2 Corintios 3:3 - Q'eqchi Bible

³ Uuchin naq laa'ex xhu li Kriist, k'uub'k'u xb'aan li qak'anjel, moko tz'iib'anb'il ta rik'in b'on, rik'in b'an xMusiq' li yo'yookil Yos; ink'a' tz'iib'anb'il chiru perpookil pek, chiru b'an tib'elej, sa' leech'ool.

Li Santil hu

³ Le̱ yuꞌam la̱ex chanchan jun li hu tzꞌi̱banbil xban li Cristo. Ut la̱o xkachꞌolob lix ya̱lal che̱ru. Li hu aꞌin moco tzꞌi̱banbil ta chiru pec chi moco tzꞌi̱banbil ta riqꞌuin tinta. Tzꞌi̱banbil ban saꞌ le̱ ra̱m xban lix Musikꞌ li yoꞌyo̱quil Dios.

2 Corintios 3:3 ပူးပေါင်းရင်းမြစ်များ

Ezequiel 11:19

Tink'e reheb' jun ak' ch'oolej ut jun ak' musiq'ej; twisi li xpekil ch'ooleb' ut tink'e reheb' jun q'unil ch'oolej,

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Hebreos 8:10

A'an a'in li Sumwank li tink'ojob' rik'ineb' li ralal xk'ajol laj Israel moqon, chirixeb' li kutan a'an, chan li Qaawa': Tink'eheb' linchaq'rab' sa' li xk'a'uxeb', ut tintz'iib'a sa' xch'ooleb'. Laa'inaq li xYoseb' ut a'anaqeb' lintenamit.

Hebreos 10:16

“A'an a'in li Sumwank tink'ojob' rik'ineb', chirixeb' li kutan a'an, chan li Qaawa': Tink'eheb' linchaq'rab' sa' li xch'ooleb', ut tintz'iib'a sa' xk'a'uxeb'”.

Salmos 40:8

jo'kan naq xinye: We'kin, chalk we, chankin. Tz'iib'anb'il chiwix sa' li b'otb'ookil hu

Éxodo 31:18

Naq li Qaawa' kiraqe'k chi aatinak rik'in laj Moisés sa' li tzuul Sinaí, kixk'e re li wiib' chi perpookil pek re li Sumwank, a'eb' li perpookil pek tz'iib'anb'ileb' xb'aan li ru'uj ruq' li Yos.

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Éxodo 24:12

Kixye li Qaawa' re laj Moisés: “Taqen chaq toj wik'in, sa' xb'een li tzuul; kanaaqat aran ut tink'eheb' aawe li perpookil pek, a'eb' li chaq'rab' ut eb' lintaqlahom li xintz'iib'a re xtijb'aleb' laj Israel”.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Proverbios 3:3

B'aanu li yaal ut li rahok chi junelik; chak'uulaheb' jo' junaq chaab'il q'ol chakux, ut chatz'iib'aheb' sa' laach'ool.

Proverbios 7:3

Chatz'ejwali aawib' rik'in, ut maatz'eq chirix laawaanm.

Salmos 84:2

K'ajo' xsahil li wank sa' laawochoch, at Qaawa', at qaNimajwal Yos!

1 Ts 1:9

Eb' a'an ajwi' neke'xye qesil: neke'xseeraq'i chanru naq xooheek'ul chaq ut chanru naq xekanab'eb' li yal k'oxlanb'il yos ut xeq'axtesi eerib' re li Yos re k'anjelak chiru li yo'yookil ut tz'aqal Yos,

San Mateo 16:16

Kichaq'ok laj Simón Pedro ut kixye: —Laa'at li Kriist, li Ralal li yo'yookil Yos.

Éxodo 34:1

Kixye li Qaawa' re laj Moisés: “Tuqub' ru wiib' perpookil pek kama'eb' li xe'wank xb'enwa, ut chiruheb' a'an laa'in tintz'iib'a eb' li aatin tz'iib'anb'ileb' xb'enwa chiruheb' li xajor.

Apocalipsis 3:22

«Ani wank xxik, chirab'ihaq li naxye li Musiq'ej reheb' li Iklees»”.

Apocalipsis 2:18

“Tz'iib'an rik'in li x'ánjel li Iklees li wank Tiatira: «A'in naxye li Ralal li Yos, li wank xsa' li ru kama' raq'xam ut li roq chanchan chaab'il q'anch'iich'.

Apocalipsis 2:8

“Tz'iib'an rik'in li x'ánjel li Iklees li wank Esmirna: «A'in naxye li xb'een ut li rosob'l, li kikamk ut kiyo'laak wi' chik.

