2 Corintios 4:5 - Q'eqchi Bible

⁵ Ink'a' yooko chi xpuktesinkil qesil laa'o, a' b'an resil li Kristo Jesus, li Qaawa'; laa'o yal eemoos sa' xk'ab'a' li Jesus.

Li Santil hu

⁵ Incꞌaꞌ yo̱co chixchꞌolobanquil che̱ru nak la̱o toe̱pa̱b. Yo̱co ban chixchꞌolobanquil xya̱lal nak li Jesucristo aꞌan li Ka̱cuaꞌ. Ut la̱o yal aj cꞌanjelo che̱ru saꞌ xcꞌabaꞌ li Jesucristo.

2 Corintios 4:5 ပူးပေါင်းရင်းမြစ်များ

2 Corintios 1:24

Moko naqaj ta taqlank sa' xb'een leepaab'aal, naqaj b'an sumk'anjelak chirix xsahil eech'ool, xb'aan naq kaw xaqxookex chi paab'ank.

1 Corintios 1:23

ab'an laa'o naqapuktesi resil li Kriist k'eeb'il chiru krus. A'an tichk'ob'aal cho'q reheb' laj Judiiy ut memil na'leb' cho'q reheb' li junch'ol chik,

Gálatas 5:13

Ex was wiitz'in, xexb'oqe'k re wank chi ach'ab'anb'il. Ab'anan sa' xk'ab'a' naq wankex chi ach'ab'anb'il mex'ok chi xb'aanunkil li naraj li tz'ejwalej, chera b'an eerib' ut chetenq'a eerib' cherib'il eerib'.

Filipenses 2:11

ut li junjunq tixch'olob' rik'in xtz'uumal re naq li Jesukriist a'an li Qaawa', re li xnimal xloq'al li Yos Yuwa'b'ej.

Filipenses 1:15

Yaal ajwi' naq wankeb' li neke'puktesink resil li Kriist yal xb'aan naq nikine'xkaqali ut nikine'xwech'i, ab'an wankeb' ajwi' neke'b'aanunk a'an chi anchaleb' xch'ool.

2 Pedro 2:3

Xb'aan xraab'al ru li tumin te'yakoq cherix rik'in b'alaq'il aatin; a'ut chalen junxil yo'oon wank li raqb'a aatin sa' xb'eeneb', ut li roso'jikeb' moko warenaq ta.

Tito 1:11

Eb' a'an tento xch'anab'ankileb', xb'aan naq neke'xpo' xch'ooleb' li junq kab'al rik'in xk'utb'al li maatzole'k naraj, yal tumin neke'raj.

2 Timoteo 2:10

Jo'kan naq nalajinkuy chixjunil sa' xk'ab'a'eb' li sik'b'ileb' ru xb'aan li Yos, re naq eb' a'an ajwi' te'xtaw li kolb'a ib' li wank rik'in li Kristo Jesus jo' ajwi' li junelik loq'al.

1 Corintios 12:3

Jo'kan naq nink'e chenaw naq maajun junaq li na'aatinak rik'in xMusiq' li Yos naru tixye: “Maa'usinb'ilaq taxaq li Jesus!”, ut maajun ajwi' naru tixye: “Li Jesus a'an li Qaawa'!”, wi ink'a' musiq'anb'il xb'aan li Santil Musiq'ej.

1 Corintios 8:6

ab'an chiqu laa'o jun ajwi' chi Yos wank, a' li Yuwa'b'ej, li nachalk wi' chixjunil li k'a'aq re ru; cho'q re a'an naq yo'yooko. Jo'kan ajwi' chiqu laa'o wank jun ajwi' chi Qaawa', a' li Jesukriist: sa' xk'ab'a' a'an wank chixjunil, ut laa'o yo'yooko sa' xk'ab'a' a'an.

1 Corintios 2:2

xb'aan naq maak'a' xwaj xnawb'al sa' eeyanq, ka'ajwi' li Jesukriist, ut a'in k'eeb'il chiru krus.

Hechos 10:36

A'an kixtaqla chaq li Raatin rik'ineb' li ralal xk'ajol laj Israel chi xjultikankil li xchaab'il esil li tuqtuukilal sa' xk'ab'a' li Jesukriist, a' li xQaawa' chixjunil li ruuchich'och'.

Hechos 5:31

A'an li kitaqsiik xb'aan li Yos toj sa' xnim uq' cho'q aj jolominel ut aj kolonel, re xk'eeb'al reheb' laj Israel li yot'b'ach'oolej jalb'ak'a'uxl jo'wi' li xkuyb'al xsachb'aleb' li xmaak.

Hechos 2:36

“Che'xnawaq b'i' chixjunileb' li ralal xk'ajol laj Israel naq li Jesus a'in li xek'e laa'ex chiru krus, a'an kixaqab'aak xb'aan li Yos cho'q Qaawa' ut Kriist”.

San Juan 7:18

Ani na'aatinak yal xjunes rib', a'an naxsik' naq taak'eemanq xloq'al; ab'an li naxsik' xloq'al li kitaqlank chaq re, a'an paab'ajel ut maak'a' b'alaq'ik rik'in.

San Mateo 23:8

“A'ut laa'ex mixk'ul eech'ool xk'ab'a'inkil aj tzolonel, xb'aan naq jun ajwi' laj Tzolol eere ut chejunilex laa'ex eeriitz'in eerib'.

San Mateo 3:11

Laa'in ninkub'si eeha' yal rik'in ha', re naq teeyot' eech'ool teejal eek'a'uxl; ab'an li yo chi chalk chiwix a'an q'axal nim xwankil chiwu, ut laa'in ink'a' ink'ulub' xk'amb'al li xxaab'. A'an tixkub'si eeha' rik'in Santil Musiq'ej ut xam.

2 Corintios 1:19

Laj Silvano, laj Timoteo ut laa'in xqapuktesi resil li Kristo Jesus, li Ralal li Yos, eere laa'ex; ut A'an maawa' jun ta yaal ut jun ta ink'a'; junes li yaal b'an kiwank rik'in.

1 Corintios 15:47

Li xb'een winq ch'och' okenaq, a'an ruuchich'och'il winq; ut li xkab' toj sa' choxa chalenaq chaq.

1 Corintios 10:33

jo' naq laa'in ninyal inq'e chi xk'ojob'ankileb' xch'ool chixjunileb' rik'in chixjunil. Ink'a' ninsik' li k'aru us cho'q we injunes, a' b'an li us cho'q re chixjunileb', re naq te'kole'q.

1 Corintios 4:15

Xb'aan naq us ta wanq lajeeb'aq mil aj ch'ilom eere sa' xk'ab'a' li Kriist, ab'an moko naab'aleb' ta leeyuwa'. Sa' xk'ab'a' li Kristo Jesus laa'in xinsiyank eere xb'aan li Chaab'il Esilal.