochꞌ chanchan jun li ochoch li na-osoꞌ. La̱o nakanau nak li katzꞌejcual arin saꞌ ruchichꞌochꞌ na-osoꞌ. Abanan ta̱cua̱nk chic jun katzꞌejcual saꞌ choxa li tixqꞌue ke li Dios. Moco joꞌ ta li ochoch arin saꞌ ruchichꞌochꞌ li na-osoꞌ xban nak yi̱banbil xban cui̱nk. Li katzꞌejcual aran saꞌ choxa incꞌaꞌ ta̱osokꞌ. Cua̱nk ban chi junelic.

2 Corintios 5:1 ပူးပေါင်းရင်းမြစ်များ

1 Juan 3:2

Ex inrahom, ralal xk'ajolo li Yos anaqwan, ut maji' nak'utunk chankaq ta qu. Naqanaw chi us naq, jo'q'e taak'utunq a'an, chanchanaqo ajwi' li Yos, xb'aan naq toxqil ru A'an chi tz'aqal re ru.

Hebreos 9:24

Xb'aan naq li Kriist ink'a' ki'ok sa' jun li santil na'ajej yiib'anb'il rik'in uq'ej, reetalil li tz'aqal yaal; ki'ok b'an tz'aqal sa' choxa re xk'utb'al rib' anaqwan chiru li Yos sa' qak'ab'a' laa'o.

2 Corintios 4:7

Ab'an li xnimal ru qamaatan a'in wank qik'in sa' pak'b'il sek', re naq chik'utunq naq li xnimal ru wankilal a'in nachalk rik'in li Yos, moko qik'in ta laa'o.

Hebreos 9:11

Ab'anan kik'ulunk li Kriist, li xyuwa'il aj tij re li sahilal chaalel. Kik'ulunk sa' jun muheb'aal q'axal loq' wi' chik ut tz'aqal re ru, ink'a' yiib'anb'il rik'in uq'ej; naraj naxye, maawa' re li ruuchich'och' a'in.

Li xHu LAJ JOB 4:19

Ma toja' ta chik tixk'ojob' xch'ool chirixeb' li poyanam? Pak'b'ilo rik'in ch'och' ut maak'a' qametz'ew jo' junaq xmaxel li che'.

1 Pedro 1:4

re reechaninkil li maatan ink'a' nalajk na'oso'k, li ink'a' natz'ajniik chi moko naq'aak, a' li ak kawresinb'il sa' choxa cho'q eere

2 Corintios 5:4

Naq toj wanko sa' li muheb'aal a'in, nokootz'uyink chi namaynak li qaanm, xb'aan naq ink'a' naqaj xkanab'ankil li qatz'ejwal, naqaj b'an tootiqib'aaq sa' xb'een li k'aru ak wank chiqix, re naq li k'aru yal re kamk taasache'q xb'aan li yu'am.

Génesis 3:19

Rik'in xtiqob' laapeekem tatwa'aq, toj reetal tatsutq'iiq sa' li ch'och' xat-elk wi' chaq. Xb'aan naq pojtz' okenaqat chaq ut pojtz' tatsutq'iiq wi' chik”.

San Marcos 14:58

—Laa'o xqab'i naq kixye: «Laa'in tinjuk' li rochoch li Yos a'in yiib'anb'il chi uq'mej, ut chiru oxib' kutan tinyiib' jun chik moko yiib'anb'il ta rik'in uq'ej».

2 Pedro 3:11

Rik'in naq chixjunil li k'a'aq re ru a'in te'oso'q chi jo'kan, tento naq wanqex sa' santilal ut rik'in paab'ank;

Colosenses 2:11

Rik'in ajwi' A'an eek'ulum li sirkunsisyon, maawa' li uxb'il rik'in uq'ej, a' b'an li xsirkunsisyon li Kriist, rik'in risinkil eerik'in li naxrahi ru li tz'ejwalej.

1 Juan 3:19

A'in tqanaw wi' naq wanko rik'in li yaal ut tuqtuuq qach'ool chiru li Yos;

1 Juan 3:14

Laa'o naqanaw chi us naq xoo'elk sa' li kamk ut xooq'axonk sa' li yu'am, xb'aan naq naqaraheb' li qas qiitz'in. Ani ink'a' narahok, nakanaak sa' li kamk.

Hebreos 11:10

Xb'aan naq laj Abrahán naroyb'eni li tenamit ub'elanb'il chi us, a' li wank li Yos cho'q aj na'leb'ahom ut aj kab'lahom re.

1 Corintios 3:9

Laa'o nokook'anjelak qochb'een li Yos ut cho'q re A'an; ut laa'ex xk'aleb'aalex li Yos, xkab'lahomex li Yos.

Salmos 56:9

Ch'olch'o chawu chixjunil linb'eenik; chak'ul li xya'al wu sa' laakuk. Ma ink'a' tab'i' tz'iib'anb'il chixjunil sa' laahu?

Li xHu LAJ JOB 30:22

Poyin aj chik ut ninxchiq'le li kaqsut-iq'.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Isaías 38:12

Juk'b'il linmuheb'aal ut maq'b'il chiwu jo' xmuheb'aaleb' laj ilol ketomq. Xinb'ot linyu'am jo' naxb'aanu laj kemonel, ut laa'at xaset xnoq'al linkemom. Chi q'eq ut chi kutan yookat chinsachb'al,

Hechos 7:48

us ta li Nimajwal Yos ink'a' nahilank sa' junaq kab'l yiib'anb'il rik'in uq'ej, jo' naxye li propeet: