2 Corintios 2:9 - Q'eqchi Bible

⁹ Ak xintz'iib'ak eerik'in re xyalb'al eerix, re rilb'al ma nekex'ab'ink rik'in chixjunil.

Li Santil hu

⁹ Xban aꞌan nak xintzꞌi̱bac e̱riqꞌuin junxil. Ut xintzꞌi̱bac ajcuiꞌ xban nak nacuaj xnaubal ma te̱ba̱nu chixjunil li cꞌaꞌru ninye e̱re.

2 Corintios 2:9 ပူးပေါင်းရင်းမြစ်များ

2 Corintios 10:6

yo'oon ajwi' wanko chi xrahob'tesinkil chixjunileb' laj q'etol aatin, naq tz'aqalaq re ru leepaab'aal.

Filemón 1:21

Xintz'iib'ak aawik'in chi k'ojk'o li waanm naq taab'aanu li usilal a'in; ut ninnaw naq q'axal naab'al chik taab'aanu chiru li nintz'aama aawe.

Filipenses 2:22

A'ut laa'ex ak nekenaw xchaab'ilal li xna'leb' laj Timoteo: kama' junaq alalb'ej chiru li xyuwa', jo'kan naq kik'anjelak wochb'een chirix li Chaab'il Esilal.

2 Ts 3:14

Wi wank junaq ink'a' naxpaab' li xqaye sa' li hu a'in, k'ehomaq reetal ut meejunaji eerib' rik'in re naq chixutaanaq.

Filipenses 2:12

Jo'kan utan, ex was wiitz'in raarookex inb'aan, jo' naq xexpaab'ank chiwu chi junelik, moko ka'aj ta wi' naq wankin chaq eerik'in, jo'kan ajwi' teeb'aanu anaqwan naq maa'anihin sa' eeyanq. Chexk'anjelaq chi kaw chirix leekolb'al chi wanq eexiw ut texsiksotq,

2 Corintios 8:24

Chek'utaq b'i' chiruheb' leerahom ut chek'utaq ajwi' xyaalalil li k'aru naqanima wi' qib' cherix chiruheb' li Iklees.

Deuteronomio 13:3

maapaab' li propeet a'an malaj li xyehom laj matk'. Xb'aan naq li Qaawa' leeYos yooq chi xyalb'al eerix, re xnawb'al ma relik chi yaal naq nekera li Qaawa' leeYos chi anchal eech'ool ut chi anchal eeraanm.

Deuteronomio 8:16

ut katxch'oolani sa' li chaqich'och' rik'in li maná li ink'a' xnawomeb' ru laana' laayuwa'. Kixkub'si aawankil ut kixyal aawix re naq moqon tixk'e xsahil laach'ool.

Deuteronomio 8:2

“Wanq sa' laach'ool chixjunil li b'e kixk'e chab'eeni li Qaawa' laaYos chiru li ka'k'aal chihab' a'in sa' li chaqich'och' re xkub'sinkil aawankil, re xyalb'al aawix ut xnawb'al k'aru wank sa' laach'ool: ma taapaab' li xchaq'rab' malaj ut ink'a'.

Éxodo 16:4

Kixye li Qaawa' re laj Moisés: “K'e reetal, laa'in tintaqla chaq sa' eeb'een li choxahil wa. Te'elq li tenamit wulaj wulaj chi xxokb'al xwaheb' re li junjunq chi kutan; chi jo'kan tinyaleb' rix re xnawb'al ma yookeb' chi xpaab'ankil linchaq'rab' malaj ut ink'a'.

2 Corintios 2:3

A'in aj e naq xintz'iib'a eerik'in chi jo'ka'in, re naq jo'q'e tinwulaq, maak'a'aq xrahil inch'ool xb'aaneb' li tento raj xe'xk'e xsahil li waanm. Ninnaw chi us cherix chejunilex naq linsahojik a'an ajwi' leesahojik chejunilex.

2 Corintios 2:4

Relik chi yaal naq xintz'iib'ak eerik'in chi q'axal ra sa' inch'ool: k'ajo' naq xyot'e'k li waanm ut xinyaab'ak! Ab'anan moko re ta xrahob'tesinkil eech'ool naq xintz'iib'ak, re b'an naq teenaw naq numtajenaq raarookex inb'aan.

2 Corintios 2:8

Jo'kan utan, nintz'aama cheru: k'utomaq wi' chik chiru naq nekera.

2 Corintios 8:2

us ta q'axal xe'yale'k rix xb'aan li rahilal xe'xk'ul, ab'anan q'axal numtajenaq li xsahilaleb' xch'ool, ut li xnimal xneb'a'ileb' xk'ihank cho'q b'ihomal xb'aan xchaab'ilal xch'ooleb'.