2 Corintios 10:8 - Q'eqchi Bible

⁸ Ut us ta q'axal tinnima wu chirix li wankil a'in k'eeb'il qe xb'aan li Qaawa', ab'an ink'a' tinxutaanaq. Re xkab'lankil ru leeyu'am ut ink'a' re xjuk'b'al naq xinmaatani li wankil a'in.

Li Santil hu

⁸ Ma̱re nequecꞌoxla nak yo̱quin chixnimobresinquil cuib riqꞌuin lin cꞌanjel. Abanan lin cꞌanjel qꞌuebil cue xban li Ka̱cuaꞌ re nak texintenkꞌa. Ma̱cuaꞌ re e̱sachbal. Incꞌaꞌ nincꞌoxlac riqꞌuin li cꞌaꞌru ninba̱nu xban nak li Dios xqꞌue incuanquil chixba̱nunquil.

2 Corintios 10:8 ပူးပေါင်းရင်းမြစ်များ

2 Corintios 13:10

Xintz'iib'a a'in naq maa'anihin sa' eeyanq, re naq ink'a' texinkawil'aatina naq wanqin eerik'in, jo' chanru li wankil k'eeb'il we xb'aan li Qaawa' re kab'lak ut ink'a' re juk'uk.

2 Timoteo 1:12

ut yookin chi xk'ulb'al li rahilal a'in. Ab'an ink'a' ninxutaanak xb'aan naq ninnaw chi us ani k'ojk'o wi' inch'ool, ut ch'olch'o chiwu naq A'an q'axal kaw rib' re xk'uulankil li k'aru q'axtesinb'il we, toj reetal taawulaq li Kutan a'an.

Gálatas 1:1

Laa'in laj Pablo, apóstol moko xb'aan ta naq b'oqb'ilin malaj taqlanb'ilin xb'aan winq, sa' xk'ab'a' b'an li Jesukriist ut sa' xk'ab'a' li Yos Yuwa'b'ej li kiwaklesink re chi yo'yo sa' xyanqeb' li kamenaq.

2 Corintios 13:8

Xb'aan naq maak'a' qawankil chiru li yaal, nokook'anjelak b'an re xk'eeb'al xwankil li yaal,

2 Corintios 12:6

Wi ta twaj xnimankil wib', moko maak'a'aq ta raj inna'leb', xb'aan naq tinye raj li yaal. Ab'anan ink'a' tinb'aanu: mare anchal ani junaq tixk'oxla naq laa'in q'axal nim inwankil chiru li b'arwan naril malaj narab'i chiwix.

2 Corintios 1:24

Moko naqaj ta taqlank sa' xb'een leepaab'aal, naqaj b'an sumk'anjelak chirix xsahil eech'ool, xb'aan naq kaw xaqxookex chi paab'ank.

2 Corintios 7:14

Ut wi wank k'aru xinnima wi' wu eeb'aan laa'ex chiru laj Tito, ink'a' xinkanaak sa' xutaan. Jo' naq yaal chixjunil li xqaye eere, jo'kan ajwi' tz'aqal yaal chixjunil li xqaye re laj Tito: naq laa'ex li xk'ojob'ankil qach'ool.

2 Corintios 7:4

Ninye eere li yaal ut q'axal ninnima wu sa' eek'ab'a' laa'ex. K'ojk'o inch'ool ut numtajenaq xsahil li waanm sa' chixjunil li rahilal.

2 Corintios 10:4

Li ch'iich' nokooyalok wi' moko re ta li ruuchich'och', a'an b'an xwankil li Yos re xjuk'b'al chixjunil li xk'anjel li maa'us. Chi jo'kan yooko chi xpo'b'al li b'alaq'il na'leb'

2 Corintios 10:9

Ink'a' nawaj naq teek'oxla naq yal re eexib'enkil naq nintz'iib'ak eerik'in.

2 Corintios 12:19

Mare ak junxil xex'ok chi xk'oxlankil naq yooko chi xpatz'b'al qakuyb'al cheru. Ab'anan moko jo'kan ta: nokoo'aatinak chiru li Yos sa' xk'ab'a' li Kriist. Ut chixjunil a'in, ex was wiitz'in raarookex inb'aan, yal re xkab'lankil leekomonil naq ninye.