2 Corintios 4:8 - Q'eqchi Bible

⁸ Rahob'tesinb'ilo rik'in chixjunil, ab'an moko yeq'inb'ilo ta chi junajwa; wanko sa' ch'a'ajkilal, ab'an ink'a' nach'inank qach'ool;

Li Santil hu

⁸ Qꞌuila pa̱y chi raylal nachal saꞌ kabe̱n, abanan nakacuy xnumsinquil. Cuan nak incꞌaꞌ nakatau ru li yo̱co chixcꞌulbal abanan incꞌaꞌ nachꞌinan kachꞌo̱l.

2 Corintios 4:8 ပူးပေါင်းရင်းမြစ်များ

2 Corintios 12:10

Nasaho'k sa' inch'ool sa' xmajelal inmetz'ew, rik'in li hob'e'k, rik'in li wank sa' rajb'al ru, rik'in li rahob'tesiik ut li raaxiik' k'ulb'il sa' xk'ab'a' li Kriist, xb'aan naq jo'q'e maak'a' inmetz'ew, toja' naq q'axal kaw wib'.

2 Corintios 7:5

Relik chi yaal naq chalen qak'ulunik aran Macedonia tik ink'a' xhilank li qach'och'el qasululel, rahob'tesinb'ilo b'an rik'in chixjunil: yo li raaxiik' chiqix ut yo qaxiw sa' li qach'ool.

Salmos 37:33

ab'an li chaab'il xyu'am ink'a' taak'ehe'q sa' ruq' laj maak xb'aan li Yos, chi moko taateneb'aaq maak sa' xb'een naq wanq li raqb'a aatin.

San Juan 14:18

“Ink'a' texinkanab' eejunes jo' maak'a' leena' leeyuwa': tinchalq wi' chik eerik'in.

1 Corintios 10:13

Maji' nachalk sa' eeb'een junaq aaleek q'axal nim chiru li neke'xk'ul chixjunileb'. Li Yos naxb'aanu li xyeechi'i, ut ink'a' texxkanab' chi aaleek jo' ink'a' truuq teekuy. Rik'in li aaleek, li Yos tixk'e ajwi' eere chanru teekuy re naq us tex'elq.

2 Corintios 6:4

Chixjunil li naqab'aanu, naxk'ut naq laa'o aj k'anjelo chiru li Yos: q'axal naqakuy li rahob'tesiik, li raasa, li ch'a'ajkilal,

Proverbios 14:26

Li naroxloq'i li Qaawa', k'ojk'o li xch'ool chi junelik, ut eb' li ralal xk'ajol xaqxo li royb'enihomeb'.

1 Samuel 28:15

Toja' naq laj Samuel kixye re laj Saúl: “K'a' naq nikinaach'i'ch'i'i ut nikinaapatz'?”. Kichaq'ok laj Saúl: “Wankin sa' jun nimla ch'a'ajkilal: eb' laj Filistea yookeb' chi yalok wik'in ut li Yos xinxkanab'. Ink'a' chik nikinxsume chi moko rik'ineb' propeet, chi moko sa' inmatk'. Jo'kan naq xatinb'oq chaq re naq taaye we k'aru tinb'aanu”.

1 Samuel 30:6

K'ajo' li xk'a'uxl laj David xb'aan naq eb' li wankeb' rochb'een yookeb' chi xk'oxlankil xteninkil chi pek: jwal raheb' sa' xch'ool li tenamit, li junjunq chirixeb' li xkok'al. Ab'an laj David kixtaw xkawub' li xch'ool rik'in li Qaawa' li xYos

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

1 Samuel 31:4

Toja' naq a'in kixye re laj tenq' re: “Isi laach'iich' ut kamsin. Mare anchal te'k'ulunq li ink'a' xk'ulumeb' sirkunsisyon ut te'ok chinse'enkil ut chinkamsinkil”, chan. Ab'an laj tenq' re ink'a' kiraj xb'aan naq k'ajo' xxiw. Tikto laj Saúl kixchap li xch'iich' ut kixkut rib' sa' xb'een.

Salmos 129:2

q'axal kine'xrahob'tesi chalen chaq sa' linsaajilal, ab'anan ink'a' ke'numtaak sa' inb'een.

Isaías 40:31

a'ut li neke'oyb'enink rik'in li Qaawa' junelik kawaqeb' rib' ut te'rupupiq jo'eb' li t'iw; te'aanilaq chi ink'a' te'lub'q, ut te'b'eeq chi ink'a' te'tawaaq.

Habacuc 3:17

Us ta ink'a' chik taatuxmeq li xche'el li iig ut maak'a'aq chik ru li uub'; us ta ink'a' chik taa'uuchinq li oliiw ut li ch'och' ink'a' chik tixk'e qatzekemq; us ta maak'a'aqeb' chik li karneer sa' li xna'ajeb' chi moko wanqeb' chik qawakax sa' li xwa'leb'aaleb',

2 Corintios 6:12

Nimla na'ajej wank cho'q eere sa' li qaanm, ab'an leech'ool laatz' wank cho'q qe laa'o.

Gálatas 4:20

Nawaj ta wankin sa' eeyanq anaqwan re xtuqub'ankil ru li waatin, xb'aan naq k'ajo' ink'a'uxl cherix.