2 Corintios 4:2 - Q'eqchi Bible

² Xqatz'eqtaana li k'a' re ru xutaanal ut li wank chi muqmu, ut ink'a' yooko chi k'anjelak rik'in b'alaq'il aatin chi moko yooko chi xjalb'al xyaalal li Raatin li Yos, naqak'e b'an chi nawe'k li yaal. Chi jo'kan naqaq'axtesi qib' chiru chixjunileb' re naq te'xk'e reetal chanru wank li qach'ool, chiru li Yos.

Li Santil hu

² Nakatzꞌekta̱na chi junaj cua xba̱nunquil li ma̱usilal li moco uxc ta naraj li nequeꞌxba̱nu li jun chꞌol chic. Incꞌaꞌ nocobalakꞌin. Ut incꞌaꞌ nakapoꞌ ru li ra̱tin li Dios. Nakachꞌolob ban chi tzꞌakal lix ya̱lal re nak chixjunileb teꞌxqꞌue retal nak saꞌ xya̱lal cuanco chiru li Dios.

2 Corintios 4:2 ပူးပေါင်းရင်းမြစ်များ

2 Corintios 2:17

Relik chi yaal naq laa'o ink'a' nokooyakok rik'in Raatin li Yos kama' neke'xb'aanu naab'aleb'; nokoo'aatinak b'an sa' yaal, chiru li Yos, sa' xk'ab'a' li Kriist, jo' chanru musiq'anb'ilo xb'aan li Yos.

2 Corintios 5:11

Laa'o naqanaw naq tento roxloq'inkil li Qaawa'. Jo'kan naq naqayal qaq'e chi xq'unb'esinkil xch'ooleb' li tenamit. Li Yos naxnaq k'aru wank sa' qach'ool, ut nawoyb'eni naq laa'ex ajwi' teenaw qu chi us.

1 Corintios 4:5

Jo'kan naq mexraqok aatin chi maji' xq'ehil, toj reetal tol'elq li Qaawa'. A'an taakutanob'resinq re li k'a'aq re ru muqmu chaq sa' li aak'ab' ut tixk'utb'esi li na'alaak sa' xch'ool chixjunileb'. Toja' naq li junjunq tixk'ul xloq'al rik'in li Yos.

2 Corintios 11:3

Ab'anan ninxiwa naq mare taapo'q leek'a'uxl: kama' naq lix Eva kib'alaq'iik xb'aan xlab'alil li k'anti', mare tex'isiiq ajwi' laa'ex rik'in li yaal ut santilal wankex wi' cho'q re li Kriist.

Efesios 5:12

Xutaanal ajwi' xyeeb'al li b'arwan neke'xb'aanu eb' a'an chi muqmu.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

Romanos 1:16

Xb'aan naq ink'a' ninxutaanak chi xpuktesinkil li Chaab'il Esilal; a'an xnimal xwankil li Yos re xkolb'al chixjunileb' li te'paab'anq re: xb'enwa eb' laj Judiiy ut eb' ajwi' laj Griego.

Efesios 4:14

Ink'a' chik kama'aqo li kok'al, chi moko eek'asinb'ilaqo ut k'amb'ilaqo xb'aan li iq' yalaq b'ar xb'aan k'a'aq re ru chi na'leb'il li yal naraj xch'ooleb' li winq aj tik'ti' ut aj lab'al, a'eb' li junes b'alaq'il neke'xyoob',

2 Corintios 11:6

Us ta ink'a' ninnaw aatinak chi chaab'il, ab'an moko jo'kanin ta rik'in linna'leb'; ut a'in junelik xqak'ut cheru rik'in chixjunil ut sa' xyanqeb' chixjunil.

2 Corintios 1:12

A'an a'in li k'ojk'o wi' li qach'ool: xnawb'al naq xoowank sa' santilal ut tiikilal sa' li ruuchich'och' a'in sa' xk'ab'a' li Yos, ut q'axal wi' chik naq xoowank sa' eeyanq laa'ex: moko rik'in ta xna'leb' li ruuchich'och', rik'in b'an rusilal li Yos.

Romanos 6:21

Ab'an k'aru xera chaq rik'in a k'a'aq re ru a'in li nekexxutaanak wi' anaqwan? Xb'aan naq a' li kamk nakoxraqe'q wi'.

2 Corintios 6:8

Wan naq naterq'usiik qawankil ut wan naq nokootz'eqtaanaak; wan naq nokooq'ab'aak ut wan naq chaab'il nayehe'k chiqix. Neke'xye naq aj b'alaq'o, ab'an naqaye li yaal;

1 Reyes 18:34

Tikto kixye: “Nujob'resihomaq kaahib'aq kuk chi ha' ut hoyomaq sa' xb'een li mayej ut sa' xb'een li si'”. Jo'ka'an ke'xb'aanu. Moqon kixye wi' chik reheb': “B'aanuhomaq roxsutil”. Ut oxsut ke'xb'aanu.