Jeremías 10:10

A'ut li Qaawa' a'an li tz'aqal Yos: A'an li yo'yookil Yos ut li Rey wank chi junelik. Naq najosq'o'k li Qaawa', nahich'hotk li ruuchich'och'; ut eb' li tenamit ink'a' neke'xkuy li xjosq'il li Yos.

Josué 3:10

Rik'in a'in teenaw naq li yo'yookil Yos wank sa' eeyanq ut A'an ajwi' taa'isinq reheb' laj Kanahán, eb' laj Hit, eb' laj Jib, eb' laj Perés, eb' laj Kirkás, eb' laj Amor ut eb' laj Jebús sa' li na'ajej texnume'q wi'.

Apocalipsis 3:14

“Tz'iib'an rik'in li x'ánjel li Iklees li wank Laodicea: «Kama'in na'aatinak li Amén, laj Ch'olob'anel re li yaal, chaab'il ut paab'ajel, li xTiklajik chixjunil li xyoob'tesihom li Yos.

Apocalipsis 3:7

“Tz'iib'an rik'in li x'ánjel li Iklees li wank Filadelfia: «A'in naxye li Sant, li Paab'ajel, li wank xlaaw laj David rik'in: naq a'an natehok, maa'ani taaruhanq chi xtz'apb'al; naq a'an natz'apok, maa'ani taaruhanq chi xteeb'al.

Apocalipsis 2:12

“Tz'iib'an rik'in li x'ánjel li Iklees li wank Pérgamo: «A'in naxye li wank xjutz' ch'iich' ka'pak'al xq'esnal.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.

Daniel 6:26

A'an a'in li ninchaq'rab'i wi' chixjunileb' li tenamit wankeb' sa' lin'awab'ejihom: naq che'roxloq'i ut che'xpaab' li xYos laj Daniel, xb'aan naq A'an tz'aqal li yo'yookil Yos ut wank chi junelik. Li x'awab'ejihom maajun wa taajuk'manq ut li xwankilal maajoq'e taalajq taa'oso'q.

Jeremías 17:1

“Li xmaak laj Judá tz'iib'anb'il rik'in ch'iich', aw'o chi us sa' li xch'ool kaaxtinb'il rik'in ru'uj li lemtz'ilpek, ut let'exinb'ilatq sa' xxuk eb' li x'artal.

Apocalipsis 3:1

“Tz'iib'an rik'in li x'ánjel li Iklees li wank Sardes: «A'in naxye li wank wuqub' chi xmusiq' li Yos rik'in ut li wuqub' chi chahim. Ninnaw laab'aanuhom; yo'yookat naq neke'xye, ab'an kamenaqat.

1 Samuel 17:26

Toja' naq laj David kixpatz' reheb' li wankeb' chi xk'atq: “K'aru taak'ehe'q re li ani taakamsinq re laj Filistea a'an ut trisi li xutaan wank sa' xb'eeneb' laj Israel? Ani li winq a'an li maak'a' xpaab'aal? K'a'ut naq naraj xhob'b'al eb' laj puub' re li yo'yookil Yos?”.

Éxodo 32:15

Toja' naq kisutq'iik chaq laj Moisés, kikub'e chaq sa' li tzuul ut kixk'am sa' ruq' li wiib' chi xtz'alampekil Sumwank: tz'iib'anb'ileb' li perpookil pek a'an sa' xka'pak'alil, chiru ut chirix.

1 Corintios 3:5

Ani laj Apolo? Ani laj Pablo? Yal aj k'anjeleb'. Sa' xk'ab'a'eb' a'an xex'ok chi paab'ank, ut li junjunq xb'aanu li xk'anjel a' yaal chanru xk'ehe'k re xb'aan li Qaawa'.

2 Corintios 3:6

a'an xooxkawresi cho'q aj k'anjel chiru jun Ak' Sumwank, maawa' re li tz'iib'anb'il chiru pek, re b'an li Musiq'ej. Xb'aan naq li tz'iib'anb'il nakamsink, ut li Musiq'ej nak'ehok yu'am.

2 Corintios 3:7

Wi li xk'anjel li kamk, tz'iib'anb'il chiru perpookil pek, q'axal kiwank xloq'al toj reetal naq eb' li ralal xk'ajol laj Israel ink'a' ke'ruhank xka'yankil li xnaq' ru laj Moisés xb'aan li xlemtz'unkil, us ta yal numel a'an,